Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Urrian, Isasa hiru kontinentetan aritu da: Cholet Agglo Tour, Vendeeko Tourra eta Binche-Chimay-Binche klasikoetan parte hartu du, Europan; Hong Kong Cyclothon proban, Asian, eta Panaman eman zion itxiera denboraldiari, Amerikan. Alustizak, bere aldetik, Aljeriako probak Venetoko klasikoekin lotu zituen.

Isasarentzat (Urretxu, 2001) seigarren denboraldia izango da Euskaltel-Euskadin. Txirrindulari ona batez ere ordekan, aurten bere lehendabiziko garaipena eskuratu du Portugalgo Itzulian. Alustizak (Zumarraga, 2003), berriz, laugarren urtea izango du taldean. Bi txirrindulariak harrobian hazi ziren, Euskadi Fundazioaren 23 urtez azpiko taldean, hain zuzen ere.

Jorge Azanzak, Euskaltel-Euskadi taldeko kirol arduradunak, biekin oso gustura dagoela esan du. “Nicoren eta Isasaren jarraipena albiste bikaina da egiturarentzat. Etxeko bi txirrindulari dira, harrobikoak, taldearen balioak eta filosofia bikain irudikatzen dituztenak. Proiektuarekin duten ardura erabatekoa izan da denboraldi osoan, etengabeko hazkundea erakutsiz eta edozein motatako lasterketa eta eszenatokitan jarrera erakutsiz. Garenaren oinarria dira; urtez urte urratsak ematen jarraitzen duten etxeko txirrindulari gazteak”.

Euskaltel-Euskadi taldeak gaur iragarri du herriko bi txirrindularien kontratu luzatzea, albiste berean.

Programaren helburua da negozio ideia bat duten pertsonei beren proiektuaren bideragarritasuna aztertzen laguntzea, negozio plana lantzea eta jarduera ekonomikoa martxan jartzeko beharrezko urratsak prestatzea. Horretarako, parte hartzaile bakoitzak gutxienez 25 orduko laguntza prozesu pertsonalizatua jasoko du, banakako tutoretzak eta aholkularitza espezializatua uztartuz.

Laguntza prozesuak hiru eta bost hilabete arteko iraupena izango du, eta bertan negozio ideia definitu, bideragarritasuna aztertu eta proiektua martxan jartzeko beharrezko tresnak landuko dituzte. Amaieran, tutoretza eta aholkularitzaz gain, diru laguntza bat jaso ahal izango dute partaideek, beti ere baldintzak betetzen badituzte.

Programan parte hartu ahal izango dute Lanbiden enplegu eskatzaile gisa inskribatuta dauden pertsonek, eta enpresa edo jarduera ekonomiko berri bat abian jartzeko asmoa duten pertsonek. Parte hartu nahi dutenen arteko hautaketan lehentasuna izango dute 30 urtetik beherako gazteek, 45 urtetik gorako pertsonek, eta diru sarrerak bermatzeko errenta jasotzen duten pertsonek. Era berean, emakumeen ekintzailetza sustatuko da. Informazio

Interesa duten pertsonek informazio gehiago jaso dezakete UGGASArekin harremanetan jarrita 943 72 58 31 telefono zenbakian, edo 
aamenabar@uggasa.eus helbidera idatzita. 

UGGASAk 30 urte baino gehiagoko esperientzia du ekintziletza sustatzen, eta urte hauetan ehunka proiektu lagundu ditu eskualdean, enpresa berriak sortzen, jarduera ekonomikoa indarzten eta enplegua sustatzen lagunduz.

Nolatan sortu da Akatx proiektua?
Behar artistiko eta emozionaletik sortzen den proiektua dela esango nuke. 2023an hasi nintzen ideia honi bueltaka, eta asko pentsatu ondoren 2024an martxan jarri nintzen. Bi urteko lana egin dut proiektu honi dagokion tokia emateko. Azken finean, helburua ez da inoiz izan kanta batzuk idatzi eta kaleratzea. Nire ikuspegi artistikoa beste modu batera lantzeko beharra nuen, nire ahotsa eta esateko daukadana beste leku batetik ulertzeko eta adierazteko. Prozesu honetan, musika bera bezain garrantzitsua izan da bidean gertatu dena, bai maila artistikoan, baita pertsonalean ere.

