Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

2023an Begiristainek politika instituzionalera pausoa eman zuen. Oriako hautesbarrutian, EH Bilduren zerrendaburu izan zen 2023ko foru hauteskundeetan. Batzarkide taldeko hizkuntza berdintasuneko bozeramailea da. Horretaz gain, ekonomia sustapeneko eta Proiektu Estrategikoetako batzordeko Lehendakaria ere bada.

Begiristain Giza Zientziak: Enpresa espezialitatean lizentziatu zen Deustuko Unibertsitatean, eta Bartzelonako EADAn Marketineko masterra egin zuen. 

Bere lan esperientzian hainbat enpresatako esportazio eta merkataritza departamentuetan lan egin ondoren, Maizpide Euskaltegian hasi zen. Azken hamarkadan zuzendaritza taldean ardurak izan ditu, eta 2017tik bertako zuzendaria da.

EH Bilduren hautagaia
Lazkaoko EH Bilduk dio Begiristain «ezerk bereizten badu, gertutasunez lan egitea» dela hori: «Lazkaoko herritarren oraina zaintzea eta etorkizuna lazkaotar guztien artean eraikitzea izango du bide orri». Begiristain «herrigintzan» ere aritutakoa dela diote, batez ere «euskalgintzan eta feminismoan. Horregatik da Lazkaoko EH Bilduko mahai politikoak proposatutako hautagaia»

Aurreko urtean bezala, 2.000 bonu jarriko ditu salgai udalak. «Bakoitza 30€-an eta 40 €-ko erosketak egiteko aukera dute». Bonu bakoitzak 5 euroko zortzi txartel izango ditu: «Hiru kanpainari atxikitako edozein establezimendutan erabili ahal izango dira, eta gainerako bostak, elikagaiak saltzen dituztenetan». Bonuak erosteko pertsona bakoitzak gehienez hiru bonu erosi ahal izango ditu, eta beste norbaiten izenean erosteko aukera izango da: «NAa erakutsi beharko da eta hiru bonuko muga errespetatu».

58 saltokitan gastatzeko

Ondorengo establezimenduetan erabili ahal izango dira bonuak: Ainhoa ileapaindegia; Alaine Albisu; Amets bat; Ana belen ileapaindegia; Ana Cristina Olano; Arakama harategia; Arriaran; Artano arrandegia; Barberia ZAC; Bika; Chaman janaridenda; Dama ileapaindegia; Digital Izar; Eire ileapaindegia; Ekilore; Errotaundi; Esentzia; Eskuz Fisioterapia eta Osteopatia; Garaiz; Gazi Gozo; Gerriko; Goitia autoeskola; Golok; Gozokiak Ecu; Gure Galtzerdia; Idoia Godoy farmazia; Irizar Anaiak; Gomez iturgintza; Jauregi; Insausti estankoa; Kemen; Kiosko Zelai; Klaudikas Tatoo; Koboloi; Koxkor; Leiresh; Lorena arraindegia; Magala; Aguado estankoa; Mamufo; Manako; Matias frutadenda; Mikel optika; Nahikiri; Nare estetika; Ogiberri okindegia; Oreka okindegia; Osatu fisioterapia; Pedro Pereiro farmazia; Pello Bidegain harategia; PinKIDS Akademia; Pranaqi; S.tilo ileapaindegia; SM Sport; Txindoki Smartphone Solutions; Unaro burdindegia; Xanu eta Ziklos Lazkao.

Gerriko Kultur Elkarteak udazkenean saio horiek antolatzen ditu elkarrizketak eta saio akustikoak uztartuta. Hiru saioko zikloa izango da eta bakoitzera gonbidatu bat joango da. Zabalak Hertzainak taldean jotzeaz gain Gu ta Gutarrak eta 7 Eskale taldeetan ere aritu da. Ondorengo saioak izango dira: Amaiur Esparzarena azaroaren 10ean, eta Joseba B. Lenoir-ena abenduaren 15ean.

Esparza musikari tafallarra Rotten XIII eta Odolkiak Ordainetan taldeetan aritu da. Tafallako ikastolako irakaslea ere bada. Lenoir berarra da, eta berak ere badu ibilbide musikal oparoa, Willis Drummond edo Izaki Gardenak taldeetan aritu da.

