Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Herenegun German Elkoro beasaindarrak urrezko domina irabazi zuen pilota egokituko finalean. Elkorok eta Edorta de Antak 15-10 eta 15-19 irabazi zieten Navarro eta Cabanne frantziarrei.

Esku pilotako finalak

Eskuz banaka Irribarriak eta Gaizka Carregal galdakaoarrak jokatu zuten Espainiaren aurka, eta 2-0 galdu zuten. Eskuz binaka, aldiz, Oier Elortz zaratamarrak eta Eñaut Lizeaga astigarragarrak Espainiari 2-0 irabazi zioten.

“Kantxa barruan eta kanpoan izan gara munduko txapeldunak”

Euskal Selekzioko pilotaria, Beñat Azketa

Partida ostean Euskadiko Euskal Pilota Federakuntzak sare sozialetara eskuz binakako lau taldekideen bideo bat igo zuen. Bertan, Azketak nabarmendu zuen txapelketan zehar “beti elkar animatu gara”, edonork jokatzen zuela ere: “Kantxa barruan eta kanpoan izan gara munduko txapeldunak”. Garmendiak, berriz, bizi duten esperientzia horren atzetik “ezkutuko lana” egiten dutenei eskerrak eman zizkien, eta bere taldekideei jokatutako finalarengatik zoriondu.

Munduko Euskal Pilota Txapelketa amaierara iristen ari da. Euskal pilotaren txapelketa gorenean, lehen aldiz ari da euskal selekzioa parte hartzen, Argentinan, eta emaitza bikainak lortzen ari da, hainbat domina lortu baititu jada. Gaur, Euskal Herriko 19:00etatik aurrera (ETB ON-en emango dute), esku-huskako finalak jokatuko ditu, banaka zein binaka, bietan Espainiaren aurka. Hiru goierritar daude euskal selekzioaren ordezkari eskuzko taldean.

Banakako finala izango da aurrena. Gaizka Carregal galdakoztarra eta Ekhi Irribarria (Arama, 2005) dira esku-huskako banakako ordezkariak. Finalera iristeko, Frantzia izan zuten aurkari lehen partidan; Irribarriak jokatu zuen, eta 10-3 eta 10-1 irabazi zion Itoizi. Aramarrak azaldu duenez, «jokatzen gustura» aritu zen: «Tentsio handikoa izan zen, baina gustura, nahikoa konfiantzarekin irabazteko». Bigarren partidan Carregalek jokatu zuen, eta Mexikoko Hernandezi nagusitu zitzaion, 10-4 eta 10-3. Finalerako txartela ziurtatuta, Espainiaren aurka jokatu zuen euskal selekzioak ligaxkako hirugarren partida. Carregalek jokatu eta Arribillaga eta Fernandezen aurka (ordezkoak ere jokatu zuen) galdu egin zuen, 10-3, 4-10 eta 10-5. Gaur izango da egun handia, urrea kolkoratzekoa. «Final zaila» aurreikusi du aramarrak, baina aukerak ere badituztela argi du: «Gure jokoa eginez gero eta nerbioak ondo kudeatuz gero, irabazi dezakegun partida bat da. Ondo ikusten dugu gure burua».

Hirugarrena, elkarrekin
Binakakoan, Beñat Azketa (Beasain, 1993) eta Eñaut Lizeaga astigarragarra aurrelariak eta Beñat Garmendia (Beasain, 1997) eta Oier Elorz zaratamarra atzelariak dira selekzioko ordezkariak. Ligaxkako lehen partidan, Lizeagak eta Garmendiak Mexikoko Guero eta Kevini 10-3 eta 10-4 irabazi zieten. Garmendiak esan duenez, «hasieran tentsioarekin» irten zen kantxara, «baina martxa hartu eta txukun» aritu ziren. Bigarren partidan, Azketak eta Elorzek Frantziako Harguindeguy, Mendy eta Iturbe (aldaketak) 10-0 eta 10-2 hartu zituzten mendean. «Oso gustura» aritu zen Azketa: «Faborito ginen eta espero genuen irabaztea, baina uste baino askoz errazago, gu oso ondo ibili ginen eta haiek ez zuten haien egunik onena eduki».

