Txindoki eta Aizkorriko ikuspegia, Arranoaitzetik
Aralarko eta Aizkorriko mendateek ikuspegi ederrak eskaintzen dituzte Goierriko hainbat puntutatik. Legazpiko Brinkola auzotik gora dagoen Arranoaitz menditik atera du panoramika eder hau Carlos Mediavilla argazkilari urretxuarrak. Ezkerraldean, Txindokiko tontorra ikusten da; eskuinaldean, Aizkorriko mendilerroa, elurtuta; eta parean, Elortxuriko pinudiak.