Nola aurkeztuko zenuke?
Akatx proiektu musikalaren izena da eta bere nortasuna fusioa dela esango nuke, zalantzarik gabe. Proiektu honekin aurkezten den lehen estudioko lana Hitzak balak dira albuma da. Popa, elektronika eta flamenko ukituak uztartzen dira soinu eta genero ezberdinetan. 2026an albumaren aurrerapena entzuteko aukera izango dugu. 2027an zuzenekoak helduko dira. Bandaz lagunduta aurkezten da, energiaz eta presentziaz betetako proposamen batekin.

Zer diozu hitzei buruz? Denak zureak al dira?
Sormen prozesua hasi baina lehen, proiektua kokatzeko ariketa egin nuen. Errazena (niretzat behintzat) kantak egitea delako, baina nondik egiten diren eta zertarako egin nahi diren ere landu nahi nuen. Horretarako denbora bat eman dut, introspekzioan eta ikerketa musikalean. Hemendik ateratako ondorioetako bat, beste askoren artean, benetako bizipenetatik idaztea behar nuela izan zen. Hortaz bai, hitz guztiak nireak dira.

«Akatx proiektu musikalaren izena da eta bere nortasuna fusioa dela esango nuke, zalantzarik gabe»

Zenbat abesti ditu diskoak?
Diskoa oraindik ez da kaleratu. Horretarako hilabete batzuk falta dira. Momentuz, aurrerapen batzuk aterako dira. Lehendabizikoa, Izpiak da. Jada, entzungai dago plataforma ezberdinetan. Bideoklipa Youtuben topatu daiteke. 2026an ez da kontzerturik aurreikusten, baina datorren urterako aurkezpen bira programatzen ari gara Airaka Music-ekin.

Norekin lan egin duzu?
Lan talde zoragarria izan dut, egia esan. Urtebetez Toni Santamarta produktorearekin aritu naiz abestietan lanean. Musikari bikainak ere batu dira proiektuaren bandarako: Irati Garmendia (bateria), Ana Gomez (gitarra) eta Irati Iturbe (baxua). Hau guztia Gaztain Estudioan, Eñaut Gaztañagarekin grabatu eta masterizatu dugu. Ikus-entzunezko eta arte taldea ere itzela izan da. Bereziki, Iratxe Etxeandia. Imanol Rubio eta Jone Irizar ere egon dira bertan, haien aletxoa eta artea jartzen. Gainera, beste behin ahizparen kolaborazioa ere izan dut grabaketaren parte txiki batean eta diseinuetan.

Zergatik Akatx izena?
Akatxek ez du esan nahi berezirik. Badakit oso polita geratzen dala proiektuaren izena erromantizatzea eta historia hunkigarri bat kontatzea, baina ez du horrelakorik eta ez dut asmatuko (kar-kar). Proiektuari nirea ez zen izen bat jarri nahi nion eta bi gauza baloratu nituen bereziki: fonetika eta estetika. Laburra da, bisualki bereizgarria, eta ez du esanahi zehatzik. Horri esker, proiektuak berak eman diezaioke esanahia izenari.

Alarma Morea taldeko kidea ere bazara.
2019. urtetik Alarma Morea taldean aritzen naiz. Talde honek oholtza ugari zapaltzeko aukera ekarri dit, eta bertan ere asko ikasi dut. Talde batean aritzeak, gainera, bakarka egingo ez zenituzkeen gauza asko ikasteko aukera ematen dizu. Taldean lan egin behar duzu, elkar ulertu, ideiak partekatu eta zure ideietatik harago begiratzen ikasten duzu.

Ane Miren Ormazabal, Eider Gorrotxategi, Javi Alonso, Josu Maroto, Julen Etxezarreta, Oier Fernandez, Koldo Cadierno, Laura Garziandia, Marta Lopez de Gauna, Nerea Murillo, Argi eta Oihana Merino, Ramon Sanchez, Saioa Arin, Unai de Miguel, Ibei eta Txarli Lorenzoren lanak bihar (larunbata) iluntzera arte izango dira ikusgai.

