Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Antolatutako ikastaroen artean, yoga saioak Zeraingo kultur etxean izango dira, asteartetan 16:30etik 18:00etara. Trikiti ikastaroa ere Zerainen eskainiko  dute, asteazkenetan 17:00etatik 19:00etara, liburutegian. 

Euskal dantzak ikasteko hiru talde sortu dituzte: haurrena, helduena eta gaztetxoena. Saio guztiak Zerainen eskainiko dira, adinaren arabera egun eta ordutegi ezberdinetan antolatuta. Haurren saioak astelehenetan izango dira 17:00etatik 18:00etara kultur etxeko diaporama gelan. Helduenak, asteazkenetan 18:30etik 20:00etara pilotalekuan; eta gaztetxoenak, ostiraletan 17:00etatik 18:00etara kultur etxeko diaporama gelan. 

Gimnasia eta eskulanak

Mutiloan eskainiko dituzten bi saioen artean gimnasiakoa eta eskulanena daude. Gimnasia saioak astearte eta ostegunetan izango dira 19:00etatik 20:00etara udaletxeko ganbaran. Eskulanenak, aldiz, ostegunetan 16:00etatik aurrera leku berean.

Behin ibilaldia burututa elkarrekin bazkalduko dute Seguran. Bazkarira joan nahi duenak irailaren 13ra arteko epea du izena emateko. 660 791 623 telefonora deitu daiteke horretarako. Bazkariaren prezioa 30 eurokoa izango da.

Ohi bezala, Lierniko txirrindulari probak ireki zuen atzo goizean jaietako egitaraua, aurten, 45. edizioan. Team Iparraldeko Bastian Laffittek irabazi zuen lasterketa. 1:20:39ko denbora behar izan zuen lasterketaren 60 kilometroak osatzeko. 20 segundora helmugaratu zen Ampoko Eritz Atxega eta bi minutu eta 14 segundoko aldearekin hirugarren, Haitz Zunzunego taldekidea. Taldekako sailkapenean Ampo goiarritarra izan zen lehenengoa. 

Eguerdian, toka lehiaketa herrikoiaren ondotik, herri bazkarian elkartu ziren 80 bat lagun, plazan jarritako karpan. Aratz Igartzabal eta Eneko Araiztegi bertsoalriek saiao eskaini zuten bazkalondoren. 

Aizkolariak eta erromeria

Arratsaldean, aizkora saioa eskaini zuten Josu Ibarguren, Lakiolak (Legazpi); Haritz Goenak (Lazkaomendi); Unai Etxebrria, Osinaldek (Ezkio) eta Joanes Izagirre, Ipiñak (Urretxu). Amaitzeko, Naiara Mazisidor eta Lanberrirekin erromeria egin zuten Liernira gerturatu zirenek.

Argazkiak: PELLO AGIRREZABAL

Seguran barrena 11 kilometro inguruko ibilbidea prest dute dagoeneko, “8:00etan Segurako plazatik abiatu eta 14:00ak inguruan amaituko da” aurreratu dute.

Ibilbidea

Segurako plazatik abiatuta Laiotz auzora joango dira. Pagamuñoandi ingurutik pasatu eta ondoren, Txarako haitzera iristea izango da helburua. Ondoren, Segura eta Zegama artean dagoen Segurako Kortaberria auzora joango dira. Auzoan, uraren depositua, ganadua babesteko saletxeak eta bertan zegoen teileria zaharra bere labe eta guzti ikusteko parada hartuko dute. Handik Zorroztarriko trikuharrira gerturatuko dira. Eguraldiak lagunduz gero bertan egingo dute hamaiketakoa —norberak berea eramanda—; eguraldi txarrarekin Santa Barbara ermitan izango da.

Unamendi gaina igoko dute ibilbidearen azken txanpan. Hortik aurrera, Santa Barbara ermita ingurutik behera Segurako plazan emango diote amaiera irteerari.

Bazkaria Seguran

Ibilaldiaren ondoren, bazkaria egingo dute elkarrekin. Bazkarira joan nahi duenak izena eman beharko du irailaren 13rako, 660 791 623 telefonoan. Bazkariaren prezioa 30 eurokoa izango da.

Ohi bezala, Lierniko txirrindulari probak irekiko du eguna, aurten bere 45. edizioan. Lierniko Txirrindulari Elkartea dabil antolaketa lanetan eta beti bezala bi zati izango ditu: errepideko lasterketa eta erlojupeko igoera. Gipuzkoako txirrindulari eskoletako gazteen mailako txirrindulariek hartuko dute parte. Liernin hasi eta amaituko da errepideko zatia, 60 kilometroko ibilbidea osatuta. Errepidekoan lehenengo sailkatu diren 40 txirrindularik erlojupekoak jokatuko dute gero: Seguran hasi eta Liernin amaitzeko. 