Oraingo honetan, bi abesbatzek egitarau «berezia» prestatu dute eta hainbat estilotako musika koraleko lanak bilduko dituzte: «Errepertorio askotarikoaren bidez, euskal herritarren elkartasunarekin eta egungo migrazio errealitatearekin lotutako gaiak jorratuko ditu kontzertuak». Hala, musikaren bitartez, egoera horiek herritarrengana hurbildu eta Zaporeakek egiten duen lana ezagutarazi nahi da.

Elkartasuna

Kontzertuak elkartasunerako aukera ere eskainiko du, bildutako dirua erakundearen proiektua babestera bideratuko baita. Horrela, Kantaka eta Betiko Ametsa abesbatzen arteko lankidetzak musika jarduera eta laguntza humanitarioa uztartuko dituzte, «errefuxiatuei elikagaiak eta babesa eskaintzen jarraitzea helburu duen ekimen baten alde».

Udalak herritarrak gonbidatu ditu kontzertura hurbiltzera, emanaldiez gozatzera eta elkartasun ekimen honetan laguntzera.

Zaporeak erakundea

Ekimenaren bidez, gerrak, jazarpenak, indarkeria eta giza eskubideen urraketa larriak direla medio Europara ihesi iristen diren milaka pertsonaren errealitatea herritarrei hurbildu nahi zaie. Izan ere, Zaporeak pertsona horiei laguntzeko irabazi asmorik gabeko erakundea da.

Greziako uharteetan, asilo eskatzaileek egoera zailean jarraitzen dute eta, horren aurrean, Zaporeakek elikagaiak eskuratzeko aukera bermatzera eta babes bila dabiltzanei laguntza eskaintzera bideratzen du bere jardun humanitarioa.

Urriaren 22an, Lazkaoko eguna baino bi lehenago, Errigorak udazkenero martxan jartzen duen produktuak eskatzeko kanpaina jarriko du martxan. «Tafallan prentsaurreko batekin» dio Aranburuk. Aurten, gainera, kanpainarako «zerbait desberdina» prestatu dutela azaldu du: «Urte eta erdi gabiltza Errigoraren atzetik dagoena txukun azalduko duen dokumental bat grabatzen». Lazkaoko Areria zineman, egunean bertan, bi emanaldi egingo dituzte dokumentala estreinatzeko, 10:00etan eta 11:30ean.

Horretaz gain, Kuxkuxtu txaranga urruñarra egun osoan zehar arituko da giroa alaitzen. Ondoren, 13:30ean, boluntarioen omenaldi ekitaldia egingo dute plazan, eta jarraian, leku berean, herri bazkaria 14:30ean.

Beste ekintza bat ere egingo dutela bigarren dokumental emanaldiaren eta omenaldi ekitaldiaren artean adierazi du Errigorako kideak. «Sukaldaritza ikuskizun bat egongo da, lehenago ere egin izan dugu Iker Markinezekin». Oraingoan, Markinezek ezin duela dio Aranburuk: «Ane Otegiri ere proposatu diogu baina hark ere ezin du». Beraz, oraindik erabakitzeko dute ekintza hori nork gidatuko duen.

Komunitatea sendotuz

Kanpainan zehar dokumentalak balio «erantsia» izango zuela garbi zeukatela hasieratik adierazi du Aranburuk: «Estreinaldia jendeari jakin-mina pizteko egin nahi genuen, baina baita Errigoraren berri dakien jendeak dokumental horri erantzun bat emateko proiektura gehiago atxikituz». Horretarako, Lazkao leku «aproposa» iruditu zitzaien antolatzaileei.

Hori erabakita, Errigorako komunitateko jendeari gonbidapena egin eta jarraian lehen emanaldirako aforoa bete zela aitortu du Aranburuk. «Arerian 380 sartzen dira eta 300 inguru badaude izena emanda izango dira 11:30eko saio nagusian».

Horretaz gain, 10:00etako saioan beste 200 lagun inguru izango direla aurreikusten dute antolatzaileek. Beraz, denera, 500 pertsona inguru joango dira Euskal Herriko hainbat lekutatik Lazkaora urriaren 24an. Aitortu du ekitaldiaren ondoren, bazkaltzera, ez dela jende guzti hori geldituko. Bazkaltzeko 200 lagun inguru izatea aurreikusten dute. Izan ere, oraindik izena emateko epea zabalik dago. Errigorako boluntario sareko parte den jende asko hurbilduko da Lazkaora.

