Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Buenos Airesen (Argentina) euskal selekzioa Munduko Pilota Txapelketaren XX. edizioa ari da jokatzen. Euskal selekzioak selekzio nazional bezala debutatu du hitzordu mundialista baten kategoria absolutuan. EAJk dio bere apustua “argia” dela: “Nazio bat, selekzio bat“. Gainera, Goierrin kirola “bizitza pertsonalaren eta sozialaren dimentsio garrantzitsua” dela nabarmendu du Goierriko EAJk.

Gaur egun, izateko eta bizitzeko modu hori galtzen ari bada ere urtero ospatzen dute Ardiki Eguna, eta igandean ospatuko dute aurtengoa. «Garai bateko artzainen bizitza nolakoa zen erakusteko», dio Ardiki elkarteko kideak.

Egunean zehar hainbat ekintza egingo dituzte herrian eta «gehienak ardikiari lotutakoak». Goizetik herrian giro alaia nabarituko da txistularien eta trikitilarien dianarekin hasita.

Bitartean, azoka hasiko dela dio Muruak: «Azokara gehienbat artisauak etortzen dira lantzen dituzten produktuak saltzera: bitxiak, gozoak… ». Horretaz gain, garai batean «telarra nola erabiltzen zen» eta «egurrezko aulkiak» nola egiten ziren erakusten duten artisauak ere joaten direla gaineratu du. Artisauez gain ganadu erakusketa ere egoten dela dio antolatzaileak.

Lehiaketek «pisu handia»

Ardiki Egunean azokara «jende asko» etortzen dela dio Muruak, baina «eguneko protagonistak» beste bi produktu omen dira: «Mondejua eta Aralarko gazta». Izan ere, bi jaki horien lehiaketa egoten baita. Aurtengoak 31. Mondejuaren eta 28. Aralarko Gaztaren Lehiaketak izango dira. Lehiaketetan izena emateko epea irekita egongo da ostiralera arte.

Lehiaketetan, urtero, gutxi gorabehera hogei partaide izaten direla «bakoitzean» aurreratu du Muruak: «Mondejuarenean 23 daude aurten eta gaztarenean 20 inguru». Bi lehiaketetako partaideei 25na euro ematen dizkiete «gastuak kubritzeko». Epaileak bederatzi izaten direla lehiaketa bakoitzeko aurreratu du Muruak. Batzuk herriar adituak izaten dira, eta besteak inguruko sukaldari ezagunak. Igandean izango diren batzuk aurreratu ditu antolatzaileak: «Gaztarenean Javi Rivero, Rafa Gorrotxategi eta Eneko Azurmendi. Mondejuarenean Iban Mate».

Ardikia nagusi bazkarian

Lehiaketen sari banaketa amaitu ondoren bazkaria egingo dute herriko plazan. Bazkariko menuak ere den eguna errespetatzen du, «dena ardikia da»: «Mondejua, ardi errea piparrarekin eta Aralarko gazta, kafea eta pattarrarekin». Muruak dio «200 bazkari txartel» jartzen dituztela salgai, eta «ia denak saltzen dira normalean». Bazkalosteko erromeriarekin amaituko da 2026ko Ardiki Eguna.

Sindikatuak adierazi duenez, biztanleria gutxiko eremuetan, Arabako Lautadan kasu, Eusko Jaurlaritza “lineak bateratzen” hasi da. “Erabaki horrek ibilbideak desagerrarazten ez dituen arren, bidaiak askoz luzeagoak eta nekagarriagoak egiten ditu, honek ikasleengan duen eraginarekin negatiboarekin; ikasleen ongizatean eta ikaskuntza prozesuan, besteak beste”.