Bihar, 19:30ean, kalejira egingo dute artelanak jasotzeko. Ondoren, 20:30ean, luntxa egingo dute gaztetxean. Amaitzeko, 22:30ean Pettik kontzertua egingo du toki berean.

Bigarren saria Maria Begoña Pascual herritarrak irabazi du eta herriko lan onenari dagokiona Elixabete Mendiak. 42 lan aurkeztu dira lehiaketara eta Zumarragako Zelai Arizti kultur etxean izango dira ikusgai hilaren 18a arte.

Kontzertua 18:00etan hasiko da. Urteroko moduan, autobusa antolatu dute Igartubeitira joateko. 17:30ean abiatuko da Zumarragako Elizkaletik. Kontzertura joan nahi dutenek Igartubeitira deitu behar dute izena emateko: 943 72 29 78.

Larunbatekoa diziplina desberdinak (musika, poesia eta bertsoak) batuz egindako ikuskizuna da. Phillipsek zarrabetea joko du eta abestu egingo duk,  Ducauk gitarra joko du eta abestu egingo du, Egañak bertsoak abestuko ditu eta Salamerok olerkiak errezitatuko ditu.

Salemerok ikuskizunaren nondik norakoaren berri eman du. «Baserria, beti ezagutu dugu landan bakarturik dagoen etxe gisa, baina bertan nekazaritza, abeltzaintza eta bestelako lan ugari egiteaz gain, bizimodu, filosofia zein pentsaera berezia eratu izan dute baserritarrek haren inguruan». 

Bestalde, baserriak gune euskaldunak izan dira. «Baserria euskararen gordailu eta hainbat euskal ohituren adierazpide zuzen eta zintzo izan dugu».

Hori guztia dela eta, baserriaren inguruko ikuskizun bat egitea erabaki du. «Emanaldi honen bidez, bertso, musika eta poesiaz baliatuz, baserri minez gatoz, baserri gosez, baserriaren berri ematera. Une atsegintsu hori pasarazi nahi diogu ikus-entzuleari, aurten, Igartubeiti museoak 25 urte betetzen dituen honetan. Igartubeiti museoan hainbat ekintza egin dituzte 25 urte hauetan: bisitak, tailerrak, sagar zukua, sagardo txastaketa, gure ondarea ezagutarazi, Antioko musikaldian artista ezberdinen lana erakutsi…», gogoratu du.

Gonbidapena

Salamero, Egaña, Ducau eta Phillipsek Igartubeitiren ekarpena txalotu eta omendu nahi dute eta, horretarako, larunbatean aurkeztuko duten ikuskizuna prestatu dute. «Ekitaldi berezia izango da, eta baserri-minez gauden honetan, bertara gonbidatzen zaituztegu, baserriaren bizimodua emanaldi samur eta hurbil honetatik ere bizi dezazuen», amaitu du Salamerok.

Biharkoa Antioko musikaldiko azken kontzertua izango da. Irailaren 5ean Quatuor Arod hari laukoteak jo zuen, 12an Oñatiko Ganbara Abesbatzaren txanda izan zen, 19an Carles Blanch-ek eta Pedro Estevan-ek jo zuten eta joan zen larunbatean Kambrass Quintet boskoteak.

Zeta-Jonesek Oscar saria irabazi zuen Chicago musikalean egindako lanagatik. Kill Jackie telesailean Jackie Price kokaina trafikatzaile ohia da. 20 urte daramatza anonimatuan, luxu artean bizitzen. Baina bera hiltzeko kontratatutako gaizkile talde batek bere lasaitasunarekin bukatuko du.

Telesailaren zati handi bat Bilbon filmatu dute. Hori dela eta, asteartean Bilbon aurkeztu zuten. Aktoreek eta Juan Mari Aburto Bilboko alkateak parte hartu zuten, besteak beste.

Pascual beti izan da mendizalea. «Beti izan dut gustuko kirola egitea. Batez ere, mendira joatea. Baina korrika egitea ere gustatzen zait. Hori dela eta, mendiko lasterketetan parte hartu izan dut. Dena den, gehien gustatzen zaidana martxak egitea da. Beitia mendi martxaren ia ekitaldi guztietan parte hartu dut».

