Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Azaroaren 7an, 8:30ean irtengo da autobusa Idiazabaldik. Eltziegora iritsi eta hamaiketakoa egingo dute bertan. 12:30ean herri kirol saioa izango da eta 14:30ean, herri bazkaria Eltziegoko plazan. 21:00etan irtengo da Idiazabalerako autobusa Eltziegotik.

Izena liburutegian eman daiteke azaroaren 2ra arte, 10:30etik 12:30era goizez eta 16:00etatik 19:00etara arratsaldez. Irteeraren prezioa 25 eurokoa da.

Udaletik ohartarazi dutenez, 18 urtetik beherakoek heldu baten ardurapean joan beharko dute. Kotxez joan nahi duten herritarrentzat ere, izena ematea eta bazkarirako txartelak erostea derrigorrezkoa izango da.

Udalerri ezberdinak liga birtual batean lehiatuko dira. Urriaren 26tik abenduaren 15era, herritarrek erregistratutako kilometro aktibo bakoitzak puntuak batuko ditu parte hartuko duten herri bakoitzarentzat. Hala, hiru herrietako udalek herritarrak animatu dituzte erronkan parte hartzera.

Nork parte har dezake?

14 urtetik gorako pertsona guztiek har dezakete parte eta ez da beharrezkoa udalerri hauetan erroldatuta egotea.

Erronkan modalitate ezberdinetan hartu daiteke parte: oinez, korrika, bizikletaz edo igerian. Sistemak jarduera motaren araberako ponderazio koefiziente bat aplikatuko du; oinez edo igerian egindako kilometro batek, adibidez, bizikletaz egindakoak baino gehiago balioko du, ahalegin handiagoa eskatzen duelako.

Gainera, sailkapenak biztanleriaren araberako koefiziente bat aplikatzen du udalerri bakoitzaren tamainaren arabera; horrela, herri txikiek handien pare lehiatzen dute. Gipuzkoako edozein herrik irabaz dezake liga hau.

Erronkan parte hartzeko urratsak

Parte hartzea doakoa da eta oso erraza, Wellk app-aren bidez.

1. Deskargatu: bilatu “Wellk” zure aplikazio-dendan (iOS edo Android).

2. Eman izena: sortu zure profila.

3. Batu udalerrira: hasierako orrian, “Gipuzkoa Mugituz 2026” txartelean, sakatu “Batu” eta aukeratu Idiazabalgo taldea.

4. Mugitu zaitez!: erregistratu zure jarduerak zuzenean app-aren GPSarekin, edo sinkronizatu zure ohiko gailu eta aplikazioekin (Strava, Garmin, Polar, Fitbit, Apple Health edo Health Connect). Kilometroak edonondik batu ditzakezu, udalerriaren barruan zein kanpoan.

Sariak jokoan

Sariak egongo dira parte hartzaileentzat. Xehetasunak hemen argitaratutako oinarrietan zehaztuko dira.

Laguntza teknikoa: aplikazioari buruzko edozein zalantzarako, idatzi wellk@wellk.eus helbidera edo sartu wellk.eus webgunean.

Ordutegiari dagokionez, Gaztelekua 16:30etik 19:30era egongo da zabalik asteburuetan. Gainera, ikasturte honetan berrikuntza bat izango da zerbitzuaren antolaketan: hileko zenbait asteburutan, igande arratsaldez eskaini beharrean, ostiral arratsaldean emango da zerbitzua, Gaztelekuko egutegiaren arabera. 

Ikasturtean zehar, ohiko eskaintzaz gain, programazio berezia antolatuko da Gabon garaian, Aste Santuan eta Pazko Astean, eta uda garaian. 

Gaztelekuan parte hartu ahal izateko, ezinbestekoa da aurrez izena ematea. Horretarako, interesa dutenek urriaren 24tik azaroaren 14ra izango dute aukera, Gaztelekuan bertan.