Amundarain gogoan

Hasieran, ordea, dokumentalaren emanaldia egitea besterik ez zeukatela buruan dio Aranburuk. Baina, horrenbeste jende izena ematen ari zela ikustean zerbait «indartsuagoa» egin behar zutela adostu zuten Lazkaoko Errigorako kideekin: «Lazkaokoak ere mila gauzetan ibiltzen dira euskalgintzan, herrigintzan… eta beraiek proposatu zuten bazkaria egitea».

Zerbait handiagoa egiteko ideia horretatik atera zen; hasierako boluntarioak omentzea. Hain juxtu, Amundarain hil zeneko urteurrena izango da data horietan. Aranbururen hitzetan, «Erramunek egin zituen mila gauzen artean zegoen Errigorako boluntario izatea, gainera hasieratik».

Proiektuak 2 metroko zabalera izango duen oinezkoentzako ibilbidea aurreikusten du hilerritik Lartxai elkarteraino. «Argindarra, telekomunikazio eta urzikinak» biltzeko ekipamenduak aurreikusten ditu udalak. Animalien itxiturak egokitu eta sarbideak ere bermatuko dituela dio udalak:  «Lursailaren desnibeletara egokituko da, eta hainbat landa-lurzatiri eragingo die».

Proiektuaren kostua
1.Fasearen lizitazio-aurrekontua 437.905,92 eurokoa izango dela BEZ barne dio udalak. Proiektuan lurzorua berdintzeko itxiturak, sarbideak eta lehendik dauden itxiturak berritzeko beharrezko lanak egingo dira, eta «natura eta herri-ingurunea modu harmoniatsuan» integratzeko behar diren neurri guztiak jasoko dituela adierazi du Lazkaoko Udalak.

Pasealekua ibilbideko puntu guztiak «modu arin eta ahalik eta irisgarrienean konekta ditzan» diseinatu dela dio udalak, oinezkoek segurtasunez eta erosotasunez ibiltzeko aukera izan dezaten.

Proiektu gehiago herrian
Lazkaoko Udalak udal aldizkariaren ale berria argitaratu du irailean, herrian egindako lana eta datozen hilabeteetan gauzatuko diren proiektuak herritarrei gerturatzeko. Argitalpenak Gobernu Planaren esparruan bultzatutako jarduera nagusiak batzen dituela azaldu du udalak, eta Lazkaoko eguneroko bizitzari lotutako hainbat arlotan egindako «aurrerapausoen» ikuspegi orokorra eskaintzen du.

Lazkaomendin egiten ari diren lanaren berri aldizkari horretan dator. Horrekin batera, une honetan Lazkaon egiten ari diren edo egin diren beste proiektu batzuen berri ere badakarki aldizkariak. Besteak beste, anbulatorio berria, San Joseko igogailua, Areso parkeko estalpea eta Enpaundi inguruko Begiriztain errekastoa birbideratzea.

Lazkaoko lagun talde batek antolatzen du musika jaialdi hau. Artzak, lagun talde horren izenean dio, musikaren inguruan mugitu direla beti eta pasio horretatik sortu zela Aho Lehor. «2020an pandemia garaia zen eta dena geldirik zegoela ikusita zerbait egin behar zela pentsatu genuen». Ideia horretatik abiatuta, 2021ean lehen aldiz Aho Lehor musika jaialdia antolatu zuten. Aho Lehor izena telebistako saio bateko pertsonaia batengatik jarri zioten jaialdiari. Izan ere, ba omen zegoen Boca Seca –aho lehor– deitzen zioten bat, eta lagun talde honi barregura ematen zion.

Musika taldeak aukeratzerako garaian %100ean beraien gustuen arabera aukeratzen dituztela adierazi du antolatzaileak: «Punka, rocka, hard core-a… musika generoak gustatzen zaizkigunez Euskal Herriko eta kanpoko estilo horietako panorama musikala nola dagoen ezagutzen dugu». Gainera, kanpoko taldeak ekartzen beti saiatu direla dio Artzak. «Taldeak nazioartean mugitzen dituzten kontaktu batzuk baditugu eta horiei esker lotzen ditugu taldeak». Izan ere, etortzen diren taldeetako batzuk «jaialdi garrantzitsuetan eta ordainduz» bakarrik ikus daitezkeela aurreratu du lazkaotarrak. Gainera, taldeen diskak eta jantziak erosteko postuak jarriko dituzte. Horietaz gain, food trucka eta edaria «herritarrentzako prezio onetan» egongo dira.