Ibiltzeak mesede egiten dio. «Neguan gaizki pasatzen dut, hotzarekin eta iluntasunarekin sufritu egiten baitut. Beroa eta argia behar ditut. Hori dela eta, neguan etxetik ateratzeko, erronka hau jarri nion nire buruari. Izan ere, urte bakar batean Antiora 1.000 aldiz igo ahal izateko, ia egunero etorri beharra dago. Egia esan, neguan, etxera itzulitakoan, abiatu aurretik baino askoz ere hobeto sentitzen nintzen».

Bere helburua 2026an Antiora mila aldiz igotzea zen, baina hamar hilabete baino gutxiagotan lortuko du. «Oraindik gogotsu nagoenez, urte amaiera arte jarraituko dut. Ea zenbat aldiz igotzen naizen. Dena den, nire helburua ez da marka bat ezartzea. Gai pertsonala da. Nire helburu bakarra gorputzez eta buruz ondo sentitzea da».

Antiora joaten den bakoitzean lau kilometro egiten ditu, beti errepidetik igotzen eta jaisten baita. «Antiora heltzen naizenean, iturrian ur pixka bat edaten dut eta beherako bidea hasten dut. Egun batzuetan bizpahiru aldiz etorri naiz, beste batzuetan zazpi edo zortzi aldiz… Gogoaren eta denboraren arabera. Gehien igo naizen egunetan, hamar aldiz igo naiz».

Batzuetan goizetan igotzen da, beste batzuetan arratsaldetan, goizetan eta arratsaldetan ere bai… «Ez dut ordutegirik eta ezta egutegirik ere». Antiora 1.000 aldiz joateko denbora asko behar da, baina emaztearen babesa du. «Egitasmoaren berri eman nionean, animatu egin ninduen. Niretzako onuragarria izango zela uste banuen, egiteko esan zidan. Batzuetan nirekin etortzen da», aipatu du.

Ehunka igoera, ehunka istorio. «Urtarrilaren 1ean ekin nion eta euriarekin eta elurrarekin etorri izan naiz. Etxera blai-blai eginda iristen nintzen. Nora noa?, pentsatzen nuen. Baina egin beharra nuen. Igotzeari uzten banion… Udaberrian hobeto sentitzen hasi nintzen eta askotan etorri nintzen».

Jendea, harrituta
Oso ezaguna da Antiora joateko ohitura dutenen artean. «Egunero behin baino gehiagotan ikusten ninduten eta zertan ari nintzen galdetzen zidaten. Lagun asko egin ditut Antiora etortzeko ohitura dutenen artean. Herritar asko ia egunero etortzen dira».

Bera ere ia egunero igo da. Urtea Antiori eskaini dio. «Izazpira, Samiñora, Oletara, Irimora, Elosura… joatea ere gustatzen zait. 25-30 kilometroko ibilaldiak egitea gustatzen zait. Urtero Donostiara eta Arantzazura joaten naiz oinez, Leitzarango bidea ere egiten dut… Baina aurten Antiora etorri naiz batez ere». Ez da aspertu, ordea. «Urteko lehen egunetan berehala etxera itzultzeko gogoa nuen: egunero gauza bera, hotza… Baina ohitu egin nintzen. Urtea amaitu arte jarraituko dut eta datorren urtean ere Antiora etorriko naiz. Hori bai, gutxiagotan igoko naiz eta gorago joango naiz».

Izan ere, Antio oso toki berezia da beretzat. «Gaztea nintzenean, ermitaren zaharberritze lanetan parte hartu nuen». Duela 50 urte baseliza zaharberritzen lagundu zuen eta aurten errepidea higatzen lagundu du. Bost zapatila pare gastatu ditu.

Gorka Hermosak eta Iñaki Pinedok zuzendutako dokumentalak beste bi sari ere irabazi ditu: Arjuntalan (India) lehen saria eta Buenos Airesen (Argentina) bigarren saria.

Dokumentalak, 1859an, Madril-Paris trenbidearen obrak zirela eta, Zumarragara, iritsi zen langile italiar batek jotzen zuen akordeoi txiki baten historia kontatzen du. Akordeoi hark hazi bat landatu zuen Euskal Herriaren bihotzean eta segituan inguruko panderojoleen antzinako soinuarekin bat egin zuen. Italiar langile hura, Juan Bautista Busca, bizi izan zen etxetik metro gutxira, Euxebio tabernan, ezagutzen den lehen trikitixa talde egonkorra sortu zen 1920an: Zumarragako Trikitixa. Lehen trikitixa diskoa grabatuko zuen taldea da. 1924an grabatu zuten disko hura, Columbia Records-entzat. Zumarragako Trikitixak bizirik eta jardunean jarraitzen du.

