Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Argazki Rallyaren 22. edizioaren irabazle, beraz, Ruben Caceres irundarra izan da. Gorka Gomez legazpiarrak bigarren postua eskuratu du, eta hirugarren Patxi Irazabal Donostiakoa geratu da. Sarituak izan diren guztiek eraman dute oroigarri bana etxera. Horretaz gain, irabazleari 300 euroko saria eman zaio, bigarren egin duenari 150 euro, eta hirugarrenaren saria 90 euro izan da. 

Saritu gehiago

Argazki lehiaketako lehen hiru sailkatuez gain beste saritu batzuk ere izan dira. 16 urtez azpikoen mailan Nahikari Barros zizurnagusitarra izan da partaide bakarra. Beraz, berak irabazi du saria: 20 euroko bono bat liburu-dendetan gastatzeko eta gazta zati bat.

Ekimenean parte hartu duten herritarren kategorian ere sarituak izan dira. Parte-hartzaile guztietatik 7 izan dira ataundarrak aurtengo edizioan. Lehen hiru sailkatuak  Jone Galparsoro, Amaia Auzmendi eta Mariano Perez izan dira: Lehenengoak 90€ eraman ditu etxera, bigarrengoak bi txuleta eta hirugarrengoak hiru botila ardo.

Batetik, Zubizarreta IV.ak bigarren mailako lau eta erdiko txapelketako partida jokatuko du Joanes Bakaikoaren aurka.

Bestetik, binakako partida bat jokatuko da. Hasiera batean, Senar eta Albisu herritarrek Iñaki Artolaren eta Unax Landaren aurka jokatu behar zuten. Baina, Albisuk min hartu du eta ondorioz ez du jokatuko. Bere ordez Martxel Iztuetak jokatuko du.

Sarrerak

Pilota jaialdiko sarrerak Ataungo leku ezberdinetan ari dira saltzen: Troskaeta tabernan, Martintxo tabernan, Sutegi tabernan eta Errotaundi okindegian. Internet bidez ere erosi daitezke www.entradasfronton.com-en. Egunean bertan, Auzoetan ere, salduko dituzte. Larunbat eguerdira arte egongo dira salgai.

Ohi den bezala 17,3km-ko bidea izango da: San Martindik irtenda, San Gregoriotik eta Kaxetatik igaroz Aiaraino joango dira, eta handik bueltan iritsiko dira San Martingo helmugara. Ibilbidea osatzeko gehienezko bi orduko denbora izango dute korrikalariek.

Izen-emateak egunean bertan, 10:00etatik aurrera, edo eguna baino lehen, www.kirolprobak.com webgunearen bidez, egin beharko dira. Aurretik izena ematen bada 15 euro ordaindu beharko direla adierazi dute, era berean, egunean bertan eginez gero 20 euro. Amundarainen esanetan, «beti ere nahiago izaten dugu aurretik jakitea zenbat korrikalari izango diren, baina aukera hori eskaintzea, egunean bertan izena ematekoa, beharrezkoa ikusten dugu».

Atzo 17:00etan, 55 lagun inguru zeuden izena emanda, baina, Amundarainek zehaztu du «normalean azken egunetan apuntatzen dela jende gehien».

Zenbait sari

Hiru auzoak zeharkatuko dituen korrikaldian zenbait sari banatuko dira. Lehenengo hiru sailkatuei, lehen hiru beteranoei, lehen herritarrari eta lehen herritar beteranoari ere emango zaie sari bana, denak emakumeei eta gizonei. Bestalde, partaide guztiei herriko produktuen sorta bana banatuko zaie: «Herriko sagardo botila bat, Troskaeta gazta eta ezti pote txiki bat».

Beste erronka bat ere jarri dute antolatzaileek: «Korrikaldiko errekorra (54:10 gizonek eta 1:04:52 emakumeek) hobetzen duenarentzat 300 euroko saria egongo da». Amundarainen arabera, «urte askoan egon zen marka bat hobetu ezin zela eta horregatik hasi ginen kontu honekin». Baina, «gure asmoa ez da jendea errekorra egitea etortzea».

Haurren korrika festa

Helduen korrikaldiaren irteeraren ondoren Haurren Korrika Festa izango da. Antolatzaileek baldintza batzuk jartzen dituzte: «Batetik, adin mugarik ez badago ere, 18 urtez azpikoek gurasoen edo tutoreen baimena aurkeztu beharko dute. Horretarako baimen orria izena emateko web orrian aurkitu daiteke». Bestetik, gertatu ahal diren ezbeharrez antolatzaileak «ez direla arduratuko» ohartarazi dute. Egitasmo honetan ere haurrei, sariak banatzen dizkiete.

