Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Urrian, Isasa hiru kontinentetan aritu da: Cholet Agglo Tour, Vendeeko Tourra eta Binche-Chimay-Binche klasikoetan parte hartu du, Europan; Hong Kong Cyclothon proban, Asian, eta Panaman eman zion itxiera denboraldiari, Amerikan. Alustizak, bere aldetik, Aljeriako probak Venetoko klasikoekin lotu zituen.

Isasarentzat (Urretxu, 2001) seigarren denboraldia izango da Euskaltel-Euskadin. Txirrindulari ona batez ere ordekan, aurten bere lehendabiziko garaipena eskuratu du Portugalgo Itzulian. Alustizak (Zumarraga, 2003), berriz, laugarren urtea izango du taldean. Bi txirrindulariak harrobian hazi ziren, Euskadi Fundazioaren 23 urtez azpiko taldean, hain zuzen ere.

Jorge Azanzak, Euskaltel-Euskadi taldeko kirol arduradunak, biekin oso gustura dagoela esan du. “Nicoren eta Isasaren jarraipena albiste bikaina da egiturarentzat. Etxeko bi txirrindulari dira, harrobikoak, taldearen balioak eta filosofia bikain irudikatzen dituztenak. Proiektuarekin duten ardura erabatekoa izan da denboraldi osoan, etengabeko hazkundea erakutsiz eta edozein motatako lasterketa eta eszenatokitan jarrera erakutsiz. Garenaren oinarria dira; urtez urte urratsak ematen jarraitzen duten etxeko txirrindulari gazteak”.

Euskaltel-Euskadi taldeak gaur iragarri du herriko bi txirrindularien kontratu luzatzea, albiste berean.

Programaren helburua da negozio ideia bat duten pertsonei beren proiektuaren bideragarritasuna aztertzen laguntzea, negozio plana lantzea eta jarduera ekonomikoa martxan jartzeko beharrezko urratsak prestatzea. Horretarako, parte hartzaile bakoitzak gutxienez 25 orduko laguntza prozesu pertsonalizatua jasoko du, banakako tutoretzak eta aholkularitza espezializatua uztartuz.

Laguntza prozesuak hiru eta bost hilabete arteko iraupena izango du, eta bertan negozio ideia definitu, bideragarritasuna aztertu eta proiektua martxan jartzeko beharrezko tresnak landuko dituzte. Amaieran, tutoretza eta aholkularitzaz gain, diru laguntza bat jaso ahal izango dute partaideek, beti ere baldintzak betetzen badituzte.

Programan parte hartu ahal izango dute Lanbiden enplegu eskatzaile gisa inskribatuta dauden pertsonek, eta enpresa edo jarduera ekonomiko berri bat abian jartzeko asmoa duten pertsonek. Parte hartu nahi dutenen arteko hautaketan lehentasuna izango dute 30 urtetik beherako gazteek, 45 urtetik gorako pertsonek, eta diru sarrerak bermatzeko errenta jasotzen duten pertsonek. Era berean, emakumeen ekintzailetza sustatuko da. Informazio

Interesa duten pertsonek informazio gehiago jaso dezakete UGGASArekin harremanetan jarrita 943 72 58 31 telefono zenbakian, edo 
aamenabar@uggasa.eus helbidera idatzita. 

UGGASAk 30 urte baino gehiagoko esperientzia du ekintziletza sustatzen, eta urte hauetan ehunka proiektu lagundu ditu eskualdean, enpresa berriak sortzen, jarduera ekonomikoa indarzten eta enplegua sustatzen lagunduz.

