Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Programaren helburua da negozio ideia bat duten pertsonei beren proiektuaren bideragarritasuna aztertzen laguntzea, negozio plana lantzea eta jarduera ekonomikoa martxan jartzeko beharrezko urratsak prestatzea. Horretarako, parte hartzaile bakoitzak gutxienez 25 orduko laguntza prozesu pertsonalizatua jasoko du, banakako tutoretzak eta aholkularitza espezializatua uztartuz.

Laguntza prozesuak hiru eta bost hilabete arteko iraupena izango du, eta bertan negozio ideia definitu, bideragarritasuna aztertu eta proiektua martxan jartzeko beharrezko tresnak landuko dituzte. Amaieran, tutoretza eta aholkularitzaz gain, diru laguntza bat jaso ahal izango dute partaideek, beti ere baldintzak betetzen badituzte.

Programan parte hartu ahal izango dute Lanbiden enplegu eskatzaile gisa inskribatuta dauden pertsonek, eta enpresa edo jarduera ekonomiko berri bat abian jartzeko asmoa duten pertsonek. Parte hartu nahi dutenen arteko hautaketan lehentasuna izango dute 30 urtetik beherako gazteek, 45 urtetik gorako pertsonek, eta diru sarrerak bermatzeko errenta jasotzen duten pertsonek. Era berean, emakumeen ekintzailetza sustatuko da. Informazio

Interesa duten pertsonek informazio gehiago jaso dezakete UGGASArekin harremanetan jarrita 943 72 58 31 telefono zenbakian, edo 
aamenabar@uggasa.eus helbidera idatzita. 

UGGASAk 30 urte baino gehiagoko esperientzia du ekintziletza sustatzen, eta urte hauetan ehunka proiektu lagundu ditu eskualdean, enpresa berriak sortzen, jarduera ekonomikoa indarzten eta enplegua sustatzen lagunduz.

Nerea Gorriti eta Iñigo Aranburu aktoreek Scape Room antzezlana eskainiko dute, 19:00etan Alegiko pilotalekuan, Begoña Bilbaoren zuzendaritzapean.

1975eko udazkenean aurkeztu zituzten elkartearen estatutuak Gobernu Zibilean, Donostian eta 1976ko urtarrilaren 12an onartu zituzten. Aurretik, eskola izana zen gaur elkarteak betetzen duen eraikina eta udalari elkartea eratzeko baimena eskatu behar izan zioten gero. Udalak 1976ko maiatzaren 15ean onartu zuen eraikina elkarteko bazkideei uztea eta urte bereko ekainaren 20an inauguratu zuten 46 bazkiderekin. 

Hasiera haietan, bazkide bakoitzak 4.000 pezetako sarrera eman behar izan zuen, eraikina txukundu eta atondu ahal izateko eta hileroko kuota 50 pezetan ezarri zuten. 1982an, eraikina zabaltzeko obra bat egin zuten, «dirudienez, eraikinaren atzeko zelaiak markesaren batena izan behar zuen eta markesaren etxera joan behar izan zuten Donostiara lurrak uzteko baimena eskatzera», kontatu du Iker Lizardi elkarte kideak. Azken berrikuntza elkartearen bigarren solairuan egin dute aurten, herritarrentzako erabilera anitzeko espazio bat sortuz.

Emakumeak elkartean

Elkarte aurrerakoia izan zen zentzu batean, Zelai Ondo; izan ere, hasiera hasieratik izan zuten emakumeek elkartean bazkide izateko aukera. Bittori Garcia izan zen emakume bazkide bakarra urte askotan, «elkartea ireki eta urte betera alargundu zen eta senarraren partez sartu zen. Hasieratik emakumeek elkarteko bazkide izateko eskubidea bazuten arren, 90eko hamarkada ia amaitu arte ez zen emakume gehiago izan», dio. Gaur egun, 60 bazkide ditu elkarteak, gizonezkoak gehienak, baina baita emakumezkoak ere.

Larunbatean, herritar guztiei irekitako hamaiketako herrikoi batekin hasiko dute eguna. Ondoren, toka eta txinga lehiaketari emango diote hasiera elkarte aurrean eta 13:30ean, bazkide gisa hasieratik dauden Cayetano Iraeta, Luzio Iraeta, Julian Etxezarreta, Jose Inazio Usabiaga, Mikel Jauregi eta Joxe Mari Aldasorori omenaldia egingo diete, baita urte bete beranduago sartu zen Bittori Garciari ere. Bazkaria egingo dute gero eta Gari eta Iñaki trikitilariak izango dira egun osoan zehar.