Finalera sailkatuta, Espainia izan zuten aurkari hirugarren partidan. «Entrenamendu modura» hartu zuten, finalera begira. Bi goierritarrek jokatu zuten, eta 10-7 eta 10-6 irabazi zuten Igoa eta Cuairanen aurka. Probak alboratuta, gaur izango dute final handia. Oraindik ez dute zehaztu nork jokatuko duen, baina dena dela ere, Azketaren esanetan «final zaila baina nahiko parekatua» izatea aurreikusi dute: «Sentsazioak onak dira, eta haiek apur bat faborito izan arren, edozeinek jokatzen duela ere aukerak dauzkagu urrea irabazteko». Garmendiak azaldu du «lehendik ere aurreikusten zen final bat» dela Espainiaren aurkakoa: «Normalena hau zen eta final oso gogorra edukiko dugu».

Babesa ematen
Irribarria, Azketa zein Garmendia, esperientzia «emozionantea eta ederra» bizitzen ari dira Argentinan Munduko Euskal Pilota Txapelketarekin. Euskal selekzio osoaren artean giro ederra dagoela azaldu dute, eta frontoian ordu asko ematen dituztela modalitate bateko zein besteko kideei babesa ematen, izan xarea, zesta edo pala. Euskal selekzioak txapelketa horretan duen lehen ordezkaritza ofizialean ordezkari dira goierritarrak, eta gaurko finalak irabaziz gero, amaiera bikaina emango diote lorpen horri.

Buruz buru, Ekhi Irribarriak 2-0 irabazi zion lehen partida Frantziako selekzioko Itoizi, 10-3 eta 10-1. Binakako lehen partidan, Beñat Garmendiak Eñaut Lizeagarekin jokatu zuen Guero eta Kevin mexikarren aurka, eta hori ere 2-0 irabazi zuten, 10-3 eta 10-4.

Bigarren partidan, Gaizka Carregal aritu zen buruz buru, Ekhi Irribarria ordezko, eta Mexikoko Hernandezi 2-0 irabazi zion, 10-4 eta 10-3. Binaka, Beñat Azketa aritu zen Oier Elorzekin bigarren partidan, eta Frantziako Harguindeguy eta Mendi/Iturberen aurka 2-0 nagusitu ziren, 10-0 eta 10-2.

Banaka zein binaka lehen bi partidak irabazita, sailkatuta daude jada finalerako. Halere, tartean beste partida bat izango dute: buruz buru zein binaka, Espainiaren aurka jokatuko du euskal selekzioak asteartean. Finalak ostiralean izango dira.

Bigarrena, Brasilen aurka
German Elkoro beasaindarra trinketean zein frontoian lehiatzen den taldean dago. Trinketeko pilota egokituko lehen partidan Edorta De Antarekin jokatu zuen Elkorok, Argentinako Aldo Serra/Franco Herrera eta Guillermo Poggioren aurka, eta 2 eta 0 irabazi zuten, 15-8 eta 15-3.

Bigarren partida, aldiz, Beñat Lizasorekin jokatu zuen Elkorok, eta Navarro eta Vianney frantziarren aurka galdu zuten, 7-15 eta 9-15. Trinketeko hurrengo partida Brasilen aurka izango dute, asteartean. Irabaziz gero, finala jokatzeko aukera izango lukete ostegunean.

36 metroko frontoian, berriz, Sergio Rodriguezek eta Edorta De Antak 2-0 irabazi zieten Argentinako Herrera eta Irazustari lehen partidan, 15-2 eta 15-1. Bigarrena gaur dute, Brasilen aurka. Ondoren Frantzia izango dute aurkari asteazkenean, eta finala larunbatean izango litzateke.

Banakako esku pilotan, Ekhi Irribarriak 10-3 eta 10-1 irabazi dio Frantziako selekzioko Itoizi. “Lehen tantoak tentsio handikoak izan dira, aurkari oso erasokor baten aurrean, eta Ekhi urduri atera da, kantxan askatu ezinik. Hala ere, hasieratik izan du markagailua alde, eta gero eta hobeto sentitu da. Pixkanaka jokoan gehiago sartu da, azken txanpan maila igo du, eta partida sendo irabazi du”.