Larunbat honetan txango geologikoa egingo dute. Jaizkibelera joango dira: bertako tertziario garaiko hareharrien ezinezko formak eta koloreak ikusiko dituzte. Jaizkibel 50 milioi urtetik gorako itsas hareharriz osatutako kostaldeko mendia da. Fosilak eta egitura sedimentarioak ditu. Higadurak eta oxidazioak forma berezi eta ikusgarriak sortu dituzte haitzetan. Parte hartzaileak bertako itsaslabar eta bidezidorretan ibiliko dira, Javier Aguado mineralogistak eta Jose Maria Hernandez Geologia Zientzietan doktoreak gidatuta.

Datorren astean doako bisita gidatuak izango dira mineral eta fosilen Urrelur museoan. Astelehenetik asteazkenera ikastetxeek parte hartuko dute. Urriaren 31n eta azaroaren 1ean  hiruna bisita gidatu izango dira: 11:30ean (hizkuntza, publikoaren arabera), 17:00etan (euskaraz) eta 18:00etan (gazteleraz). Museoa egunero irekiko dute: astelehenetik ostegunera 17:00etatik 20:00etara eta ostiral, larunbat eta igandean 10:00etatik 14:00etara eta 16:00etatik 20:00etara.

Urteroko moduan, udaletxeko portaloian erakusketa bat egingo dute. Aurtengoa Legazpiko Burdinola elkartearekin batera antolatu dute. Burdinolaren zeregin nagusietako bat burdinak gure gizartean izan duen presentziaren berri ematea da eta Mineralogia eta Paleontologia asterako Burdinaren inguruan erakusketa prestatu dute. Burdinolako bost kideren lanak ikusi ahal izango dira: Aitor Martinez Lopez de Arbina ebanista, Juan Mari Burguera eskultore zeramikaria, Ricardo Mediavilla errementaria, Gorka Salmeron argazkilaria eta Mikel Babiano Lopez de Sabando itzultzailea. Azken honek burdina hitza erro bezala duten hitzei buruzko lan didaktikoa egin du.

Gainera, burdinezko eta nikelezko meteorito bat eta San Luisen Ehun Mila semeek borrokan erabilitako kanoi bala bat erakutsiko dira. Kanoi bola Iñaki Irisarrik utzitakoa da eta Salmeronen argazkiak Lenburrek utzitakoak. Erakusketa 17:00etatik 20:00etara irekiko da astelehen, astearte, asteazken eta ostegunean eta 10:00etatik 14:00etara eta 17:00etatik 20:00etara ostiral, larunbat eta igandean.

Dokumentala

Aurten ere ButaK 21 zineklubak bere ekarpena egingo dio Mineralogia eta Paleontologia Asteari: urriaren 28an, 20:00etan, Olairon dokumentala emango dute Labeaga aretoan. Dokumental horretan Bilboko burdin meatzaritzaren memoria berreskuratu dute, Miribilla auzoaren azpian dagoen Malaespera meatzea zeharkatuz. Emanaldiaren ondoren solasaldia egingo dute. Energiaren Euskal Erakundeko Alex Francok, Urrelurreko Javier Aguadok eta ButaK 21eko Javier Martinek parte hartuko dute.

Urriaren 31n, 12:30ean Urretxuko kultur etxean, Jose Antonio Azpiazu Elorza historialari legazpiarrak Euskal burdina aro modernoaren hasieran hitzaldia egingo du.

Horretaz gain, urriaren 30ean eta 31n eta azaroaren 1ean mineral, fosil eta harribitxien azoka egingo dute Ederrena pilotalekuan. 10:00etatik 14:00etara eta 17:00etatik 20:30era irekiko dute. Iparragirre plazan, berriz, haurrek jolasak izango dituzte: meategi batean mineralak bilatuko dute, katiuskak jarri eta errekan urrea bilatuko dute… Parkea urriaren 30ean eta 31n eta azaroaren 1ean irekiko da, 10:00etatik 14:00etara eta 16:00etatik 20:00etara.