Hilabeteetako elkarrizketaren emaitza da Ongizate bulegoa, «garrantzitsua izan da zerbitzu honetan sinisten duten politikariekin bat egitea akordioa errealitate bihurtzeko. Bere denbora eman du hau dena antolatzeak, baina azkenean lortu dugu, sinisten genuelako horrela izan behar zuela eta zerbitzu berriak izaera hori izan behar zuela», esan du Esnaolak. 

Esnaola gizarte langile lanetan aritu da orain arte Ezkio-Itsasoko udaletxean, %33ko lanaldian. Ormaiztegik eta Gabiriak orain arte partekatzen zuten gizarte langileak erretiroa hartu berri du eta testuinguru horretan sortu da hiru udalerrien artean zerbitzu hau martxan jartzeko aukera. 

Kalitatean irabazi

Zerbitzuaren erabiltzaileek kalitatean irabaziko dutela uste du Esnaolak, «zuzeneko arretari denbora gehiago eskaini ahal izango zaio, administrazio lanetarako figura berri bat sortu delako». Izan ere, azken urteetan lan administratiboak biderkatu egin dira eta horrek, aurrez aurreko arreta egiteko denbora kendu dio, orain arte, gizarte langileari. Zerbitzuaren ordutegia ere zabalagoa izango da eta emango duten arreta «integralagoa». 

Herri txikietako gizarte zerbitzuetako erabiltzaileen beharrak, herri handiagoetakoen berdinak dira, baina erantzuna ematerako orduan, badira ezberdintasunak.  «Landa eremuan daukagun arazo handietako bat dispertsioarena da, jendearengana iristeko zailtasunak. Azpiegitura falta ere beste arazoetako bat da, sarri, behar den kasuetan beste herri batzuetara mugitu behar izaten dutelako. Profesional bezala, baloratzen ditugun beharrei erantzun egoki bat emateko zailtasunak ere izaten ditugu askotan, gure lanaldia oso murriztua delako», zerrendatu du. 

Kontrara, erabiltzaileekin harremana gertuagokoa da herri txikietan, «guztiak ezagutzen dugu elkar eta beharrezko informazioa beti iristen zaigu bide batetik edo bestetik», gehitu du. 

Zerbitzu partekatua

Zerbitzu partekatua denez, ez dira egunero egongo herri guztietan, baina dagokionean, ordu gehiagoz izango dira bertan. Ongizate bulegoarekin haremanetan jartzeko edo hitzorduak eskatzeko telefono bakarra izango da aurrerantzean: 603 730 114. Astegunetan, 8:00etatik 14:00etara deitu ahal izango da bertara.

Bitartekaritza saio bat izango da bisita komentatua, tailerra, mahai inguru bat eta hitzaldia uztartuko dituena. Laura Calvo, EHUko historialariak; Irlanda Fragoso arte kontserbatzaileak eta Sergio Quintana arkitektoak gidatuko dute saioa. Gipuzkoako eraikin erlijiosoen historian eta balioan sakontzeko aukera egongo da. Ondarea «hobeto ezagutzeko, balioesteko eta haren kontserbazioan modu aktiboan parte hartzeko» aukera egongo da, «memoriaren, identitatearen eta komunitatearen arteko loturak indartuz».

1300. urtearen inguruan datatu dira San Bartolome elizaren parte zaharrenak, bere eliz atari erromaniko berantiarra adibidez; eta Gipuzkoako elizen artean zaharrenetakoa da.

Itziar Etxezarreta Ezkio Eraikiz alderdiarekin aurkeztu zen 2023ko udal hauteskundeetara eta ordutik Euskara eta Kultura zinegotzia izan da bertan. Orain, etapa bati amaiera emanda, Agurtzane Zubillaga Azpillagak hartuko du Etxezarretak utzitako postua eta bere eginkizunak betetzen hasiko dela iragarri du Ezkio-Itsasoko Udalak.

Agurtzane Zubillaga

Goizean, 8:15ean irtengo dira Itsasotik. Autobusa Alegiko beheko taberna zenaren parean hartuko dute. Ambsaguasen egingo dute lehendabiziko geldialdia, 10:30ean hamaiketako egiteko —antolakuntzak eramango du—. Ondoren, Dolomiten antzinako fabrika bisitatuko dute (11:00) eta eguerdian (13:00), Pozalaguako kobazulora joango dira.

