Espainiako Errugbi Federazioak hartu du erabakia, Filomena ekaitza mugikortasunean sortzen ari diren arazoak direla eta.
Gipuzkoako kimu eta gazte mailako taldekako erlojupeko txapelketarik ez du antolatuko aurten Ordiziako Txirrindulari Elkarteak. Proba hori Marotias Memoriala izenpean jokatzen zen. Gipuzkoako Txirrindulari Elkargoak hartutako erabaki baten ondorioz dator memoriala ez antolatzea, Ordiziako klubaren ohar batek jasotzen duenez. «Aparteko bilera batean hartu da erabakia. Ez da gure gustukoa, baina ez dago atzera bueltarik». Ordiziako Txirrindulari Elkarteak dioenez, Aztiriako probara zortzi txirrindulari eramatera «behartu» zuen kluba Gipuzkoako Elkagoak. «Gure babesleetako batek, Inverse arropa etxeak, egun berean Katalunian gazte mailako proba bat antolatu zuen, eta zortzi txirrindulari horiekin joateko eskatu zigun. Hori dela eta, Aztiriara beste 12 txirrindulari eramango genituela esan genion elkargoari, baina ez zuen onartu gure erabakia». Babesleei kalterik ez egiteko Ordizia klubari ez zaio «logikoa» iruditzen Gipuzkoako Elkargoaren erabakia. «Taldeko beste ziklistekin parte hartzen ez uztea ez da logikoa. Itsusia izango litzateke oso zortzi txirrindulari horiek irten, eta lehen kilometroan erretiratzea». Memoriala ez antolatzeko erabakia «babesleei kalterik ez egiteko» hartu du klubak.
Tolosako Hiltegiak Ordiziako Udalari jakinarazi dionez, bihartik abuztuaren 29a bitarte (bi egunak barne) ez da arkume pisaketarik egingo Ordiziako azokan, eta Makila zerbitzua ere ez dute emango. Tarte horretan Tolosako Hiltegia itxita egongo da.
Tom Parker eta Kesomi Lolotonga jokalariek Ampo Ordizian ez zutela jarraituko atzo zabaldu bazen, gaur arratsaldeko kontua da Paul Healy kirol zuzendariak ere ez duela taldean segituko. Erabakia klubaren zuzendaritzak hartu du, entrenatzaile taldearen eta jokalarien ordezkariekin adostu eta gero. Zuzendaritzak kaleratu duen oharrak dioenez, hartutako erabakia “ez da erreza izan inorentzat”, baina Paul Healyren aurtengo denboraldirako zituen betebeharrak aztertu ondoren hartu du klubak erabakia. “Kirol eta formazio arloa lantzea azaltzen ziren kontratuan, eta zoritxarrez ez dira bete helburu horiek”. Oharraren arabera, aurtengo lorpenak aurretik egindako lanaren ondorio izan dira. Zuzendaritzak aurreratu du egun gutxi barru jakinaraziko dutela zeinek beteko duen Healyren lekua, eta ez duela gai honi buruzko iritzi gehiago kaleratuko.
Festarik izango ez den arren, otsaileko astebukaeretan eta urtean zehar, kultura ekitaldi, ikuskizun eta kirol ekimen gehiago jarriko dituzte.