Argazki lehiaketa

Bukatzeko, Urretxura hurbiltzen direnek argazki lehiaketa batean parte hartzeko aukera izango dute. Mineralogia eta Paleontologia Astean ateratako argazkiak argazkielkartea@gmail.com helbide elektronikora bidali behar dira azaroaren 4ko 12:00ak baino lehen. Urtero heldu askok parte hartzen dute eta antolatzaileek haurrak ere parte hartzera animatu dituzte.

Ekitaldi hauek guztiak atzo aurkeztu zituzten, Urrelur museoan. Aurkezpenean Jon Luqui alkateak, Javier Aguado ekimenaren sortzaileak, Javier Martin ButaK 21eko kideak, Fernando Martin Burdinolako kideak eta Joki Antoñana Argazkia elkarteko kideak parte hartu zuten. «Mineralogia eta Paleontologia Astea oso aberatsa da, zientzia, hezkuntza eta adin guztietako pertsonen parte hartzea uztartzen baititu», esan zuen alkateak.

Argazkiak: Txarru.

Ane Miren Ormazabal, Eider Gorrotxategi, Javi Alonso, Josu Maroto, Julen Etxezarreta, Oier Fernandez, Koldo Cadierno, Laura Garziandia, Marta Lopez de Gauna, Nerea Murillo, Argi eta Oihana Merino, Ramon Sanchez, Saioa Arin, Unai de Miguel, Ibei eta Txarli Lorenzoren lanak bihar (larunbata) iluntzera arte izango dira ikusgai.

Bihar, 19:30ean, kalejira egingo dute artelanak jasotzeko. Ondoren, 20:30ean, luntxa egingo dute gaztetxean. Amaitzeko, 22:30ean Pettik kontzertua egingo du toki berean.

Bigarren saria Maria Begoña Pascual herritarrak irabazi du eta herriko lan onenari dagokiona Elixabete Mendiak. 42 lan aurkeztu dira lehiaketara eta Zumarragako Zelai Arizti kultur etxean izango dira ikusgai hilaren 18a arte.

Tolosako bertsolarien artean izan da Amaia Iturriotz Etxaniz urretxuarra ere, eta saio ona eginda, bigarren postua eskuratzea lortu du, 651 puntu bilduta. Donapaleuko saioan, berriz, Oihana Iguaran sailkatu da bigarren postuan, 672 puntu batuta. Kanporaketak amaitzea itxaron beharko dute orain, aurrera egingo duten ala ez jakiteko. Oraingoz, sailkapen orokorreko hamalaugarren postuan da urretxuarra, eta hamabigarrenean, berriz, Eneko Araiztegi segurarra -Altsasuko saioan bigarren postua eskuratu zuen-.

Asteburu honetan jokatuko dira azken bi kanporaketak: Gotaine-Irabarnen (Zuberoa) eta Agurainen (Araba). Bigarren saio horretan izango da hurrengo bertsolari goierritarra. Igandean kantatuko du Nerea Elustondo Plazaola legazpiarrak, 17:00etan, Lezao kirolgunean.

Hona hemen saio bakoitzeko puntuazioak eta sailkapen orokorra:

DONAPALEU:

• Saioa Alkaiza: 683 puntu
• Oihana Iguaran: 672 puntu
• Maider Arregi: 659 puntu
• Eneko Lazkoz: 624 puntu
• Iñaki Viñaspre: 613 puntu
• Sarai Robles: 600 puntu

TOLOSA:

• Julio Soto: 683 puntu
• Amaia Iturriotz: 651 puntu
• Eli Pagola: 639 puntu
• Aitor Servier: 638 puntu
• Unai Mendiburu: 633 puntu
• Oihana Bartra: 632 puntu

SAILKAPEN OROKORRA:

