Dokumentalaren estreinaldiaren ondoren, Lazkaoko frontoira inguratu dira denak, hamaiketako egin ostean, omenaldi ekitaldia egiteko. Erramun Amundarain, hasierako boluntario izan zena eta lehengo urtean zendu zena, gogoratu dute bere argazki bat ipiniz oholtza gainean. Egunean zehar Kuxkuxtu txaranga urruñarra ere badabil giroa alaitzen. Behin omenaldia amaituta bazkaria egon da frontoiean bertan.

Omenaldiko argazkiak eta bideoa.

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Errigorako boluntarioei omenaldia

Udalerri ezberdinak liga birtual batean lehiatuko dira. Urriaren 26tik abenduaren 15era, herritarrek erregistratutako kilometro aktibo bakoitzak puntuak batuko ditu parte hartuko duten herri bakoitzarentzat. Hala, hiru herrietako udalek herritarrak animatu dituzte erronkan parte hartzera.

Nork parte har dezake?

14 urtetik gorako pertsona guztiek har dezakete parte eta ez da beharrezkoa udalerri hauetan erroldatuta egotea.

Erronkan modalitate ezberdinetan hartu daiteke parte: oinez, korrika, bizikletaz edo igerian. Sistemak jarduera motaren araberako ponderazio koefiziente bat aplikatuko du; oinez edo igerian egindako kilometro batek, adibidez, bizikletaz egindakoak baino gehiago balioko du, ahalegin handiagoa eskatzen duelako.

Gainera, sailkapenak biztanleriaren araberako koefiziente bat aplikatzen du udalerri bakoitzaren tamainaren arabera; horrela, herri txikiek handien pare lehiatzen dute. Gipuzkoako edozein herrik irabaz dezake liga hau.

Erronkan parte hartzeko urratsak

Parte hartzea doakoa da eta oso erraza, Wellk app-aren bidez.

1. Deskargatu: bilatu “Wellk” zure aplikazio-dendan (iOS edo Android).

2. Eman izena: sortu zure profila.

3. Batu udalerrira: hasierako orrian, “Gipuzkoa Mugituz 2026” txartelean, sakatu “Batu” eta aukeratu Idiazabalgo taldea.

4. Mugitu zaitez!: erregistratu zure jarduerak zuzenean app-aren GPSarekin, edo sinkronizatu zure ohiko gailu eta aplikazioekin (Strava, Garmin, Polar, Fitbit, Apple Health edo Health Connect). Kilometroak edonondik batu ditzakezu, udalerriaren barruan zein kanpoan.

Sariak jokoan

Sariak egongo dira parte hartzaileentzat. Xehetasunak hemen argitaratutako oinarrietan zehaztuko dira.

Laguntza teknikoa: aplikazioari buruzko edozein zalantzarako, idatzi wellk@wellk.eus helbidera edo sartu wellk.eus webgunean.

Seguran hitzordua aurreratu dute eta ostiral honetan egingo dute dantza herrikoia, plazan 19:00etatik aurrera eta herritarrak ekimenean parte hartzera deitu dituzte. «Dantza egin dezagun eta ospa dezagun bizitza elkarrekin. Marraztu dezagun, berriz ere, zazpi lurraldez osatutako herri bat. Komunitatea egin dezagun», esan dute Gure Eskutik ekimenaren aurkezpenean.

Dantzarien eta dantzazaleen egun handia da gaur Seguran, 50. Euskal Herriko dantza txapelketaren harira. Baratze pilotalekuan, 12:00etan, ekin diote bederatzi dantza bikoteek, arin-arin eta fandango lehiari. Azpeitiko Jone Arriaran Lizarralde eta German Aranburu Sarasua bikotearekin hasi eta bukatu da gainera. Lehiaketa irabazi duen bikotea izan baita txapelduna.

Bigarren bikotea Onditz Esnaola Etxeberria (Lizartza) eta Gorka Granado Terrones (Sopela) sailkatu da, eta hirugarrena, Lezoko Ane Jaunarena Cereijo-Endika Osa Urkizu.

Dantza jantzien saria Azpeitiko Nora Aizpuru Saenz de Samiegok eta Iker Zabala Etxeberriak irabazi dute eta Guillermo Areizaga saria (lehenengo aldiz parte hartu eta ongien sailkatu direnentzako saria), Onditz Esnaola Etxeberria (Lizartza) eta Gorka Granado Terrones (Sopela) bikotearentzat izan da.

