Eusko Jaurlaritzak datozen asteei eta Eguberriei begirako neurri berriak iragarri ditu. Tabernak zabaldu ahal izango dira 500etik beherako inzidentzia tasa duten herrietan. Herrien muga kendu dute eta Gipuzkoa mailan mugitu ahal izango da. Larunbatean jarriko dira indarrean neurri horiek.
Iñigo Urkullu lehendakariak Jaurlaritzak hartu dituen neurrien berri eman du. Helburua erabateko konfinamendua ekidin eta Gabonetara ahalik eta egoerarik onenean iristea dela esan du.
Jarduera guztietan edukiera %50era jaitsi du, kultura ekitaldietan barruan 400 lagun eta kanpoan 600 lagun batu ahalko dira gehienez, ostalaritza 24:00etan itxi beharko da, parke eta jolastokiak 23:00etan, eta federatu gabeko kirol lehiaketak etengo dira. Soziedadeak eta txoko gastronomikoak itxi beharko dira.