Fernando Romay, Azu Muguruza eta Miguel Santos gaur Igartzan
Arri BKL-ren 50. urteurreneko gala egingo dute ostiralean Usurbe Antzokian. Senior eta junior mailako neskek Gipuzkoako Kopako txapelketak irabazi dituzteBKL saskibaloi taldearen 50. urteurreneko ekitaldien barruan, aste honetan bi ekintza egingo dituz...
Arri BKL-ren 50. urteurreneko gala egingo dute ostiralean Usurbe Antzokian. Senior eta junior mailako neskek Gipuzkoako Kopako txapelketak irabazi dituzte
BKL saskibaloi taldearen 50. urteurreneko ekitaldien barruan, aste honetan bi ekintza egingo dituzte. Batetik, gaur, 19:00etan, Igartzako jauregian hitzaldia egingo dute Fernando Romay Espainiako saskibaloi jokalari ohiak, Azu Muguruza Gipuzkoa IDK taldeko entrenatzaileak eta Miguel Santos Gipuzkoa Basketeko ohorezko lehendakariak eta taldearen sortzaileak.Ostiralean, bestetik, 19:00-etan, Usurbe Antzokian, Saskibaloiaren Gala egingo dute. BKL-ko presidenteak (Raul Velazquez), Beasaingo alkateak (Aitor Aldasoro), Federazioko ordezkariak (Mikel Lekaraz) eta foru aldundiko ordezkariek hitza hartuko dute ekitaldiaren hasieran eta gero, Beasaingo saskibaloiaren 50 urteetako historia laburbiltzen duten bi bideo proiektatuko dituzte.
Horrekin batera, saskibaloi taldeko hainbat kideri sariak ere banatuko dizkiete ostiraleko Saskibaloiaren Galan. Dantzaki dantza taldeak girotuko du ekitaldia.
Neskek emaitza onak
Denboraldi bikaina ari dira burutzen Arri BKL-ko maila desberdinetako taldeak; 50. urteurrena ospatzeko sari ugari ari dira lortzen, beraz. Azken garaipenak pasa den asteburuan lortu zituzten maila desberdinetako nesken taldeek: hiru finaletatik bi irabazi zituzten.
Senior mailako neskek Donostian jokatu zuten Lauko Finala eta bi partidak irabazita, Gipuzkoako txapeldunak geratu ziren. Horrekin batera, 2. nazional mailarako txartela ere eskuratu zuten. Junior neskek Beasainen jokatu zuten finala Cafes Aitona taldearen aurka. Zaleen laguntzarekin, Gipuzkoako Kopako txapela irabazi zuten. Kadeteek, azkenik, ezin izan zuten Tolosako Lauko Finala irabazi. Larunbatean final aurrrekoa irabazi egin bazuten ere, igandean Eskoriatzako taldea Beasaingoa baino gehiago izan zen.