Pozalaguako Aizko jatetxean bazkaldu eta arratsaldean Güeñes bisitatuko dute. Gainera, karting-en ibiltzeko edo Arenatzarte parkea bisitatzeko aukera ere izango da. 20:30ean izango da itzulera.

Izen ematea irekita

Irteeran parte hartzeko aldez aurretik izena eman beharra dago, irailaren 30erako. Horretarako 943 47 77 90 telefonora deitu edo udala@itsaso.eus helbidera mezu bat idatzi daiteke. Helduentzako prezioa 20 eurokoa da, ikasleentzako 12 euro eta 10 urtez azpikoentzat, doan.

Mezaren ostean, Baltzola eta Andonegirekin erromeria izango dute bazkalordua bitartean. Bazkalostean, 16:30ean ekingo diote berriz erromeriari eta toka txapelketa ere jokatuko dute 17:30ean hasita. Itsasoko plazaraino oinez jaitsiko dira iluntzean (20:30) eta afari batekin amaituko dute eguna Ostatun.

Mandubin ere bai  
Kizkitzan bertan ez ezik, Mandubiko bentan ere jai giroa da nagusi. Aurten ere erromeria izango da eguerdian eta arratsaldean, Imanol Intxausti eta Iñaki Larrañaga trikitilariekin.

Mezarekin emango diote hasiera egunari (12:00) Kizkitzan bertan. Baltzolak eta Andonegik ez diote hutsik egingo urteroko hitzorduari eta erromeria giroa jartzeaz arduratuko dira beste behin (13:00). Bazkari garaia izango da eguerdian eta erromeria izango dute berria arratsalde osoan zehar (16:00). Toka txapelketa herrikoiak ere ez du hutsik egingo aurtengo egitarauan (17:30). 

Afaria eguna amaitzeko

Iluntzean (20:30) izango da itzulera oinez Itsasora. Ostatun afaltzeko aukera izango da (21:30). Norberak bere jatekoa eraman dezake, edo bestela, ostatuan prestatutako menua afaldu —odolki, patata eta arrautza nahaskia eta oilaskoa saltsan—; 18 euro postrea eta edaria barne. Ostatuan afaltzeko aldez aurretik izena eman behar da 943 88 03 15 zenbakira deituta.

Ohikoa den bezala, ibilbideak Itsaso inguruko mendietan barrena eramango ditu parte-hartzaileak, eta 22 kilometro ingurukoa izango da. Dena den, ibilbide laburragoa egin nahi dutenek ere izango dute aukera: martxaren erdialdean Itsasotik, helmugatik, igaroko dira, eta bertan amaitzeko aukera eskainiko dute.

Eguna borobiltzeko, 21:00etan parrillada egingo dute.

Biharko ekitaldiekin, berriz, agurtuko dituzte aurtengo San Bartolome jaiak Itsason. Goizean, 11:00etan, meza egingo dute, eta ondoren, 13:00etan, herriko ondareari buruzko aurkezpena izango da Goiko Ostatuan.

Asteburuko kronika

Larunbatean, Pilota Express ekintzarekin eman zioten hasiera egunari. Eguerdian, berriz, herri bazkaria egin zuten, eta arratsaldean Mississippi Queen & The Wet Dogs hirukotearen kontzertuaz gozatzeko aukera izan zuten. Taldeak funky, rock eta soul doinuak uztartu zituen.

Atzo, berriz, mus txapelketa eta paella lehiaketa egin zituzten. Lehiaketen ostean, parte-hartzaileek prestatutako paellekin afaldu zuten, eta gauari amaiera emateko Alaiki taldearen emanaldia izan zuten.

Gaurko egitaraua

Gaur ere izango da zer egin Itsason. Adin guztientzako ekitaldiak prestatu dituzte:

• 12:00etan Meza nagusia
• 13:00etan Toka lehiaketa herrikoia
• 18:00etan Ume jolasak eta txokolatada
• 19:15ean Diskofesta3000

Argazkiak: @itsaso_herria

Ekintzaz betetako egitaraua prestatu dute, herritar guztien gozamenerako:

Abuztuak 22, larunbata:

• 11:00: Pilota-express eliz atarian.
  
• 14:30: Herri bazkaria.
  • Txartelak Ostatuan salgai.
• 19:00: Mississippi Queen & The Wet Dogs hirukotea (Funky Rock & Soul).
  
• 21:30: Bokatak afaltzeko aukera.