Kezka hori ez dela berria azaldu du, azken ikasturteetan “hainbat izan baitira desagertutako ibilbide edota geralekuak, eta horrek guztiak lanpostuen galera ekarri du”. Erabaki horiek ikasle, familia eta hezkuntza zerbitzuaren kalitatean “eragin zuzena” dutela dio. “Haur hezkuntzatik hasi eta batxilergora arteko ikasle eta familiak jotzen ditu bete-betean honek, eta are gehiago kaltetzen ditu premia bereziak dituzten ikasleak”. LAB sindikatuaren iritziz, Imanol Pradales lehendakaria buru duen gobernuaren “zerbitzu publikoen kudeaketa murriztailearen beste adibide bat” da. “Eskola-garraioa ez da bigarren mailako zerbitzua: hezkuntzarako sarbidea eta ikasleen eskubideak bermatzeko funtsezko tresna da, bereziki landa-eremuetan eta biztanleria sakabanatua duten udalerrietan”.

164/2023 Dekretua
“Egiturazko arazo honek” hainbat iturri dituela nabarmendu du. “Alde batetik 164/2023 Dekretuaren aplikazio zurruna dago. Dekretuak dio eskola garraio espezifikorako eskubidea izateko ikasleak ikastetxeetatik gutxienez 4 kilometrora bizi behar duela, kontuan izan gabe tokian tokiko ezaugarri edo bestelako aldagaiak. Beste kasu batzuetan, garraio publiko alternatiboa egotea jotzen du Eusko Jaurlaritzak eskola-garraio espezifikoa ez eskaintzeko argudio gisa, ibilbideen segurtasuna edota garraio publikoaren saturazioa kontuan izan gabe. Horri guztiari, zerbitzuaren lizitazioetan egon diren arazoak gehitu behar zaizkio. Izan ere, hainbat ibilbide esleitu gabe geratu dira”.

Zentzu honetan, LABentzat onartezina da Hezkuntza Sailak “hain garrantzitsua den zerbitzu publiko bat beren onura besterik bilatzen ez duten enpresa pribatuen eskuetan uztea”. Eskola-garraioa “oso sektore feminizatua” dela gogoratu du, eta emakumeek “kontratu eta lanaldi partzialekin eta lan baldintza prekarioetan” jarduten dutela. “Une honetan, euren lan baldintzak duintzeko borrokara loturik daude. Eskola garraioa defendatzea, lan baldintzak duintzeko borroka baino gehiago da, zerbitzu publikoak defendatzea da”.

Hezkuntza sailari eskaera
Horren guztiaren aurrean, LAB sindikatuak Begoña Pedrosak gidatzen duen Hezkuntza Sailari “lehenbailehen arazoari konponbidea eman diezaion” eskatu dio, “betiere alde soziala zein hezkuntza komunitatea aintzat hartuta”. Gainera, sindikatuak adierazi du “azken urteetan arazo honi lotuta egin den enpleguaren suntsiketaren aurrean gogor erantzungo” duela. Halaber, babes osoa adierazi nahi die kaltetutako hezkuntza komunitateei, eta elkarrekin lan egiteko prestasuna ere adierazi die familiei eta udalei.

Bertsotarako plaza berezia da Zaldibiako Zubiburu elkartea, eta gaur ere nabarian geratu da. Bertsolariek eta bertsozaleek elkarrekin gozatu ederra hartu dute.

Lau bertsolari aritu dira Saroi Jauregi gai jartzailearen aginduetara: iazko irabazlea, Maider Arregi Markuleta, Xabat Illarregi Marzol, Oihana Bartran Arenas eta Igor Elortza Aranoa.

Epaimahaia berriz, elkartea bete duten bertsozaleak izan dira. Bertso saioaren amaieran papertxoan bertsolaririk gogokoena idatzi eta kutxatxoan sartu dute botoa.

Kontaketaren arabera, boto gehien lortu dituen bertsolaria, eta zapidun berria, Illarregi leitzarra izan da. Iazko irabazleak, Maider Arregik jantzi dio Lazkaoko Belen Madiavillak jositako zapia, aulki horian eserita.

Mondeju lehiaketan parte hartu nahi dutenek urriaren 23rako eman behar dute izena 650 354 379 zenbakira deituz edo ardikielkartea@gmail.com posta elektroniko helbidera idatziz. Partaideek bost kana mondeju aurkeztu beharra dauzkate lehiaketa egunean, haien salda eta guzti. Mondejugileek 25na euro jasoko dituzte parte hartzeagatik.