Batetik, Zubizarreta IV.ak bigarren mailako lau eta erdiko txapelketako partida jokatuko du. Aurkaria zehazteko dago oraindik. Bestetik, binakako partida bat jokatuko da. Albisu eta Senar herritarrek Artolaren eta Landaren aurka jokatuko dute. 

Beñat Zubizarreta pilotaria.Manex Usarralde

Pilota jaialdia ikustera joan nahi duenak jakin behar du aurresalmenta lekuak jarri dituztela Ataungo leku ezberdinetan: Troskaeta tabernan, Martintxo tabernan, Sutegi tabernan eta Errotaundi okindegian. Fisikoan ez ezik internet bidez ere sarrerak erosteko aukera dago www.entradasfronton.com-en.

Bizlagun batek Ertzaintzari deitu zion auzoan auto susmagarri bat zebilela, baserri horren inguruan, ohartaraziz. Agenteak iritsi zirenean ohartu ziren etxe kanpoko langa irekita zegoela, sarraila bortxatua eta etxe barrena nahastuta. 

Baserri barruan bi gizon aurkitu zituzten 25 eta 35 urtekoak. Horiek 7 eta 12 aldiz atxilotuta egonda zeuden aurretik. Biek adierazi zuten gaua pasatzeko sartu zirela. Ertzaintzak ustezko indarkeriazko lapurretagatik atxilotu zituen bi gizonak. 

Minutu batzuk geroago, auto baten barruan, beste bi gizon aurkitu zituzten  21 eta 34 urtekoak. Azken hori aurretik 9 aldiz zegoen egonda atxilotuta. Bi horiek ere aurreko biei egotzi zizkien karguekin atxilotu zituzten. Atxilotuak polizia-egoitzan jarraitzen dute eta epailearen eskuetan utziko dituzte.

Antzeztaun 2026 antzerki zikloa hasi zen urriaren hasieran. Hilaren 2an lehen antzerkia egon zen, Aurkitu Gabeko Altxorra. Ostiralekoaren ondoren, urriaren 25ean, Hau beroa! antzezlanarekin amaituko da ekimena.

Jubilatuen Eguna

Antzeztauneko antzerkiaz gain, Jubilatuen Eguna antolatu du Atseden-toki elkaerteak biharko. 10:00etan Ataungo auzo guztietatik autobusa igaroko da, hurrenkera honetan: Kaxeta, Ergoiena, San Gregorio, Motasoro, Arrondo, Astigarraga eta San Martin (Altzanipe). Behin auzo guztietatik igarotzen direnean, Lazkaomendiko Iztueta baserria bisitatuko dute, 11:00etan.

Iztuetako bisitaren ondoren, Lazkaomendiko Itxurrene jatetxean bazkalduko dute 14:15ean. Bazkalondoan, omenaldia egingo diete 1946an jaio zirenei, 80 urte bete edo beteko dituzte aurten. Bertan, Iban Urdangarin eta Iker Zubeldia bertsolariak eta Pello Urdangarin eta Dani Oiarbide trikitilariak izango dira.

Viana 18 urterekin, unibertsitatean zegoela, hasi zen apustuak egiten. Asteburuetan lagunekin apustu makina zeukan taberna batera joaten zen eta euro bateko apustuak egiten hasi zen. Euro batekoak ziren hasieran, baina denborarekin gutxitan eta diru gutxirekin egiten zuen hori zeharo aldatu zen. Maiz eta diru asko jokatzen hasi zen. Zurrunbilo horretan harrapatuta gelditu zen. 

Ludopatia ixilpeko adikzioa da, zumarragarrak dioenez. Izan ere, bera apustuen zurrunbiloan bazegoen ere, ingurukoentzat bizitza normal bat zeraman. Vianaren esanetan, «nik mugikorretik jokatzen nuenez, ezkutatu egiten nien ingurukoei». Orduan, dirurik gabe gelditzen zenean, lagunei edo senideei «eskatu edo lapurtzen» zien.

Momentu batean, lagun guztiekin horrenbeste zor zituela ikusita, lagunak arazotan zebilen  galdetzera joan zitzaizkion. Orduan lagunek esan zioten: berak familiakoei nola zebilen kontatzen ez bazien beraiek egingo zutela. 