Goierritar bakarra

Parte hartu duen goierritar bakarra Legazpiko Irati Olaizola Goñi izan da, Azpeitiko Malen Arrizabalaga Etxezarretarekin bikotea osatuta. Txapelketako momentu berezi bat ere bizi izan da gainera. Iratiren amak Segurako dantza txapelketan parte hartu zuenean jantzi zuen alkandorarekin dantza egin duelako. Jendartean zen amonak jositako alkandorarekin, alegia.

Aukeran dantza taldea

Bederatzi bikoteen dantza saioen ondoren, Aukeran dantza taldearen ikuskizun berezia izan da, urteurren bikoitza ospatzeko. Batetik, Segurako dantza txapelketaren 50. urteurrena eta Aukeran dantza konpainiaren 30. urteurrena. Bi urteurren horien atzean, Edu Muruamendiaraz dagoela nabarmendu dute Izaro Iraeta eta Imanol Iraeta aurkezleek.

Bergararra 16 urte zituenean hasi zen Segurako dantza txapelketan parte hartzen, eta hiru urtez jarraian lortu zuen txapeldun izatea. Gainera, jantziei ere beste begirada bat eman zien. Izan ere, jantzien saria izan zen lehenengo aldian, irabazle izan baitziren.

Fandangoa eta arin-arina eskaini dituzte Aukeraneko dantzariek, beste begirada batetik. Eta amaieran, Edu Muruamendiaraz bera igo da oholtzara, azken dantza egiteko.

Soka

Eta emozioarekin jarraitu du ekitaldiak. Soka osatu baitute, urte hauetan guztietan Segurako dantza txapelketa aurrera eramateko lan egin dutenekin. Izarra Urdalleta Segurako alkateak, oroigarri bana eman die guztiei.

Herrigunean festa

Sari banaketarekin amaitu da Baratze pilotalekuan dantzaren festak. Baina, herrigunean, jarraituko du festak. Taldeko argazkia atera ondoren, herri bazkarian elkartu dira dantzazaleak. Arratsaldean, 17:30etik aurrera, dantza saioak eta dantzaldia izango dira.

Euskal Telebistan

Gaur gauean, 21:00etan, Euskal Telebistako lehen katean saioa osorik ikusteko aukera izango da.

IMG_20261017_141657

IMG_20261017_141640

IMG_20261017_141451

IMG_20261017_141441

IMG_20261017_141258

IMG_20261017_134636

IMG_20261017_134506

IMG_20261017_133828

IMG_20261017_133734

IMG_20261017_131432

IMG_20261017_130750

WhatsApp Image 2026-10-17 at 15.20.25

Urte bete baino gehiago daramate txapelketaren 50. edizio hau prestatzen, Iosune Arrondo Segurako Udaleko kultura teknikariak zehaztu duenez. Egun berezia izatea nahi dute, eta batez ere, dantzariak erdigunean jarri nahi izan dituzte: «Beraiek dira protagonistak txapelketa honetan». Dantzari guztiak izango dituzte gogoan, «guztiak dira txapeldunak. Txapelketan parte hartzea bere horretan da sari bat, aurretik izugarrizko lana egin duen jendea delako, maila izugarria duten bikoteak dira».   

Egun handia larunbatekoa izan den arren, 50. edizioko ospakizunak hasita daude aurretik. Dokumentazio eta argazki artxiboak osatzeko lanak egin dituzte Gipuzkoako Euskal Dantzarien Biltzarrarekin batera, txapelketaren 50 urteak jasota geratu daitezen. «25. urteurrenerako liburuxka bat argitaratu zen, 1977tik 2001era arteko datuak bilduta. Orain datu horiek eguneratu eta ordenatzeko saiakera egin dugu», azaldu du Arrondok.  