“Oianguren BHIko irakasle talde baten adierazpena Zaldibiako ikasleen eskola-garraioaren inguruan.

Oianguren BHIko irakasleok gure desadostasuna eta kezka adierazi nahi dugu Zaldibiako DBH 3. eta 4. mailako ikasleei eragiten dien eskola-garraioaren murrizketaren aurrean.

Eskola-garraioa ez da ikasle eta familien erosotasunerako zerbitzu hutsa. Eskola publikora iristeko aukera eta hezkuntza-eskubidea bermatzeko oinarrizko baliabidea da, bereziki landa-eremuetako eta herri txikietako ikasleen kasuan.

Egungo egoeraren ondorioz, ikasleek eskolara lasai eta puntualtasunez iristeko zailtasunak dituzte. Irtenbideak egiturazkoa izan behar lukeela uste dugu, egiturazko erabakiak hartuz.

Horrela, Oianguren BHIko irakasleok Zaldibiako ikasle eta familiei gure elkartasuna eta babesa adierazi nahi diegu. Gainera, Hezkuntza Sailari eskatzen diogu egoera berriro aztertu eta beharrezko neurriak har ditzala eskola-garraio zerbitzua lehengoratzeko eta ikasle guztien joan-etorria modu egokian bermatzeko.

Era berean, azpimarratu nahi dugu gure ikasleen ongizatea eta hezkutza-eskubideak erdigunean egon behar direla. Eskola publikoa indartzeko, ez murrizteko, neurriak behar ditugu.

Oianguren BHIko irakasleok gure elkartasuna helarazi nahi diegu Zaldibiako ikasleei eta familiei, eta egoera honen aurrean egiten ari diren aldarrikapenarekin bat egiten dugu.

Zaldibiako ikasleak gure ikasleak ere badira. Haien eskubideak defendatzea guztion ardura da.

Ordizian, 2026ko urrian.”

Eguerdian, kintoka elkartuta, bazkaria egin dute herriko plazan. Arratsaldean, kuadrillen arteko jolasak izango dira 18:00etan. Iluntzean kontzertuen txanda izango da; 21:30ean Kilimak taldea arituko da eta gauerditik aurrera Zatekeen erromeriaren eta DJ Sawanabaren txanda izango da. Gaur amaituko dituzte jaiak.

zaldibia_kuadrillen_eguna31

zaldibia_kuadrillen_eguna30

zaldibia_kuadrillen_eguna29

zaldibia_kuadrillen_eguna28

zaldibia_kuadrillen_eguna26

zaldibia_kuadrillen_eguna27

zaldibia_kuadrillen_eguna25

zaldibia_kuadrillen_eguna18

zaldibia_kuadrillen_eguna19

zaldibia_kuadrillen_eguna20

zaldibia_kuadrillen_eguna21

zaldibia_kuadrillen_eguna22

zaldibia_kuadrillen_eguna23

zaldibia_kuadrillen_eguna24

zaldibia_kuadrillen_eguna17

zaldibia_kuadrillen_eguna16

zaldibia_kuadrillen_eguna15

zaldibia_kuadrillen_eguna14

zaldibia_kuadrillen_eguna13

zaldibia_kuadrillen_eguna12

zaldibia_kuadrillen_eguna11

zaldibia_kuadrillen_eguna4

zaldibia_kuadrillen_eguna5

zaldibia_kuadrillen_eguna6

zaldibia_kuadrillen_eguna7

zaldibia_kuadrillen_eguna8

zaldibia_kuadrillen_eguna9

zaldibia_kuadrillen_eguna10

zaldibia_kuadrillen_eguna3

zaldibia_kuadrillen_eguna2

zaldibia_kuadrillen_eguna1

Ostiralari dagokionez kirol eta kultur eskaintza egongo da, pilota txapelketako partidekin eta Iztueta Zaldibiako dantza taldearen emanaldiarekin. Ondoren, patata tortilla lehiaketa egongo da Xirika Kulur Elkarteak antolatuta.

