Hurrak protagonistak Ordiziako azokan

Kiloa bost eurotan saldu da. Datorren asteko azoka asteartean izango da
Itsasoko Eztala-Goikoa baserrian jaso dituzte lehen hurrak

Itsasoko Eztala-Goikoa baserrian jaso dituzte lehen hurrak

Izan da berritasunik gaurko Ordiziako azokan. Esaterako, lehen hurrak egon dira salgai. Udazken garaiko fruitu lehorrak dira hurrak, baina lehendabiziko aleak jaso dituzte Itsasoko Eztala–Goikoa baserrian. Era berean, lehendabiziko orburu zuztarrak salgai daude jada: orain landatu behar dira datorren udaberrian orburuak izateko.

Oilanda–arrautzak ere berritasuna izan dira. Oilanda-arrautzak txitatu ondoren txitarik irteten ez den arrautza izaten da, ohiko arrautzak baino txikiagoak. Prezio onean saldu dira, dozena 1,30 eurotan.

Aurreko asteetan piperrak salgai egon arren, aipagarria da azken egunetako beroak sekula ez bezala gorritu dituela. Gorritzean zapore gozoagoa izaten dute.

 

  •  Perretxikoak
    • Kanpoko onddoa: 12-24 €/kiloa (Denera 150 kilo)
    • Saltsa perretxiko beltza: 18 €/kiloa (denera 15 kilo)
    • Bertako Zizahoria: 18 €/kiloa (denera 40 kilo)
  • Barazkiak
    • Atxikoria: 1,20 – 1 €/alea
    • Tomatea: 4 – 3 €/kiloa
    • Patata: 2 €/kiloa
  • Arrautza
    • Oilanda arrautza: 1,30 €/dozena
  • Bestelakoak
    • Orbuuru landarea: 0’8 €/alea
    • Hurra: 5 €/kiloa
    • Sagar dultzea: 3-4 € kiloa

Ezohiko azoka

Datorren asteko azoka ezohikoa izango da. Asteartean egingo da azoka, asteazkenean ama birjinaren eguna denez, jai baita egutegian. Azoka galdua izaten dela diote batzuek, nabarmen jaisten baitira salerosketak. Postu askok, esaterako, atseden hartzeko baliatuko dute datorren astea, baina ostantzean, betiko legez egingo da azoka.

Utzi ekarpen bat

*

*

Send this to friend