Binakako esku pilotan, berriz, Beñat Garmendia beasaindarrak Eñaut Lizeagarekin osatu du bikotea, eta 10-3 eta 10-4 irabazi diete Guero eta Kevin mexikarrei. “Hasiera gogorra izan da: mexikarrak bete-betean sartu dira partidan, joko bizia eta efektuduna eginez, eta euskal bikoteak lehen oldarraldi horri eutsi behar izan dio. Hirunako eta launako berdinketen ondoren, Lizeagak eta Garmendiak partida hautsi eta hamargarren tantora iritsi dira jarraian. Lizeagak joko oso bizia egin du, boleaz min handia eginez eta pilotari abiadura handia emanez, Garmendiaren laguntzarekin. Atsedenaldiaren ondoren, gidoi berari jarraitu dio partidak: tanto borrokatuak hasieran, baina euskal pilotarien abiadurak euren alde jarri du lehia, eta 10-4 itxi dute bigarren seta”.

Eskuz zein gurpildun aulkiko gomazko palako partidak Argentinan izango dira, Buenos Airesen. Igandean (urriak 11) abiatuko da selekzioa Loiuko aireportutik, eta euskal herritarrei dei egin diete animoak ematera joateko, 07:30ean. Selekzioaren zati bat abiatu da dena den jada, Argentinako Euskal Astean parte hartzeko.

Eskuz, 36 metroko frontoian, binaka zein buruz buruko modalitateak izango dira. Bietan, Frantzia, Espainia eta Mexiko izango ditu aurkari euskal selekzioak. Ekhi Irribarria buruz buruko taldean ariko da; Frantzia izango dute aurkari urriaren 16an, Mexiko urriaren 18an eta Espainia urriaren 20an. Ligaxka horretatik bi onenek jokatuko dute finala urriaren 23an. 

Irribarria, buruz buru
Lesio batetik dator aramarra, baina «sentsazio oso onak» izan ditu azken entrenamenduetan. Espainiako selekzioarekin jokatutakoa da, baina aitortu du «beste sentimendu batzuk eta beste ilusio bat» eragiten diola euskal selekzioarekin jokatzeak: «Ikaragarrizko plazera da, amets bat. Azkenean lortu du euskal selekzioak zuen helburu hori eta ofizialtasun hori, pilotan behintzat». Helburua «buruz buruko txapel hori irabaztea» izango da: «Ahalegin guztiak egingo ditugula ziur egon. Egurra ematera eta irabaztera!». 

«Ahalegin guztiak egingo ditugula ziur egon. Egurra ematera eta irabaztera!»

Ekhi Irribarria. Pilotaria

Azketa eta Garmendia, binaka
Beñat Azketa aurrelari eta Beñat Garmendia atzelari, binakako taldean ariko dira. Horrela egokitu zaie ligaxka: lehen partidan Mexiko urriaren 16an, bigarrengoan Frantzia urriaren 18an eta hirugarrenean Espainia urriaren 20an. Azketak azaldu du «uda nahiko serio hartu» duela entrenamendu aldetik eta «inoiz baino gehiago prestatuta» iritsiko dela. «Besoan molesti batzuekin ibili arren, azken 3 asteetan guztiz ondo nabil, eta gogoz nago hara joan eta partidak jokatzen hasteko».

Helburua «lehenengo Frantzia eta Mexikori irabaztea» izango da, bi partida horiek irabaziz gero Espainiakoren kontrakoan sailkatuta egongo liratekeelako. Gero, «urrea irabazteko eta munduko txapeldun ateratzeko helburu argia» dute. «Beharbada Espainia aterako da faborito, bikote oso indartsuak eramaten dituzte, baina gu ere ondo prestatuta goaz».

«Amets hori aspalditik daukagu, gertu dago eta amets hori betetzera joango gara Buenos Airesera»

Beñat Azketa. Pilotaria

Euskal selekzioarekin munduko txapelketa jokatzea «ametsa eta harrotasuna» da Azketarentzat. «Orain urte gutxi ez geneukan aukera hori eta urruti ikusten genuen, amestu bai baina ez nuen uste errealitate bihurtuko zenik, eta gainera hautatua izatea sekulako harrotasuna da». Presioa ere sentitzen du ondo egiteko nahi hori dela-eta, baina gogoa eta ilusioa gailentzen da: «Amets hori aspalditik daukagu, gertu dago eta amets hori betetzera joango gara Buenos Airesera».