• Miren Artetxe 709
• Maddi Ane Txoperena 691
• Saioa Alkaiza 683
• Julio Soto 683
• Ane Labaka 681
• Aner Peritz 679
• Maddalen Arzallus 677,5
• Aitor Bizkarra 676
• Oihana Iguaran 672
• Oier Etxeberria 672,5
• Xabat Galletebeitia 672
• Eneko Araiztegi 659,5
• Maider Arregi 652
• Amaia Iturriotz 651
• Txaber Altube 648,5
• Imanol Uria 647,5
• Eneritz Artetxe 646
• Eli Pagola 639
• Aitor Servier 638
• Iñigo Mantzizidor ‘Mantxi’ 638
• Eñaut Martikorena 637,5
• Unai Anda 636,5
• Unai Mendiburu 633
• Oihana Bartra 632
• Peru Abarrategi 631
• Eneko Lazkoz 624
• Aroa Arrizubieta 616
• Iñaki Viñaspre 613
• Sarai Robles 600
• Eki Mateorena 589

Urola Garaiko Jabetze Eskolak ikasturte berrirako lehen ikastaroen berri eman du, eta izenak ematera animatu ditu inguruko emakumeak. Urte osoko jarduerez gain, zazpi ikastaro izango dituzte aukeran. Urritik abendura bitarteko ikastaroak dira.

Urte osoko taldeek ere laster hasiko dute ikasturtea. Hauek dira:  dira atzerriko emakumeei zuzenduta ematen diren Empalabramiento izeneko saioak, Orain Ni izenekoa, zaintzaileena eta idazketa feministarena. Bi talde berri ere sortu dituzte: Legazpiko emakume etorkin eta arrazializatuen taldea. eta irakurketa feminista taldea.

Zazpi ikastaro
Horiez gain, hemendik Gabonak bitartean, honako eskaintza izango da Jabekuntza Eskolan: Zine klub feminista Monica Leivarekin, Emakumeak mugimenduan Oihane Vicenterekin, Etxeko konponketen ikastaroa Izaskun Gurrutxagarekin, Zoru pelbikoa indartzeko tailerra Saioa Baenarekin, Elkarrekin arropa berreskuratzeko tailerra Oihana Merinorekin, Genero ikuspegia duen begirada sistemikoa Marta Madinarekin eta Aromaterapia eta olio esentziak Estizen Agirresaroberekin.

Doakoak dira guztiak, eta Urretxuko Pagoeta auzoan eta Legazpiko Saturnino Telleriarako udal lokaletan dauden emakumeen etxeetan eskainiko dituzte.

Ikastaro horietan parte hartzeko 16 urtetik gorako emakumea izan behar da, eta aldez aurretik izena eman behar da 943 25 23 89 telefono zenbakian, edo jabekuntzaeskola@gmail.com helbidera idatzita

Bestalde, ostiralean bukatu zen Abruzzoko Giroan, Italian, Xabier Berasategi olaberritarra izan da sailkapen nagusiko txirrindulari laranjarik onena, 18. postuan.

Ezkerretik bigarrena Nico Alustiza, laugarrena Gari Ugarte eta bosgarrena Xabier Isasa.Euskaltel-Euskadi

Legazpiko Saturnino Telleriako errotondatik orduero irtengo da 23:30 eta 05:30 artean, eta itzultzeko, Zumarragako geltokitik 00:00 eta 06:00 artean.

Beasainera eta Ordiziara joateko, 02:55ean eta 5:25ean aterako dira autobusak, Zumarragako geltokitik.  

Kiroldegia 5.000 metroko lursail batean egingo da, egun Urretxu-Zumarraga ikastolako patioa dagoen tokian. Kiroldegiak lau solairuko eraikina eta estalitako kantxa izango ditu. Igerilekuko sarrera aldatzea ahalbidetuko du, eraikin berritik sartuko baita igerilekura. Eraikinak erabilera anitzetarako lau gela, kantxako eta igerilekuko aldagelak, biltegia eta igogailua izango ditu. Parke bat ere egingo da. Eraikinak eta kantxak 1.800 metro koadro izango dute eta parkeak 3.700 metro koadro. Obrak bi urte inguru iraungo du.