Horrez gain, dokumentalak geroztik akordeoiak izan duen bilakaera ere aztertzen du. Adibidez, Gorka Hermosak herriko musika eskolan hasi eta areto ospetsuenetara heldu dela. Dokumentalak Euskal Herriko 20 pertsonaia esanguratsuren lekukotasunak ere biltzen ditu.

Urola Garaiko Jabetze Eskolak ikasturte berrirako lehen ikastaroen berri eman du, eta izenak ematera animatu ditu inguruko emakumeak. Urte osoko jarduerez gain, zazpi ikastaro izango dituzte aukeran. Urritik abendura bitarteko ikastaroak dira.

Urte osoko taldeek ere laster hasiko dute ikasturtea. Hauek dira:  dira atzerriko emakumeei zuzenduta ematen diren Empalabramiento izeneko saioak, Orain Ni izenekoa, zaintzaileena eta idazketa feministarena. Bi talde berri ere sortu dituzte: Legazpiko emakume etorkin eta arrazializatuen taldea. eta irakurketa feminista taldea.

Zazpi ikastaro
Horiez gain, hemendik Gabonak bitartean, honako eskaintza izango da Jabekuntza Eskolan: Zine klub feminista Monica Leivarekin, Emakumeak mugimenduan Oihane Vicenterekin, Etxeko konponketen ikastaroa Izaskun Gurrutxagarekin, Zoru pelbikoa indartzeko tailerra Saioa Baenarekin, Elkarrekin arropa berreskuratzeko tailerra Oihana Merinorekin, Genero ikuspegia duen begirada sistemikoa Marta Madinarekin eta Aromaterapia eta olio esentziak Estizen Agirresaroberekin.

Doakoak dira guztiak, eta Urretxuko Pagoeta auzoan eta Legazpiko Saturnino Telleriarako udal lokaletan dauden emakumeen etxeetan eskainiko dituzte.

Ikastaro horietan parte hartzeko 16 urtetik gorako emakumea izan behar da, eta aldez aurretik izena eman behar da 943 25 23 89 telefono zenbakian, edo jabekuntzaeskola@gmail.com helbidera idatzita

Bestalde, ostiralean bukatu zen Abruzzoko Giroan, Italian, Xabier Berasategi olaberritarra izan da sailkapen nagusiko txirrindulari laranjarik onena, 18. postuan.

Ezkerretik bigarrena Nico Alustiza, laugarrena Gari Ugarte eta bosgarrena Xabier Isasa.Euskaltel-Euskadi

Legazpira joateko edo Bergarako norabidean jarraitzeko, 10. irteeratik atera beharko dira ibilgailuak, eta Zumarragara joan. Hor GI-2632 errepidea hartu beharko dute, eta Euskal Herria etorbidetik herria zeharkatu ondoren, Aparizio auzoko biribilgunean Legazpirako bidea hartu, edo aurrera jarraitu eta hurrengo biribilgunean berriz sartu AP-636 autobidean, Bergararako bidean jarraitzeko.

Bidegik ohartarazi du ordutegiak gutxi gorabeherakoak direla, eta zuhurtziaz gidatzeko eta seinaleen zein lanean arituko diren langileen instrukzioak jarraitzeko gomendioa eman du.

Belokiko Gurutzearen Lagunak elkarteak udalaren eta Arkaitzeta elkartearen laguntzaz antolatzen duen festa 10:30ean hasiko da, trikitilariek girotutako erromeriarekin. 11:00etan meza egingo dute, aurten Zumarragan hil direnen alde. Ondoren, Irrintzi taldeko bi dantzarik aurreskua dantzatuko dute, Antxiñako Ama taldeko txistulariek lagunduta. Bertso saioa ere izango da. Gainera, gurutzeari buruzko testu bat irakurriko dute. Bukatzeko, hamaiketakoa egingo dute. Urteroko moduan, ehunka pintxo banatuko dituzte.