Vianak une horretan «beldurra» sentitu zuen, eta «irtenbiderik gabe» ikusi zenean, gurasoei kontatzea erabaki zuen 27 urterekin. «Nire diru guztia apustuetan gastatu dut eta jende askorekin zorretan nago». Une horretaz zera aitortu du: «Momentu oso gogorra izan zen, baina nire inflexio puntuaren hasiera izan zen».

Errehabilitazioa
Gurasoek izan zuten erreakzioa tristura, haserrea eta negarra izan zela oroitu du. Baina, arazoaz jabetuta zeudelarik konponbidearen bila hasi ziren. Errenteriako Ekintza BIBE elkartean egon zen 27 urtetik 29ra bitartean: «Bi urte horiek asko lagundu zidaten, baina arau oso zorrotzak zeuden». 

Berak ezin zuen dirurik eraman eta gastatzen zuen guztia ordainagiri batekin justifikatu beharra zeukan. Hala ere, bi urte horien ondoren, berriro erori zen menpekotasunean.

«Batetik, jendeari esaten diot probatzen dutena dena delakoa dela ere, mugak jartzeko, eta muga horiek askotan pasatzen hasten diren momentuan laguntza eskatzeko»

Josu Viana. Ludopata izandakoa

Bigarren aldi horretan erabaki zuen Ekintza BIBE-ra ez itzultzea. Orduan, Donostiako psikologo batekin hasi zen terapia pertsonalera joaten. Psikologo horrekin beste bi urte eta erdiz ibili zen, «astero-astero».

Hitzaldiak ematen
Orain dela 4 urte eta erdi hasi zen zumarragarra ludopatiaren inguruko hitzaldiak ematen. Beste enpresa batean lanean ari zen, baina bi gauzek animatu zuten bere esperientzia kontatzera: «Ikusgarritasuna emateko ludopatiaren gaiari, eta prebentzio lan bat egiteko». 

Ikastetxeetara joaten da ikasleekin, irakasleekin edo gurasoekin prebentzio saio hauek ematera. Gainera, momentu hartan «indartsu eta errehabilitatua» zegoen. 

Saioetan bi gauzetan jartzen du arreta gehien zumarragarrak: «Batetik, jendeari esaten diot probatzen dutena dena delakoa dela ere, mugak jartzeko, eta muga horiek askotan pasatzen hasten diren momentuan laguntza eskatzeko». Izan ere, Vianak uste du gaztetxoek gauzak probatuko dituztela egunero gertatzen den zerbait delako geure gizartean. 

Azkenik, apustu etxe eta joko aretoen inguruan bere iritzia eman du Vianak: «Jendeari ahalik eta diru gehiena atera nahi die». Berak hartzen duen posizioa da, prebentzio lan hori egitea.

Datozen egunetan errepideko zati batzuetan galtzadaren zabalera osoan zorua berritzeko lanak egin behar dituzte, eta beraz, lan horiek egiteko, beharrezkoa da trafikoa guztiz moztea.

Bizilagunen eta obraren arteko bizikidetza ahalbidetzeko, errepidea ordu tarte batzuetan moztea proposatzen du Aldundiak, modu horretan bizilagunak goizeko lehen orduetan, eguerdian eta arratsaldean sartu-atera ahal izateko. Errepidea guztiz moztuko diren egun eta ordu tarteak ondorengoak dira: Urriaren 8an, 9an eta 13an, 9:00-13:30 bitartean eta 14:30- 18:30 bitartean.

Beñat Senarrek lehen aldiz jokatuko du maila nagusiko txapelketa, izan ere aurreko urteko Serie B-ko txapelketa irabazi zuelako. Senar Dario Gomez ezkaraiarraren aurka neurtuko da lehen partidan Lekunberrin, igandean, 17:15ean. ETB1 kanalean zuzenean emango dute. 

Zubizarreta III.a eta Zubizarreta IV.a ataundarrek bigarren mailako txapelketa jokatuko dute. Iraitz Zubizarretak (Zubizarreta III.a) ostiralean ekingo dio txapelketari Asier Agirre iruindarraren aurka final zortzirenetan, 18:00etatik aurrera, Atarrabian. Beñat Zubizarreta (Zubizarreta IV.a), Amiano, Rekalde eta Murua zerrendaburuak dira, beraz final zortzirenak ez dituzte jokatu beharko. hau da, zuzenean final laurdenetako ligaxkan arituko dira. Zubizarreta IV.ak hilaren 16an jokatuko du Amianoren aurka Villabonan, 19:30ean.