Abuztuak 23, igandea:

• 16:30: Mus lehiaketa.
  • Izenematea: 16:00etan.
• 19:30: Paella lehiaketa herrikoia eta ondoren afaria.
  • Lehiaketarako izenematea Ostatuan.
  • Afarirako tiketak 12 eurotan egunean bertan salgai.
• 22:30: Alaiki taldearen emanaldia.

Abuztuak 24, astelehena. San Bartolome eguna:

• 12:00: Meza Nagusia.
  
• 13:00: Toka lehiaketa herrikoia.
  
• 18:00: Ume jolasak eta txokolatada.
  
• 19:15: Diskofesta3000.

Abuztuak 29, larunbata:

• 16:30: Mendi bizikleta proba.
  
• 21:00: Parrillada.

Abuztuak 30, igandea:

• 11:00: Meza hilerrian.
  
• 13:00: Herriko ondareari buruzko aurkezpena, Goiko Ostatuan.

Mendi bizikleta trabesiak 25 kilometroko luzera izango du. Izen-ematea doakoa izango da, eta egunean bertan egin beharko da, proba hasi aurretik.

Izazpe abesbatzak lagunduta meza egin dute goizean eta ohiko hamaiketako herrikoiaren parean atera dituzte antzinako autoak bertaratu direnen entretenigarri. Arratsaldean, haurrentzako parkea atonduko dute frontoian (17:00) eta ohiko ardo dastaketarekin (20:30) eta Dj Unairen dantzaldiarekin agurtuko dituzte jaiak.

Goierritarren bilduma

Mimoz zaintzen dituzte antigoaleko altxor hauek bildumazaleek. Goierrin badira batzuk eta horietako askok etxean zaindu eta mantentzen dituzten autoak izan dira gaur ikusgai. Alegiko Juan Mari Goitia aritu da erakusketa antolatzen. Orain bi urte egin zuten lehenengoz eta iazko etenaren ondotik, aurten berriz itzuli da jaietako egitaraura. Goitiak berak 1929ko Chrysler 65 bat eta 1954ko Mercedes 300 S Adenauer bat jarri ditu ikusgai. Lucio Iraeta auzokideak 1933ko Nash v8 eta Jesus Plazaola itsasoarrak 1924ko Ford T bat eta 1956ko Peugeot 203 bat. «Peugeot honek Ormaiztegin taxi zerbitzua eman zuen urtetan», argitu du Goitiak.   

Gabiriako Iñaki Arratibelen 1925 urteko Hispano Suiza T49a ere egon da erakusketan, baita Martin Sagastizabal herrikidearen 1931ko Ford A bat. 1910 urteko Hispano Suiza bat izan da ikusgai egon direnetatik zaharrena, Beasaingo Jexux Etxeberriarena. «Kotxe berezia da, gaur egun oso gutxi geratzen dira eta zailak dira ikusteko», argitu du Goitiak. 1915eko Ford T batek (Jose Mena, Lasarte), 1913ko Overland batek (Miguel Arrospide, Aduna) eta 1949ko Mercedes 170 S batek (Juanan Bueno, Tolosa) osatu dute autoen erakusketa. 

Motoak eta bizikletak 

Autoez gain, motorrak eta bizikletak ere izan dira erakusketan; horien artean Lucio Iraetaren 1962ko Guzzi bat eta Zumarragako Pablo Arroyok eramandako beste hiru: 1977ko Ossa Copa bat, 1976ko Bultaco Matador bat eta 1964ko Mobylette mitikoa. Arratibel gabiriarraren 1885 eta 1890 urte arteko egurrezko bizikleta eta trizikloek ere ikusmira sortu dute. Eguneko bitxikeria Goitiaren bildumakoa izan da, «Amerikar armadak argindarra sortzeko eta telekomunikazioetarako erabiltzen zuen 1954ko generadore bat ere ekarri dut. 30 urtez geldirik egon eta gero martxan dago orain». Bildumazale guztien ahaleginarekin erakusketa polita jarri dute ikusgai, «leku askotan ikusi ezin diren» piezekin.

Legazpiko Udalak inkesta labur bat prestatu du herritarren ikuspegia eta iradokizunak jasotzeko. Herritarren ekarpenak «oso lagungarriak izango dira eredu turistiko iraunkorra, lehiakorra eta tokiko biztanleen premiekin bat datorrena eraikitzeko».

Galdetegia 3 minututan bete daitezke, eta erantzunak anonimoak izango dira. Inkesta www.legazpi.eus webgunean dago eskuragarri.