Egun borobila

Larunbatekoa egun berezia izango da, Euskal Herriko Dantza Txapelketak 50. edizioa beteko duelako, eta horrek aldaketa batzuk eragin ditu ohiko egitarauan. Aldaketa nagusietako bat txapelketaren ordu aldaketa izango da, arratsaldetik goizera pasatuko baita. «50. edizio hau ospakizun bat izatea nahi dugu, eta guztiok dantzarekin gozatzeko aukera izatea. Horregatik, 12:00etan izango da txapelketa eta amaitutakoan, frontoi zaharrean bazkaria egingo dugu». 160 bat lagunek hartuko dute parte bazkarian, Euskal Herriko Dantza Txapelketak bere lehendabiziko urratsak eman zituen leku berean. «Urteetan lanean gabiltzan lagunak elkartuko gara, epaileak, dantzariak, herritarrak, antolakuntzako kideak…». Frontoi zaharreko karpan pantaila erraldoi bat ere jarriko dute, dantza txapelketa zuzenean jarraitu ahal izateko. 

Arratsaldean jarraituko du ospakizunak, dantza erdigunean jarrita, 9. Dantza Egunaren harira. Ohi bezala, Segurako Azpilla dantza taldearen polka erraldoiarekin hasiko dute festa eta Jaiki Hadi taldeak girotuta dantza-plazak izango dira jarraian. 

Dantzari onenak oholtzan

Guztira 9 bikotek hartuko dute parte txapelketan, une honetan euskal dantzen munduan dabiltzan bikote onenak. «Maila gero eta handiagoa da, teknika aldetik, bikoteak transmititzen dutenaren aldetik… gauza asko hartzen dira kontutan txapelketan», dio. 

50 edizio hauetan lanean aritu den kolektibo anitzari ere aitortza egingo diote txapelketan. «Dantza irakasleak, epaileak, musikariak, dantzariak, Dantzarien Biltzarreko ordezkariak, telebistako teknikariak eta Segurako Udaleko langileak» izango dituzte gogoan, txapelketaren atsedenaldian egingo zaien aitortzan. 

Txapelketaren atsedenaldia Aukeran dantza taldeak girotuko du aurten, edizio honetarako sortutako 30-50 ikuskizunarekin. «30 urte dira Aukeran sortu zela eta bi urteurrenei egiten die erreferentzia izenburuak».

Azaroaren 5era bitartean jasoko ditu Segurako Udalak egutegirako balizko argazkiak. Aukeratutako 12 argazkien zerrenda —hilabete bakoitzeko bat— azaroaren 17an emango dute jakitera udalaren web gunean eta sari banaketa abenduaren 11n egingo dute Botikaxaharren, 20. Euskal liburu, disko eta jostailuen azokaren baitan. Seguran erroldatuta dagoen edonork eta Segurako edozein elkarte edo taldek parte hartu ahal izango du lehiaketan.

Bete beharrekoak

Aurkeztutako argazkiak Seguran ateratakoak izan beharko dute; originalak eta inon argitaratu gabeak, eta gutxienez, 300 pixeleko erresoluzioarekin. Egile bakoitzak gehienez, hiru argazki aurkeztu ahal izango ditu. Argazkiak udaletxean utzi daitezke azaroaren 5era arte edo emailez bidali kultura@segura.eus helbidera. Argazkien izenburuak, egilearen izen-abizenak, eta harremanetarako telefonoa eta helbidea zehaztu behar dira.

Irabazlearentzat 250 euroko saria egongo da aurten ere, eta bigarrenarentzat 100 eurokoa; baita, Goiberri eta Goierriko Hitzaren urte osoko harpidetza ere.

Guztira bederatzi bikotek hartuko dute parte, aurten 50. urteurrena ospatuko duen txapelketan. Astelehenean egin zuten zozketa Gipuzkoako Euskal Dantzarien Biltzarrean eta ondorioz, ondorengo ordena jarraituz dantzatuko dute parte hartzaileek.

• 1. Jone Arriaran Lizarralde – German Aranburu Sarasua (Azpeitia, Gipuzkoa)
• 2. Ane Jaunarena Cereijo – Endika Osa Urkizu (Lezo, Gipuzkoa)
• 3. Ihintza Erauskin Lizarazu – Mikel Esnaola Lopez (Lezo, Gipuzkoa)
• 4. Irati Larrañaga Zendoia (Andoain, Gipuzkoa) – Danel Castillo Arbona (Pasai Donibane, Gipuzkoa)
• 5. Onditz Esnaola Etxeberria (Lizartza, Gipuzkoa) – Gorka Granado Terrones (Sopela, Bizkaia)
• 6. Amane Uranga Lopez (Tolosa, Gipuzkoa) – Iortitz Iriarte Azpiroz (Lesaka, Nafarroa)
• 7. Iker Zabala Etxeberria – Nora Aizpuru Saenz de Samaniego (Azpeitia, Gipuzkoa)
• 8. Izaro Arandia Arregi – Hegoa Aizpuru Aranguren (Azpeitia, Gipuzkoa)
• 9. Irati Olaizola Goñi (Legazpi) – Malen Arrizabalaga Etxezarreta (Azpeitia, Gipuzkoa)