Izan ere, urteroko moduan, ehunka lagun elkartuko dira bertan. Beloki zumarragarren mendi kuttuna baita. Herritik gertu dagoelako, bidean paisaia zoragarriaz goza daitekeelako, ia adin guztietakoek igo dezaketelako… Zumarragako haurrek igotzen duten lehen mendia. Lehen mendi irteeren helmuga. Lehen gailurra. Haurren mendi kuttuna, gailurrean kanpaia jo dezaketelako. Helduen mendi kuttuna, haurtzarotik ezagutzen dutelako. 

Belokiko gurutzea ez da beti egun ezagutzen duguna bezalakoa izan, ordea. Lehen gurutzea 1900. urte inguruan egin zuten. Zazpi metro zituen eta egurrezkoa zen. Bi hamarkadetan zehar Zumarraga zaindu zuen bere talaiatik, denborale batek bota zuen arte. Bere ordez egurrezko beste gurutze bat jarri zuten. Horrek gutxiago iraun zuen: bost urte besterik ez, tximista batek txikitu zuen arte.

Zumarragarrek, ipuineko hiru txerritxoek bezala, lezioa ikasi zuten. Haiek harrizko etxea egin zuten otsoarengandik babesteko eta zumarragarrek burdinezko gurutzea denboraleengandik babesteko. Egungo gurutzea Segundo eta Martin Idigoras anaien tailerrean eraiki zen. 750 kiloko pisua, metro erdiko zabalera, zortzi metroko altuera eta lau metro eta erdiko besoa ditu.

Inaugurazioa

Belokiko gurutzea 1926ko maiatzaren 2an inauguratu zen. 16:00etan kleroa eta udal agintariak parrokia elizan elkartu ziren eta Antiora bidean abiatu ziren. Ama Birjinaren aurrean errosarioa errezatu ondoren, Belokira igo ziren. Segundo Garaialde parrokoak gurutzea bedeinkatu zuen eta Adoramuste Christe eta San Inazioren Martxa abestu zituzten. Ondoren, ogia eta ardoa zerbitzatu zitzaizkien bertaratuei. Iluntzean elektrizitateak gurutzea argiztatu zuen.

Gurutzearen argiztapena berreskuratzea da, hain zuzen ere, Belokiko Gurutzearen Lagunak elkartekoen aspaldiko helburuetako bat.

Lehen kontzertua larunbatean izango da. Quatuor Arod hari laukoteak joko du. Laukote honek munduko areto garrantzitsuenetan jo du. Irailaren 12an, berriz, Oñatiko Ganbara Abesbatzaren txanda izango da. Abesbatza hori 1994an osatu zuten. Errepertorio zabala dute. Irailaren 19an Carles Blanch-ek eta Pedro Estevan-ek joko dute. Carlos V.-ren inperioko musika joko dute. Zumarragako kontzertuekin amaitzeko, irailaren 26an Kambrass Quintet Bartzelonako boskoteak joko du.

Azken kontzertua Igartubeitin izango da, urriaren 3an. Andoni Salamero zumarragarrak, Andoni Egañak, Mixel Ducauk eta Caroline Phillips-ek lagunduta, Baserri minez… ikuskizuna egingo du. 

Aurtengo zikloa gaur aurkeztu dute, Antion. Ekitaldian Mikel Serrano alkateak, Goizane Alvarez Kultura diputatuak eta Aitor Biain Oñatiko Ganbara Abesbatzako zuzendariak parte hartu dute.

Serranok Antioko zikloan musikari handiek parte hartu dutela gogoratu du. Ainhoa Arteta, Xabier Lete, Spanish Brass eta Kalakan aipatu ditu. Alvarezek aldundia musika Gipuzkoako txoko guztietara eramaten saiatzen dela aipatu du. «Izan ere, musikak ateak irekitzen laguntzen du», azaldu du.

Biainek Antioko zikloan parte hartzea «plazer handia» dela esan du. «Espazio pribilegiatua da. Musika barrokotik garaikidera doazen lanak abestuko ditugu, ahotsaren indarra erakusteko helburuarekin. Abesbatza batek ziklo honetan parte hartzea garrantzitsua da, abesbatzen mundua ez baitago modan».