Gizonezkoetan Jon eta Mikel Marijuan, Eneko Bilbao eta Xabier Aranburu, Guzta eta Gari Garmendia idiazabaldarrak lehiatuko dira. Emakumezkoetan, berriz, Maddi Guesalaga, Olaia Esnaola, Maddi Salterain, Alba Zubiria eta Ane Cestau. Gari Garmendiak azaldu duenez, hiru minutuko denboran harri baldarrarekin altxaldi gehien egitea izango da helburua, «Idiazabalgoaz gain, beste bi kanporaketa egingo dira datozen hilabeteetan, Amasan eta Urnietan. Hiru kanporaketetan altxaldi gehien egiten dituzten 15 harri jasotzaileak izango dute telebistako saioan parte hartzeko aukera». 

Sarrera doakoa da eta nahi duena joan daiteke igandean, norgehiagoka zuzenean ikustera.

Horren harira, Klima azoka antolatu dute ostiralerako Idiazabalen. Esperientzia interaktibo bat da, herritarrak mobilizatzeko, hezteko eta klima-aldaketaren aurrean kontzientziatzeko diseinatua. Zazpi karpa tematikok osatzen dute, eta bakoitzak ekintza klimatikoaren alderdi desberdinak lantzen ditu.

Goizean eskolako umeak eta elkarteak izango dira, eta arratsaldean, 16:00etatik 17:30era, herritar guztiei irekita egongo da. Eguraldi onarekin plazan egingo da; txarra egingo balu, berriz, frontoian.

Azokaz gaiz, EVE-EEE Energiaren Euskal Erakundeak, energiari buruzko hitzaldiak emango ditu, 17:30etik 18:30era bitartean.

Ekitaldi nagusietako bat, Euskal Herriko 43. Artzai Gazta txapelketa izan da. Gipuzkoa, Araba, Bizkaia eta Nafarroako txapelketak irabazitako hamarna gaztandegi izan dira lehian.

Epaimahaiaren arabera, irabazlea, Eli Gorrotxategi eta Jose Mari Jauregi goierritarren La Leze gazta (Ilarduia, Araba) izan da irabazlea. Bigarren postuan geratu da Mikel Etxezarretaren eta Eli Arrillagaren Olaberriko Aizpea gazta, eta hirugarren postuan, Gabiriako Eli Elgarresta eta Asier Osinalderen Baztarrika gazta.

Mendiko gazten dastaketa herrikoia ere egin da. Eta kasu honetan ere, beste goierritar bat izan da irabazlea: Ataungo Troskaeta.

Epaimahaia hamasei lagunek osatu dute. Gastronomia eta gaztagintzarekin lotutako kideekin batera, tartean izan dira Eñaut Elorrieta, Uxue Alberdi, Anabel Arraiza, Ramon Gorrotxategi, Iker Markinez… 

Argazkiak: Idiazabalgo Udala.

IMG_1060

IMG_1055

IMG_1065

IMG_1069

IMG_1070

IMG_1080

IMG_1088

IMG_1091

IMG_1105

IMG_1121

IMG_1130

IMG_1132

IMG_1135

IMG_1144

IMG_1145

IMG_1176

IMG_1191

IMG_1206

IMG_1208

IMG_1211

IMG_1215

IMG_1223

IMG_1225

IMG_1229

IMG_1231

IMG_1233

IMG_1238

IMG_1240

IMG_1247

Gazta lehiaketan Araba, Bizkai, Gipuzkoa eta Nafarroako txapelketetan sailkapen onenak lortutako gaztagileek parte hartuko dute, 40 inguru. Epaimahaia sukaldari, artzain, pertsonai ezagun eta Idiazabal jatorri izendapeneko dastatzaile ofizialek osatuko dute. Beraien ardura izango da aurtengo Euskal Herriko Artzain Gazta-Idiazabal Baserrikoa gatzarik onena aukeratzea. 

Lehiaketa ofizialarekin batera, dastaketa eta lehiaketa herrikoia ere izango da, urtero bezala. Aurten berezitasun batekin, Mendiko Gaztak izango baitira dastaketa honetan parte hartuko dutenak. Artzainek latxa ardien esne gordinarekin egindako gazta ondua da, modu tradizionalean Aralar, Urbia eta Aloña mendilerroetan dauden bordetan egindakoa.