Aizkolariak arratsaldean

Gainerakoan, Naiara Manzisidor eta Lanberrik girotuko dute eguerdi partea eta herri bazkarian 80 bat lagun elkartuko direla aurreratu dui Iñaki Ugalde Mutiloako alkateak. Urteroko herri kirol saioaren ordez, aizkolarien erakustaldia izango da arratsaldean. Josu Ibarguren, Lakiola (Legazpi); Haritz Goena (Lazkaomendi); Unai Etxeberria, Osinalde (Ezkio) eta Joanes Izagirre, Ipiña (Urretxu) arituko dira aizkoran eta erromeriarekin amaituko dute eguna.

Urteroko moduan aukera zabala dago eskaintzari dagokionean; askotariko musika tresnak jotzen ikasteko eskolak, musika hizkuntza eta dantzaz gain. Gainera, musika taldeetan parte hartzeko aukerak ugariak dira, helduentzat zein gazteentzat. Ildo horretan, urtarriletik aurrera, helduentzako eta jubilatuentzako euskal dantzen ikastaroak abiatuko direla aurreratu du eskolak. 

Ekintzak ikasturtean zehar

Eskolez gain, ikasturtean zehar 30 ekintzatik gora egiten ditu Toberak. Azkenak Zegamako San Bartolome jaietan; zaindariaren prozesioan eta arku egitean parte hartu dute ikasleek, agitarien soka dantzan eta azken urtean jaiotako haurren zapi janztean. Musika ikasleek osatzen duten Norabide erromeria taldearen dantzaldia ere izan da jaietan. Ikasturteari hasiera emateko, irailaren 27an Zegaman egingo den Adinekoen egunean ere parte hartuko du Toberak.

Irailaren 5ean, larunbata bi aukera izango dira Arantzazura joateko. Batetik, Arantzazura oinez joango diren segurarrak 6:00etan irtengo dira herriko plazatik eta bidea Aldaolan hasiko dutenak, 9:00etan hartuko dute autobusa plazan eta 10:00ak inguruan elkartuko dira oinezkoekin San Adrianen. Zerainen, 8:00etan egin dute hitzordua oinezkoentzat, plazan eta 9:00etan kotxez Aldaolaraino joango direnentzat. Ohar batean adierazi dute, Aldaolara joateko kotxea eramateko boluntarioak behar direla. 

Itzulera arratsaldean

Segura, Zerain eta Mutiloako erromesak Urbiara bidean elkartuko dira eta bertan bazkaria egingo dute elkarrekin. Aurten fonda itxita dagoenez, norberak eraman beharko du bere bazkaria. Elkarrekin egingo dute baita ere Arantzazura arteko bidea jaisterakoan(16:30) eta ohiko elizkizunaren ondoren, 19:00etan hartuko dute Arantzazun etxera itzultzeko Segurako, Zeraingo eta Mutiloako udalek bigarren urtez batera antolatu duten autobusa. 

Irailaren 6an, igandean egingo dute erromesaldiaren bigarren zatia. Kasu honetan, 10:00etan irtengo da Segurako plazan Arantzazurako autobusa, zeraindarrek eta mutiloarrek ere bertan hartuko beharko dute. Goiza Arantzazun igarota Hospederian bazkaltzeko aukera izango da eta itzultzeko autobusa 18:00etan abiatuko da Arantzazutik. 

Izen emateak

Seguran asteazkena izango da erromesaldian parte hartu nahi dutenentzako izena emateko azken eguna, estankoan. Autobuseko joan etorriak 7 euroko prezioa du eta estankoan ordaindu beharko da aldez aurretik. Hospederiako bazkaria —bertan ordaindu beharko da— 25 eta 30 euro ingurukoa izango da. Zeraindarrek Mari Karmen Mendizabali deituta (676 447 680) eman ahal izango dute izena eta Mutiloan, udaletxean.

Taldeetako irakaskuntzaren ordutegien berri, berriz, abuztuaren 31n emango dute. Eskolak irailaren 9an hasiko dira, eta 11 profesionaleko lantaldea izango du Toberak ikasturte honetan.

Musika eta dantza, adin guztientzat

Toberaren eskaintza zabala da. Musika-hizkuntza eta dantzaz gain, gitarra elektrikoa eta klasikoa, baxu elektrikoa, pianoa, trikitia, panderoa, organoa, txistua eta danbolina, bateria eta zeharkako txirula ikasteko aukera izango dute ikasleek.