Eskuzko selekzioa. Beñat Garmendia ezkerretik hirugarrena da, Ekhi Irribarria eskuinetik hirugarrena eta Beñat Azketa eskuinetik lehena.Irekia

Espainiako selekzioa, aurkari nagusi
Garmendia «pribilegiatua» sentitzen da euskal selekzioaren parte izateagatik. «Historiarako geldituko da euskal selekzioak munduko txapelketa batean parte hartu zuen lehenengo aldia, gure izenak hor agertuko dira eta sekulako ilusioa eta harrotasuna eragiten digu». Sentsazio onarekin iritsiko da txapelketara, «otsailean lesio nahiko larri bat» izan bazuen ere: «Nerbio sistema ukitu zidan eta besoko nerbioan eragin zidan. Nahiko buruhauste eta kalbario pasata, uste dut otsailetik eduki dudan sentsaziorik onena orain daukadala eta hori zen intentzioa, ea sentsazio horrek irauten duen txapelketa bukatu arte».

«Historiarako geldituko da euskal selekzioak munduko txapelketa batean parte hartu zuen lehenengo aldia, gure izenak hor agertuko dira eta sekulako ilusioa eta harrotasuna eragiten digu»

Beñat Garmendia. Pilotaria

Espainiako selekzioa nabarmendu du. Haren ustez, hura izango da aurkari nagusia, nahiz eta «mailari eutsi ezean sorpresak» ere egon daitezkeen. «Frantzia eta Mexiko ere kontuan eduki beharreko selekzioak dira, ez doaz denbora pasa eta denek eman dezakete sorpresa gure maila ematen ez badugu». Berak ere argi du helburua: «Urrea irabaztea eta munduko txapeldun ateratzea».

Azketak, Garmendiak zein Irribarriak, hirurek argi dute helburua, eta horretan dute jarrita begirada. Ondorenerako plana ere badute: bidaia luzatuko dute, eta txapelketa amaitzean Argentinan geldituko dira haien kabuz.

Gurpildun-aulkiko gomazko palako selekzioa. Ezkerretik lehena da German Elkoro.Irekia

Frontoian zein trinketean
Gurpildun-aulkiko gomazko palako euskal selekzioak, berriz, Frantzia, Argentina eta Brasil izango ditu aurkari. Mikel Merino euskal selekzioko pilota egokituko hautatzaile donostiarrak azaldu duenez, frontoian zein trinketean jokatuko du euskal selekzioak pilota egokituan: «Trinketean jokatuko genuenaren berri duela 2 aste inguru eman ziguten, azkeneko momentuko aldaketa bat eman zelako eta jokatzea eskaini zigulako Euskal Pilotako Nazioarteko Federazioak».

Trinketean, Argentina izango dute aurkari urriaren 16an, Frantzia hilaren 18an eta Brasil hilaren 20an; 36 metroko frontoian, aldiz, Argentina urriaren 17an, Brasil 19an eta Frantzia 21ean. Trinketeko finala, pasatuko balira, urriaren 22an izango lukete, eta frontoiko finala 24an.

Oraindik ez dute zehaztu ze jokalarik jokatuko duten partida bakoitzean. Horiez gain, zesta-puntan, paleta larruz, pala motzean, paleta gomaz, frontball-ean eta xarean ariko dira euskal selekzioko kideak.

Lau probak osatzen dute Kopa: Txindokiko Kilometro Bertikala (maiatzak 9), Ardibidepikua (ekainak 13), Beriain (irailak 20) eta Anboto (urriak 3). Goierritarrak lautik hiru probetan parte hartu du eta hiruretan lortu du podiumean sartzea: Txindokin eta Beriainen lehen postua eskuratu zituen, eta Ardibidepikuakoan bigarrena. 

36 metroko frontoian, eskuz, Beñat Azketa eta Beñat Garmendia beasaindarrak eta Ekhi Irribarria aramarra ariko dira lehian, eta taldea osatuko dute Eñaut Lizeagak, Gaizka Carregalek eta Oier Elorzek. Neurri bereko frontoian zein trinketean, pilota egokituan, berriz, German Luis Elkoro beasaindarra ariko da, Beñat Lizaso, Sergio Rodriguez eta Edorta de Antarekin.

Horiez gain, zesta-puntako (36 metro eta 54 metro), paleta larruzko (36 metro), pala motzeko (36 metro), paleta gomazko (30 metro), frontball-eko (30 metro), eta trinketean xarezko eta pilota egokituko txapelketak izango dira.