Artilea balioan jartzea

Aurtengo Baserritarren Egunak artileari gorazarre egingo dio. Idiazabalek artzaintzarekin duen lotura betidanikoa da eta artilea «lanbide eta bizimodu horren adarretako bat» dela azpimarratu dute. Artilea «mendeetan zehar hotzetik eta berotik babesteko» erabili izan da eta gaur egun «ia hondakin bezala erabiltzen bada ere, isolatzaile naturalik onena izaten jarraitzen» du. 

Zuntz naturalak eta tokiko jasangarritasuna. Latxa ardia erakusketarekin, ardi artilearen balioa berreskuratu nahi dute. Erakusketa gaur 18:00etan zabalduko dute udaletxeko areto nagusian eta igandean 11:00etan bisita gidatua eskainiko dute Mia Rissanen eta Birte Kurth erakusketako komisarioek. Erakusketa Mestiza elkartearekin elkarlanean osatu dute eta urriaren 23ra arte egongo da ikusgai.

Zerbitzua Idiazabalgo Udalean emango da, goizeko 10:00etatik 13:00etara eta arratsaldeko 16:00etatik 19:00etara. Eskualdeko beste herrietako herritarrek ere izango dute zerbitzura gerturatzeko aukera. 

Arreta doakoa izango da, baina aurrez hitzordua eskatu beharko da. Horretarako, berdindu.gipuzkoa@euskadi.eus helbidera idatzi edo 900 840 128 eta 688 769 865 telefonora deitu daiteke. 

Build:inn Awards Euskadiko Eraikuntza Klusterrak sustatzen duen sariketa da, sektoreko proiektu eta profesional berritzaileenak aitortzeko. Hiru sari nagusik eta epaimahaiaren sari berezi batek osatzen dute aitortza hau, “eraikuntzaren etorkizuna eraikitzen duten” euskal enpresak omenduz.

Idiazabalgo enpresak, hain zuzen, Herrialde konpromisoa saria jaso du. “Euskadiren garapen iraunkorrarekin, tokiko ekonomiarekin eta gizartearekin konpromisoa duten ekimenak” bultzatzeagatik. Beste bi sari nagusiak Bilboko Arte Ederren Museoarentzat —Ibilbide inspiratzaileenaren saria— eta Gipuzkoako Zeru Drones enpresarentzat —Bultzada berritzailearen saria— izan dira.

76 urtetik gorako esperientzia

Idiazabalen sortua, Iparragirrek 76 urte baino gehiago daramatza eraikuntzaren sektorean lanean. Ibilbide horretan, “ingurunearekiko lotura landu du enpleguaren, gazteen prestakuntzaren, tokiko hornitzaileekiko lankidetzaren eta euskararen” sustapenaren bidez. Enpresak, gainera, Eraikuntza Industrializatzeko Zentroa ireki berri du Idiazabalen, ezagutza eta sektorearentzako irtenbide berriak garatzen lan egiteko.

Saria jasotzean, Pedro Iparragirrek aitortza enpresako kide diren guztiei eta urte hauetan enpresa aurrera eramaten lagundu dutenei eskaini zien. Bere hitzetan, Iparragirrek bere jarduera “garapen ekonomiko eta sozialari ekarpena egiteko modutzat” ulertzen du. Era berean, eraikuntzak gizartearen hainbat erronkari erantzuten lagun dezakeela gogorarazi du: “Osasunaren, hezkuntzaren eta zaintzaren arloko espazioak hobetzen, etxebizitza beharrari erantzuten eta lurralde oreka sustatzen”.

“Obra bakoitzean eraikinaz harago begiratzen saiatzen gara: pertsonen eguneroko bizitzari zer ekarpen egin diezaiokeen eta inguruan zer balio utz dezakeen pentsatzen. Izan ere, obrak amaitu egiten dira, baina haien ekarpenak iraun egiten du”, adierazi du.