Antolatzearen zailtasunak

Aho Lehor bezalako musika jaialdi bat antolatzeak «urte osoko lana» eskatzen duela aitortu du Artzak. Gaineratu du hurrengo urteko jaialdia antolatzen ari direla dagoeneko: «Hurrengo urterako talde batzuekin hitz egin dugu, baina gero edozer gauza gerta daiteke; talderen bat erori, besteren bati deitu…».

Hala ere, jaialdiak duen zailtasun handiena aurrekontuak lortzea dela nabarmendu du. Aurten, udaletxearekin aurrekontu bat adostu zuten, horren baitan jaialdia antolatu eta ondoren aurrekontua txikiagoa zela komunikatu zien, «salduta gelditu ginen».

Hala ere, Artzak adierazi du kooperatiba enpresa batzuek portzentaia bat ekitaldi kulturaletarako bideratzen dutela. Beraz, udaletxeak eta enpresek ematen dien laguntzari esker lortzen dute horrelako kontzertuak jendeari dohainik eskaintzea. 

Asteburuan jokatu zenuen Euskal Herriko zirkuituko hirugarren proba, Durangon. Zer-nolako lasterketa izan zen?
Bi sektoreko proba izan zen. Lehen sektorean, korrikakoan, bigarren postuan nindoan. Baina azken zatian indarrik gabe nengoela nabaritu nuen. Bizikletakoan ere arrastaka ibili nintzen, eta uztekotan egon nintzen tarteren batean. Ainhoa Markinez izan zen nagusi lasterketa guztian, eta nik laugarren amaitu nuen. Lehia polita izango dugu hurrengo lasterketetan.

Txikitatik datorkizu kirolerako zaletasuna; txirrindularitzan, iraupen eskian eta neguko triatloian aritutakoa zara. Nola gogoratzen dituzu hasierako urteak?
Etxeko guztiek betidanik egin dugu kirola. Oso umetatik ibili gara hiru anai-arrebak bai bizikletan, bai eskian. Aita ere txirrindularitzako hainbat taldetan ibili zen masajista [besteak beste, Euskaltel-Euskadin], eta bera ere txirrindularitzaren oso zalea zen. Gainera, hark eta amak eskiatu egiten zuten. Negu sasoian iraupen eskian ibiltzen ginen, eta udan, berriz, bizikletan.

Iraupen eskian eta neguko triatloian Espainiako txapeldun izandakoa zara, besteak beste.
Bai, hala izan zen. Urtzi anaia eta biok urte berean izan ginen Espainiako txapeldun iraupen eskian. Ni, gero, neguko triatloian ere izan nintzen txapeldun. Hala ere, betiko borroka izaten genuen orduan ere: elur falta. Horren ondorioz, urte batean gutxi joan ginen eskiatzera, eta, beraz, iraupen eskia utzi, eta ziklo-krosean hasi nintzen. Aitari esan nionean, guztiz kezkatu zen. Bazekien ziklo-krosa kirol gogorra zela. Urte batzuk egin nituen kirol horretan lehiatzen.

Orain mendiko duatloietan lehiatzen zara. Baina zuretzat ez da arrotza Euskal Herriko zirkuitua.
Ez. 2011tik 2015era bitarte ziklo-krosean, duatloian eta triatloian ibili nintzen. 2014an jokatu nuen lehenengo mendiko duatloia, eta Euskal Herriko txapeldunorde izan nintzen. Urte batzuetan lehia alde batera utzita ibili nintzen, 2023an mendiko lasterketetan hasi nintzen arte. Orain, mendiko lasterketetan eta mendiko duatloietan aritzen naiz.

Elkarrizketa osoa Berria.eus webgunean.

Kilometroak Kultur Elkarteak “oso positiboki” baloratu du eguna, arratsean kaleratu duen prentsa oharrean. “Lau jaiguneetan egitarau zabala izan da, eta milaka lagunek parte hartu dute egun osoko ekitaldietan, kontzertuetan eta ikuskizunetan. Ez da arazorik edo ezbeharrik gertatu, eta jai-giroan eguna pasatzera etorri diren familia, lagun-talde eta bisitari guztiek. 