Larunbatean kuadrilla eguna izango da, eta goizetik hasiko da jaia Zaldibiako kaleetan. Aurten berrikuntza bat egongo dela adierazi du Eztitxu Mujika Kultura zinegotziak: «Orain arte Iparra-Hegoako taldeak prestatzen zuen bazkaria, baina aurten, aldiz, Biziolak prestatuko du». 400 lagun inguru bilduko direla azaldu du. Lana errazteko kuadrilla bakoitzak «pertsona bat aurrez aukeratu du bazkaria zerbitzatzeko bere mahaiean», ere gehitu du.

Bi erasotzaile jaietan

Festak jarraitzen badute ere, aurreko asteburuan bi gizonezkok hainbat neskari eraso egin zietela salatu dute Goierriko Gazte Feministak eta Goierriko Itaia taldeek. Itaiak eta Gazte Feministak talde feministek ohar bana kaleratu dute erasoak salatzeko.

Itaiak dioenez, gertakaria «gogor» salatzeaz gain, babes osoa adierazi diete erasoa jasan zuten emakumeei. «Garbi dago festa giroan era honetako jarrerak erabat normalizatzen direla, eta horren aurrean lehentasunezkoa da horiei erantzutea eta egoera desnormalizatzea».

Goierri Gazte Feministak taldeak ere, erasoak «irmoki» salatzeaz gain, elkartasuna eta babesa helarazi nahi diete eraso horien biktima izan direnei. «Erasoak gaitzetsi, seinalatu eta horiei aurre egitea behar-beharrezkoa dugu inpunitatearekin amaitzeko». Beste behin, festak ez dira espazio seguru bat izan goiburua daraman oharrak dioenez, «kalea leku segurua» izan behar da guztiontzat, uneoro.

164/2023 dekretuak 4km baino gertuago bizi diren ikasleei, eskola garraio eskubidea ukatzen die, baina, salbuespenak aplikatu izan dira azken urte hauetan. Izan ere, ikastetxetik ikaslearen bizilekura oinezko bide segururik ez dagoen kasuan, salbuetsita geratzen da 4kmko baldintzatik dio Guraso Batzarrak: “Zaldibia eta Oianguren ikastetxearen artean, kontua ez da oinezko bidea ez dela segurua, baizik eta ez dela oinezko biderik existitzen; nola eta ez den mendiz egiten”.

Azalpenak emateko eskaera

Horretaz gain, 164/2023 dekretuak jasotzen dituen hainbat bete behar, familiei egin beharreko jakinarazpenak, hilabeteko epea ematea errekurtsotarako eta abar… Hezkuntza Sailak ez dituela bete eta ezta Oianguren ikastetxeak berak ere diote gurasoek:” Ikastetxeari dagokio oinezko biderik ez dagoela azaltzen duen informea egitea”. Baina, horrelakorik ez dela egin azaltzen dute: “2015eko dekretuak eta ondoren 2021ak ere, salbuetsitako herri eta auzo mordo bat jasotzen zituen, eta orain ez dakigu zer gertatu den horiekin”. Hezkuntza Sailari murrizketa hauek zer dela eta egin dituen azaltzeko eskatzen diote. “Murrizketak derrigorrezko hezkuntzako ikasleekin egin dituztelako”.

Itaiak dioenez, bi gizonek hainbat neskari “ukituak” egin zizkieten, eta gertakaria “gogor” salatzeaz gain, babes osoa adierazi diete erasoa jasan zuten emakumeei. “Garbi dago festa giroan era honetako jarrerak erabat normalizatzen direla, eta horren aurrean lehentasunezkoa da horiei erantzutea eta egoera desnormalizatzea”.

Horretarako, “matxismoaren aurkako kontzientziazio lanean eta borrokan jarraitu beharra” aldarrikatu du Itaiak, eta erasoen aurrean “erantzun aktiboa” edukitzea gizartearen ardura dela nabarmendu du.