Txapelketa irailaren 21etik 27ra jokatu da Plovdiv-ken, Bulgarian. International Tennis Federation-ek sustatutako mundu mailako zirkuituaren baitako txapelketa da, nesken profesionalen mailan jokatzen dena. 2-6, 6-1, 6-3 gailendu zitzaion finalean, Elizara Yaneva (Bulgaria) faboritoari. Aurretik, Tara Wuerth (Kroazia), Beatrise Zeltina (Letonia), Ilinca Dalina Amariei (Rumania) edo Loes Ebeling Koning (Herbehereak) mailako tenislariak gainditu zituen final aurreko partidetan.

Iaz hasi zituzten eskolako patioa berritzeko lanak, eskolako komunitateak eta udal ordezkariek parte hartu zuten parte hartze prozesu batean identifikatutako beharrei erantzuna emateko helburuarekin. Eunate Elio, Idiazabalgo Udaleko Hezkuntza eta Berdintasun zinegotziak argitu duenez, eskolako patioa bi zatitan banatuta dago: HHko ikasleena, batetik; eta LHko ikasleak hartzen dituena bestetik. «Iaz HHko gunea konpondu zen. Lur guztia altxatu eta belardia sartu zen, espazioa naturalizatzeko. Egurrezko jolas berriak ere jarri ziren», azaldu du. Lehen faseko lan haiek 195.000 euroko aurrekontua izan zuten.  

Espazioak elkartzea

Bi patioak elkartzea eta espazioen arteko jarraitasuna, irisgarritasuna eta elkarreragina nabarmen hobetzea izan dira birmoldaketa lan hauen egitekoa. 5 urteko haurren gela parean geratzen den gunea da berritu dena, eskolaren atzealdera ematen duena, eta iazkoa baino «lan txikiagoa» izan da. Zurezko egitura berriaz gain, HH5 eremuan harmailak, parterre berriak, zurezko akaberak, drainatze-sistema aurreratuak eta eremu berde berriak ere jarri dituzte; «espazioak elkartu dira, egurra sartu da eta landaredia gehiago ere jarri da». 

Modu horretara, jolastoki berriak hezkuntza balio berrietan oinarritutako gunea ere eskainiko du: genero berdintasuna sustatzen duena, adin ezberdinetako ikasleei egokitutako eskaintza bermatzen duena, eta natura, aniztasuna, sormena nahiz autonomia erdigunean jartzen dituena. Zentzu horretan udal ordezkariek esan dute ekimen honen jatorria ez dela soilik azpiegitura bat berritzea, baizik eta «herriko haur, nerabe zein hezkuntza-komunitatearen parte hartze aktiboaz baliatuz, bizikidetza balioetan heziko duen ingurune bat sortzea».

Bigarren faseko lanak amaitu badituzte ere, eskolako jolastokia erabat berritzeko oraindik falta da, «obra potoloa da eta fase ezberdinetan egin beharrekoa hainbat arrazoi tarteko: ekonomikoa —diru laguntzak lortzea, udalaren ahalmena— eta lanak eskolako oporraldiak irauten duen bitartean egin behar direlako, besteak beste», azaldu du Eliok. 

Egiteko gelditzen dena, «zatirik handiena» da, kirol gunearena. «Kirol gunea berritzea eta bertan aterpe bat jartzea ere eskolako eskaeren artean daude. Obra oso potoloak dira eta fase bat baino gehiagotan gauzatu beharrekoak. Diru laguntzak aurkitu, espazioak ondo pentsatu… lan asko dago egiteko oraindik», amaitu du.

Emakumezkoetan Zipi y Zape taldea nagusitu zen. Bigarren postuan Kateorratzak sailkatu zen eta hirugarrenean Las guerridas. Gizonezkoen artean Euskalraid nagusitu zen, Nahi ta Ezin eta Donde estamos kio? taldeen aurretik. Talde mistoei dagokienez, lehen postuan Saltamontes-Peña Guara sailkatu zen, bigarrenean Euskalraid Mix eta hirugarrenean Sopels Team.