Euskaraldia prestatzeko herri batzarra Zelai Arizti kultur etxean, bihar

Hizkuntza Politika sailak eta Euskaltzaleen Topaguneak Euskaraldia dinamika proposatu dute. Helburua euskaltzaleak aktibatzea da. Horretarako, 11 egun euskaraz dinamika gauzatuko dute azaroaren 23tik abenduaren 3ra. Egun horiek fruiturik emango badute, aurretik egingo den lanketari esker izango da. Hori dela eta, aurkezpen herri batzarrak antolatu dituzte. Urretxu eta Zumarragakoa bihar izango da, 18.30ean, Zelai Arizti kultur etxean.

Egitasmo horren helburua euskaraz hitz egiten edo ulertzen dugun guztion artean hizkuntza ohiturak astindu eta ohiko harremanetan euskara gehiago erabiltzea da.

Bi rol

Parte hartzaileek bi rol izango dituzte aukeran. Ahobiziak euskara ulertzen duten guztiei euskaraz hitz egingo dieten lagunak dira. Baita ezezagunei lehen hitza, gutxienez, euskaraz egiten dietenak ere.

Belarriprestak, berriz, gutxienez euskaraz ulertzen duten kideak dira, gainontzekoei euskaraz aritzeko gonbidapena luzatzen dietenak. Parte hartzeko izen-ematea zabalduko da, eta identifikaziorako txapa baliatuko dute guztiek.

Utzi ekarpen bat

*

*

Send this to friend