Horrez gain, musika-taldeetan parte hartzeko hainbat aukera eskaintzen ditu eskolak, bai gazteentzat, bai helduentzat. Urtarriletik aurrera, esaterako, helduentzako eta jubilatuentzako euskal dantzen ikastaroak jarriko dituzte martxan.

Kuotei dagokienez, musika-hizkuntza eta helduen euskal dantzak hilean 20,2 euro dira; gainerako dantza-taldeak, 13,5 euro. Musika-tresnen kasuan, hileko kuota 38,5 eurokoa da, pandero-taldearen kasuan izan ezik, 20,2 eurokoa baita. Musika-taldeetan parte hartzeak, berriz, 7,3 euroko kostua du ikasleentzat eta 16,6 eurokoa ikasle ez direnentzat.

30 ekintza baino gehiago ikasturtean

Irakaskuntzaz gain, Toberak 30 ekintza baino gehiago egiten ditu ikasturtean zehar. Zegamako San Bartolome jaietan, esaterako, hainbat ekintzatan hartuko dute parte: zaindariaren prozesioan eta arku-egitean, agintarien soka-dantzan, azken urtean jaiotako haurren zapi-janztean Agurra dantzatuz, dantza-saioan eta trikitilarien kalejiran. Horrez gain, musika-ikasleek osatutako Norabide erromeria-taldeak ere dantzaldia eskainiko du.

Ikasturteko aurreneko jendaurreko ekintza, berriz, irailaren 27an izango da, Zegamako Adinekoen egunean.

Informazio gehiago nahi dutenek tobera@tobera.eus helbidera jo dezakete.

Ordiziako ferian ezagutu zuten elkar bi Beñatek. Lapurdikoa bisitan etorri zen, eta mutiloarrak duen gazta salmenta postura hurbildu zen. “Gazta probatu zuen, eta asko gustatu zitzaion”, gogoratu du Telleriak. Gero, “gure etxera etorri zen, behiak eta gazta nola egiten dugun ikustera”.

Eta horrela sortu zen bi gaztagileen arteko harreman komertziala. “Donibaneko Beñatek mundu guztiko gaztak edukitzen ditu, gazta klase mordoa izaten du, baina bertako ekoizleekin ere lan egiten du, eta ni hor kokatzen naiz”. Gazta urdina eta gazta ondua eraman zituen. Gazta samurra ere egiten du Telleriak, “baina han horrelakoa ohikoagoa omen da, eta ez du horregatik eraman”.

Badira aste batzuk Telleria gazta Donibane Lohitzunen salgai dagoela, eta mutiloarrak ez daki oraindik nola doan salmenta. “Orain, abuztuan naiz joateko, eta hango azoka ezagutzeko. Ikusiko dut ondo saltzen den edo ez. Ni momentuz pozik nago, bezero berri bat egin dudalako”.

Mutiloako Telleria gaztak Ordiziako azokan eta Euskal Herrian egiten diren feria berezietan erosi daitezke, baita internetez ere www.tellerigaztak.com webgunean. Inguruko jatetxe batzuetan ere eskaintzen dituzte kartan.

Jexux Mari Mujika (Ibarra) eta Iñaki Ibarguren mutiloarra arituko dira lehenengo aizkoran elkarren lehian eta Xabat Olaizola (Zarautz) eta Xabier Dorronsoro zeraindarra, ondoren. Hauek ere aizkoran.

Amaitzeko, Olaizola zarauztarrak bigarren lan bat egin beharko du harri jasotzen.

Aurreko urteetan bezala, ibilaldian zehar Gutierreze laguntzarekin sukaldaritzan erabiltzeko landare eta lore egokienak identifikatu zituzten parte hartzaileek Bide Berdearen luze zabalean, bakoitzaren ezaugarriak ezagutzeko azalpenak barneratuz. Bildutako landare eta loreekin Mutiloako Txerri Gorri elkartean hainbat plater prestatu eta dastatu zituzten, gero.

Ibilaldi gidatuari 9:30ean emango diote hasiera Lierniako bidegurutzean, Mutiloan. Aurreko urteetan bezala, ibilaldian zehar Gutierrezek sukaldaritzan erabiltzeko landare eta lore egokienak identifiklatuko dituzte parte hartzaileek, bakoitzaren ezaugarriak ezagutzeko azalpenak barneratuz. Bildutako landare eta loreekin Mutiloako Txerr Gorri elkartean hainbat plater sukaldatuko dituzte eta landutako errezetak dastatzeko aukera izango da. Liernira itzulera 15:30erako aurreikusi dute antolatzaileek.

Izen ematea 

Bide Berdearen Egunean parte hartzeko 943 88 99 00 edo 659 434 566 telefonoetara deituta edo mzumalakarregi@gipuzkoa.eus helbidera idatzita eman daiteke izena.