Hamargarren bikotea osatzen zuten Ione Aranberri (Itziar, Deba, Gipuzkoa) Iriartek eta Beñat Mendizabal Guridik (Azpeitia, Gipuzkoa) azken orduko baja bat dela eta ez dute parte hartuko.

Iazko txapelketako irabazlek Gorka Granadok berriz parte hartuko du txapelketan, baina oraingo honetan bikotez aldatuta. Iaz Lezoko Maren Galvezekin bikotea osatuta eskuratu zuen garaipena. Iaz hirugarren postuan sailkatu ziren Jone Arriaran eta German Aranburu azpeitiarrek errepikatu egingo dute aurten. Dantzatuko duen lehendabiziko bikotea izango da, gainera.

Iaz txapelketan lehenengo aldiz parte hartu zuten Ihintza Erauskin eta Mikel Esnaola ere Seguran izango dira berriz. Goierritarren artean, parte hartzaile bakarra izango da Irati Olaizola legazpiarra. Ez du lehendabiziko aldia Seguran eta aurten, Zarauzko 38. Gipuzkoar Erako Aurresku Txapelketa bigarren urtez jarraian irabazita doa lehiaketara.

Zegamako kasuan, herrigunean egingo da esku hartzea, Oria ibaiak Elizalde eta Askatasunaren Etorbidea kaleak zeharkatzen dituen gunean. Ibaiaren eskuinaldeko ertzean eraikiko litzateke arrapala berria, amaitu gabe dagoen arrapala zahar baten ondoan. Gaur egun dagoen presa txikiak eragindako 1,5 metroko desnibela konponduko du azpiegitura berriak. 

Izan ere, mota honetako presa txikiek, «hainbat espezie urtarren lekualdatzea oztopatu dezakete, euren habitatak suntsitu ditzakete eta kasu batzuetan, ur ekosistemen gaitasun naturala murrizten» dute.  Zegaman aurreikusitako lanek, «ibaiak korridore ekologiko gisa berreskuratzen lagunduko du, faunaren zirkulazioa erraztuz, ekosistemen erresilientzia handituz eta biodibertsitatea kontserbatzen lagunduz».  

Sei asteko epea

Zegamaren kasuan, lizitazioaren aurrekontua 94.531,19 eurokoa da (BEZa barne) eta obrak gauzatzeko epea 6 astekoa izango da, esleitzen den unetik hasita. Proiektuak 32 metroko luzera eta %5,8 inguruko malda izango duen arrainentzako arrapala bat aurreikusten du. Deflaktore bat ere eraiki beharko da, arrapalaren funtzionamendu hidraulikoa bermatzeko eta sedimentuek eta legarrek arrainen sarrera oztopa ez dezaten. 

Seguraren kasuan, herrigunetik 1,4 kilometrora kokatuta dagoen Armaolako arrainentzako arrapala berritzea izango da egitekoa. Armaolako arrapala 2011n eraiki zuten eta frogatuta dago «martxan egon den denbora tartean, amuarrainen komunitatearen igarobidea erraztu» duela. 70 metroko luzerako azpiegitura izan da eta 4,15 metroko desnibela konpondu izan du Oria ibaiaren zati honetan. Gaur egun, denboraren eraginez, zati bat puskatuta dago. 

Ibai tarte horretan mazkaria, amuarraian arrunta eta aingira bezalako espezien presentzia dago eta obra honi esker, «ubidearen joan-etorriak erraztuko dira eta ibaiaren egoera ekologikoa hobetuko da».  Proiektuak 78.566 euroko aurrekontua du (BEZ gabe) eta obra burutzeko epea 5 astekoa izango da. 

Life Kantauri proiektua

Lanak ingurumenean ahalik eta eragin txikiena izan dezaten faunarentzako aldi sentikorrenetatik kanpo egingo dira; lanerako esparru lehorrak ur hesien bitartez isolatuko dira eta ibaian behera solido isuriak gertatzea ekidingo dute. Europako Life Kantauri proiektuaren baitan burutuko dituzte lanak, Natura 2000 Sareko bost ibai lerrotan.