Euskal selekzioa beste hamalau herrialdetako selekzioekin lehiatuko da, Buenos Airesen eta Colonia del Sacramenton.

36 metroko pilota egokituko taldea. Ezkerrean, German Elkoro.Irekia

Maila absolutuan, Maider Unanue Aranburu aramarra gailendu zen emakumezkoen artean, eta lidergoa ere eskuratu zuen. Master AC mailan, Edurne Arakistain Jauregi legorretarrak bigarren egin zuen, eta Master B mailan, berriz, Anartz Etxeberria Larraza idiazabaldarrak lortu zuen bigarren postua.

Nazioartean proba ezagunenetako bat da, munduko kilometro bertikal azkarrena baita. %50eko bataz besteko malda du, eta horrenbestez, makilen erabilera funtsezkoa izaten da.

Maider Unanue ez ezik, Garazi Abasolo aretxabaletarra, Aitor Ugarte aramaioarra eta Aritz Unamuno bergararra ere bertan izango dira.

Plaza kopurua baina eskari handiagoa egonez gero, Araman erroldatutako pertsonek izango dute lehentasuna, eta gainerakoen artean zozketa egin beharko da, plazak bete arte. Hala, izena ematerakoan, partaideek ikasturte osorako konpromisoa hartzea beharrezkoa izango dela nabarmendu du udalak: «Horregatik, ekainera arteko kuota guztiak kobratuko dira, eta ez da ikasturtean zehar bajarik onartuko». Ikastaro bakoitzaren prezioa 30 eurokoa izango da hilean.

Hala, bihar izango da ikastaroetan izena emateko azken eguna, irailaren 9an. Udalak interneten eskuragai jarri duen inprimakia bete eta sinatu beharko dute izena eman nahi duten herritarrek, eta ondoren, udaletxean zein bertako postontzian utzi.

Izen emateak irekita daude, eta irailaren 9a izango da horretarako azken eguna, 686 697 715 zenbakira idatzita. Jarduerak frontoi txikia izango du elkargune, 11:30ean hasita. 

Gainera, parte-hartzaile bakoitzak txapelketan epaile modura parte hartuko du. Mokadua ere izango da eta irabazleak saria jasoko du. 

Txapelketan parte hartu gabe sagardoa probatzera joan nahi duenak ere izango du horretarako aukera, baldin eta aurrez zenbaki berera deituta izena ematen badu. Animatzeko eta parte-hartzeko deia zabaldu dute Gaztaintxota Kultur Elkarteak eta Aramako Udalak. 

Horren aurrean, espazioaren ezaugarriak, beharrezko egokitzapenak eta etorkizuneko ustiapenak izan beharko lituzkeen baldintzak aztertzen jarraitzeko konpromisoan berretsi da udala, ostatuarentzat etorkizun «bideragarria» izango duen proiektu bat ahalbidetzeko. 

Hori dela eta, udalak dei egin die interesa izan dezaketen pertsona, enpresa edo eragileei udalarekin harremanetan jartzera. Proiektuaren inguruan hitz egiteko, ideiak partekatzeko edo aukerak aztertzeko interesa duen orok udaletxera edo ondorengo bideetako batera jo dezake: 943 880 739 edo udala@arama.eus.

Euskal Herriko Kopako bigarren probak jokatu ziren larunbatean kilometro bertikaleko modalitatean, eta maila absolutuan, bigarren postua eskuratu zuen Maider Unanue Aranburu aramarrak. Goierritarrak erakustaldi bikaina egin zuen, eta bigarren postua ez ezik, lidergoa ere eskuratu zuen emakumezkoen artean.

Ondorengo trikitilariek parte hartuko dute: Kristina Solano eta Amaia Oreja, Eneko Dorronsoro eta Ibai Nikolai, Josune Otegi eta Arene eta Uxue Ayerza, Enaitz eta Erkizi, Maitane Iturrioz eta Garazi Larrañaga, eta Iker Sukia, Daniel Oiarbide, Aritz Markinez eta Peio Urdangarin.

Ondoren, bazkaria antolatu dute. Txartel mugatuak egongo dira, eta beharrezkoa izango da aurrez izena ematea. Maiatzaren 15a izango da horretarako azken eguna, aramatrikitixa@gmail.com helbidera mezua idatzita.

Bi menu izango dira, prezio banarekin: helduena, 25 euroan, eta haurrena, 15 euroan.