Beñat eta Iraitz Zubizarreta. Baiko.

Ataungo Rallya udalaren kultur jardueren egutegiaren barruan dagoenez berezitasunak ditu. Sariei eta herri-sailkapenari begira, epaimahai sistema propioa mantentzen da. Baina, era berean, Herriz Herri sailkapenerako, argazkiak lehiaketara bidaliko dira gainerako rallyen sistema berarekin bozka dezaten.

Bisitariak San Gregorio auzoan kokatua dagoen Barandiaran museoan izango du abiapuntua, goizeko hamaiketan, eta, han, hasteko, Joxemielen bizitzaren eta lanaren gako nagusiak azalduko dira, ikus-entzunezkoen eta gidariaren azalpenen bitartez.

Jarraian, 10-15 minutuko ibilaldia egingo dute herri bidetik Sara etxeraino; Barandiaranen etxea eta bere eguneroko bizitzako txokoak zein objektuak ezagutuko dituzte han. Joandako bidetik itzuliz, museoan emango zaio amaiera, bi ordu inguruko saioa osatuz.

Informazio gehiago jasotzeko eta izena emateko deitu 943 18 03 35 / 688 895 069 zenbakietara edo idatiz  barandiaran@gipuzkoanatura.eus helbidera.

Herri bazkaria, auzo-afaria, kuadrilla-afaria eta oilasko-jana egingo dituzte. Antolatzaileek gogorarazi dutenez, irailaren 3ko afarirako bokadiloa aukeratu beharko da tiketa erosterakoan.

Sei otordu ezberdinetarako txartelak erosteko aukera dago, eta bakoitzaren prezioa desberdina da janariaren arabera: Herri bazkariko menuak 35€, auzo afariko ogitartekoarenak 8€, kuadrilla bazkarikoak 20€, kuadrilla afarikoak 24€ eta oilasko janekoak 18€. Festa komisioak ohartarazi du ogitartekoen txartela erosterakoan norberaren aukera zehaztu behar dela.

Otorduetako janaria

Herri bazkariko menua hau izango da: Izka mizkak, legatz irineztatua, solomillo frantsesa saltsan, edaria, kopa eta purua. Ogitartekoaren aukeretan bost desberdin daude: Xolomoa, gazta eta piperra; begetala; patata tortilla, hirugiharrea, gazta eta piperra; eta azkenik, bularkia, gazta eta hirugiharra alioliarekin. 

Kuadrilla eguneko bazkariko menuan paella, haragi gisatua, edaria, postrea, kafea eta kopa sartuko dira. Eta kuadrilla eguneko afarian, berriz, txorizoa, urdaiazpikoa, entsaladilla errusiarra, ukalondoa patata purearekin eta garagardo saltsarekin, izozkia, kafea eta txupitoa. Oilasko janean oilaskoarekin patatak, ogi barra bat, sagardo botila bat eta pastak sartzen dira menuan. 

Duela 10 bat urte, hain zuzen ere, bi herrietako abeltzainak eta udalak, festa hori biziberritzeko asmotan hasi ziren lanean. Juntadizoa egin, musika eta jan-edanarekin gozatu, eta elkarrekin egun pasa eder bat egitea zen asmoa. Mugakide diren herritarren arteko harremanak sendotzea du helburua.

Mendiak muga izan daitezke askotan, baina beste askotan, baita topaleku ere. Hala gertatu izan da inguruko tontor askorekin. Dantzaleku, erromeria gune, eta azken batean topaleku baitira inguruko herrietako bizilagunentzat.

Hala gertatzen da Arantzamendirekin. Ataun eta Idiazabal artean dago tontorra, 783 metroko altueran kokatuta. Alde bateko zein beste adinekoek gogoan dute erromeria leku ezaguna izan zena. Ohiturak aldatu ahala, festa hura ere galdu egin zen. Baina, urteak aurrera joan ahala berreskuratu egin zuten, esan bezala duela hamar urte.

Pandemiara arte hiru urtez egin zuten. Beste bi urteko etena ekarri zuen gaitzak. Baina ohitura zaharra ez dute ahaztu, eta aurten, azken urteetan bezala, Arantzamendiko topaketa antolatu dute.