Espazio seguruak eraikitzeko deia
Goierri Gazte Feministak taldeak ere, erasoak “irmoki” salatzeaz gain, elkartasuna eta babesa helarazi nahi diete eraso horien biktima izan direnei. Beste behin, festak ez dira espazio seguru bat izan goiburua daramak oharra dioenez, festa giroan zein egunerokoan “kalea leku segurua” izan behar da guztiontzat. “Halako jarrerak gaitzetsi, seinalatu eta horiei aurre egitea behar-beharrezkoa dugu erasotzaileen inpunitatearekin amaitzeko”.

Haien esanetan, feminismoak eraikiko ditu espazio seguruak eta egunez egun lanean jarraituko dute hori lotzeko bidean, “zapalkuntzarik gabeko espazioak eta herriak eraikitzera bidean”. Erasoei “autodefentsa feministaz aurre egiteko” deia egin dute Goierriko Gazte Feministek.

Dagoeneko badaude bazkarirako txartelak salgai 30 euroren truke Joxepane, Illati eta Arrese tabernetan. Bestela, 605 744 479 telefono zenbakira deituta ere bazkarirako txartelak lortu daitezke. Bazkariko menua barazki menestra, txahal masailak saltsan eta sagar hostorea izozkiarekin izango da.

Olaberriako sagardo txapelketa, berriz, larunbatean egingo dute Arkupe elkartean. Zortzi partaide izango dira: Garikoitz Arrietaren Aranguren sagardoa, Jokin Arratibelen Haize-Leku, Andoni Garmendiaren Etxola, Felix Urteagaren Txara-Berri, Juanjo Amoztegiren Makaztegi, Arantzegiren Barrene, Jose Bernardo Aldasororen Handikosoro eta Egoitz Salinasen Aranguren-Txiki. Ondoren, afaria egingo dute Arkupen, bertan, 20 euro ordaindu behar dira.

Mozorro Eguneko Arroz Bazkarirako izenemate epea asteazkenean itxiko da. Zaldibiako Udalaren webgunean dagoen galdetegia bete behar da izenemateko. Bazkariko antolaketa zereginak kuadrillen artean “banatuko” direla ere zehaztu du festa batzordeak. “Izenematerako orduan taldeko arduradun baten izena eta kontaktua emateko eskatzen dugu”.

Arroz Bazkarian antolakuntzak eskuragarri jarriko dituen gauzak mahaiak, aulkiak, su-egiturak edo bonbonak, sagardoa txotxetik, edalontziak eta garbiketako tresnak zein hondakinak sailkatzeko bitartekoak izango dira. Bestalde, norberak eraman beharrekoak platerak eta kubiertoak, elikagaiak, postrea eta ondorengoak eta sukaldatzeko tresnak izan beharko direla aurreratu dute. 

Kuadrilla eguneko bazkaria

Kuadrilla Eguna urriaren 10ean ospatuko da, eta herri bazkarirako txartelak salgai jarriko dira, irailaren 14tik  27ra, herriko tabernetan. Biziola elkarteak eskainiko duela bazkaria aurreratu du udalak.Kuadrilla bakoitzak arduradun bat edo bi (talde bakoitzeko lagun kopuruaren arabera) izendatu beharko ditu. Egunean bertan, ontziak sukaldetik mahaira eraman eta bertan zerbitzatzeko.

Landunei 20€ kostatuko zaie txartela eta langabeei eta ikasleei 15€. Bazkariko menuan sartuko dira: Entsalada, barazki eta oilasko paella, limoi krema, ogia, edaria, kafea eta pastak.

Berrikuntza gisa, urriaren 2an, haur eta gaztetxoen bazkaria egingo da, LH1etik DBH2ra artekoentzat. Izen-ematea Guraso Elkarteak guraso taldeen bidez kudeatuko du eta DBHkoena Gaztelekutik. Izen-emateko azken eguna irailaren 21a izango da.

Hiruna saio egingo dituzte egun bakoitzeko: 17:00-18:00 LH1, LH2 eta LH3 mailakoentzat; 18:00etatik 19:00etara LH4, LH5 eta LH6 mailakoentzat; eta 19:00-20:00etara DBH-koentzat eta helduentzat. Aitor Vacas izango da irakaslea. Antolataileek diote: «Mugimendua, lagunak eta dibertsioa zain dituzu».