Helburuei dagokienez, Kilometroak jaiak eta Ikastolek “belaunaldiz belaunaldi indarrez jarraitzen” dutela erakutsi du.

herriz herri, euskararen, euskal kulturaren eta herri ekimenaren alde

“Festa bikaina izan da, aurreikuspen guztiak gainditu ditugu. Festa hau antolatzeko, zalantzarik gabe, boluntario guztiei esker izan da, bai herritarrak, bai kanpotik etorri diren guztiak, eta Koordinazio Gelan guztia zaintzen aritu diren Udaltzaingoa, Ertzaintza, Osakidetza, DYA… Guztion artean, jai hau aurrera ateratzea lortu dugu”, egin du lehenengo balorazioa Kilometroen koordinatzaile Xeber Maizak.  Eskerrak eman dizkie boluntario guztiei. 

Aldarrikapenak, auzolanaren beharra, boluntzariotzaren kemena –mila lagun ibili dira lanean–, eta batasunak damarren indarra baloratu dituzte Kilometroen antolatzaileek. Berritasun handietako bat Kilometroen lekuko berriaren aurkezpena izan da, zeina Bergarako Aranzadi ikastolak jasi duen goizeko ekitaldian, 2027ko Kilometroek ibilian-ibilian jarrai dezaten. Euskal gizarteak euskara “gehiago nahi eta behar” duela gogorarazi du Kilometroak kultur elkarteak. Festa babestu duten gainerako erakundeen oniritziarekin. 

Bestetik, Denboraren tunela kale erakusketak ere “eguneko proposamen berezietako bat” izan direla balioetsi du antolakuntzak. “Ekimenak jaiaren helburu nagusia bildu du: egindako bidea aitortu, eta etorkizuna elkarrekin irudikatu eta eraikitzea”. 

Giro bikaina 

Lau guneetan, eguneko ordu eta jarduera desberdinetan aldatu bada ere, jendetza ibili da. Eguraldia bikain portatu da, azkenean, eta sargori sentsazioa baretzea bihurtu da arratsalde aurrenean egiteko nagusia, aterki beharraren beldurra erabat uxatuta. Jende gaztearen kopuru handia nabarmendu da, baina adin eta belaunaldi askotako herritarren babesa jaso du egunak, asko 1977an ere bertan izan zirenak. 

Kontzertuetan, Nafarroa 1512en zuzenekoen sasoiak Iturrialdeko gunea bete du. Eider Saezek, bere aldetik, urriaren 30ean kaleratuko duen disko berriaren primizia lehen aldiz publiko aurrean jo du, Hirigoiengo plazan. Egunari ginga Gozategi taldeak jarri dio, Euskadi enparantza gutxitan bezala beteta zela. Oriolo taldeak Alaitz eta Maider, eta Xabi Solano gonbidatu ditu oholtzara, eta abesti batzuk elkarrekin jo eta kantatu dituzte; baita Andoni Zubillaga taldeko gitarra jotzaile ohia ere. 

Kalanbreak kantuarekin eta “astelehena biharamun” mitikoa kantatuz  itxi dute Gozategikoek 2026ko Kilometroak festa. Bihar astelehena izango da euskararentzat eta ikastolentzat ere, baina igandeak ere badituztela erakutsi du jendeak, beste behin. Eta “denbora luze batean gogoratzekoa” izango den festaren zaporea edukiko du.  

Kilometroen hasierako ekitaldia.

19:00etan hasiko dute egitaraua, Kattalin eta Nenufarrak taldeen kontzertuarekin. Ondoren, Sukia eta Markik hartuko dute lekukoa, eta trikitixa eta pandero doinuekin girotuko dute arratsaldea. Jarraian, argazki antifaxista egingo dute.

Horrez gain, Giroa tabernan Gazte Asanbladak prestatutako mojitoak izango dituzte salgai.

Antolatzaileek aurreratu dutenez, Gazte Festen aurrerapen txiki bat ere egingo dute, urrian ospatuko dituzten festen atarian giroa berotzeko.

Artisau gunea jai eremuaren barruan egongo da

Aranbururi bi izar eman dizkie gazta naturalarengatik, Otatzari izar bat gazta ketuarengatik, eta La Lezeri bi izar bi motatako gaztengatik, naturala eta ketua.

«Espezialista onenen aurka» lehiatzen pilatutako esperientziagatik zoriondu ditu Ordizia-Lazkao Igeriketa klubak: «Hiru kirolariek konpromisoa, esfortzua eta lehiakortasuna erakutsi zuten proba bakoitzean. Erlojupekoez gain, txapelketak aukera eman die esperientzia baliotsua batzeko maila goreneko agertoki batean, eta hori funtsezko alderdia da bai kirol-arloan bai pertsonalki hazten jarraitzeko».