Oria ibaia Zegamako erdigunetik igarotzen. HITZA

Altsasuko bertsolarien artean izan da Eneko Araiztegi Agirre ‘Korta’ segurarra, eta saio aparta eginda, bigarren postua eskuratzea lortu du, 659,5 puntu bilduta. Lekeitioko saioan, berriz, Aner Peritz sailkatu da bigarren postuan, 679 puntu bilduta. Sailkapenean aurrera egiteko itxaron egin beharko dute orain, puntuazioaren arabera hautatuko baitira finalaurrekoetara salto egingo duten bertsolariak. 

Asteburu honetan jokatuko dira hurrengo bi saioak: Donapaleun (Nafarroa Beherea) eta Tolosan (Gipuzkoa). Bigarren saio horretan izango da hurrengo bertsolari goierritarra. Igandean kantatuko du Amaia Iturriotz urretxuarrak, 17:00etan, Usabal Kiroldegian. 

Hona hemen saio bakoitzeko puntuazioak eta sailkapen orokorra: 

ALTSASU:

• Oier Etxeberria Zubimendi: 672, 5 puntu
• Eneko Araiztegi Agirre ‘Korta’: 659, 5
• Txaber Altube Sarrionandia: 648, 5
• Imanol Uria Albizuri: 647, 5
• Iñigo Mantzizidor Larrañaga ‘Mantxi’: 638
• Eñaut Martikorena Lizaso: 637, 5

LEKEITIO:

• Ane Labaka Mayoz: 681 puntu
• Aner Peritz Manterola: 679
• Maddalen Arzalluz Antia: 677,5
• Aitor Bizkarra Ruiz: 676
• Eneritz Artetxe Eizagirre: 646
• Aroa Arrizubieta Barredo: 616

SAILKAPEN OROKORRA:

• Miren Artetxe 709
• Maddi Ane Txoperena 691
• Ane Labaka 681
• Aner Peritz 679
• Maddalen Arzallus 677,5
• Aitor Bizkarra 676
• Oier Etxeberria 672,5
• Xabat Galletebeitia 672
• Eneko Araiztegi 659,5
• Txaber Altube 648,5
• Imanol Uria 647,5
• Eneritz Artetxe 646
• Iñigo Mantzizidor ‘Mantxi’ 638
• Eñaut Martikorena 637,5
• Unai Anda 636,5
• Peru Abarrategi 631
• Aroa Arrizubieta 616
• Eki Mateorena 589,5

Euskal Herriko Txapelketa hastera doa. Zer moduz zaude?

Gogotsu nago. Aurreneko aldia dut Euskal Herriko Txapelketa Nagusian. Orain arte ez dut aukerarik izan bertan parte hartzeko, eta oso gustura nago. Bertso aldetik ere, ustez nahiko forma onean nago, eta ikusiko dugu ea nolako eguna ateratzen den. 

Nahikoa entrenatu al duzu?

Leku ezberdinetan entrenatzeko aukera izan dut. Beti Gabiria aldean elkartu izan gara, baina aurten Gabirian ez ezik, Hernanin eta Etxarrin trebatzeko aukera ere izan dut. Bertsokide askorekin entrenatzeko aukera ere izan dut, eta orain arteko bidea behintzat, asko disfrutatu dut. Bertsotan gorakada txiki bat izan dudala ere sumatzen dut. 

Zeintzuk dira zure helburuak?

Helburua da saio ederra egitea, eta hala lortzen badut, emaitza ere berariaz etorriko da. Bertso bakoitzean ahal da kontzentratuena egotea nahi nuke, eta behintzat, daukadan dena emanda geratzea nahi nuke. Ezer gehiagorik ez. 

Zer aurreikusi dezakezu?

Uste dut irabazteko askoz gehiago dudala galtzeko baino, eta presioa ere uste dut beste batzuk askoz gehiago eramango dutela, bertso plaza horietan eta zirkuitu horretan erabat murgilduta daudenek, alegia. Gu ez gara hainbeste ibiltzen eta ez dut horrelako presiorik, beraz, momentuz behintzat, lasai nago. Eguna iritsitakoan ikusiko da, baina gogoa gehiago daukat urduritasuna baino, dudarik gabe. 

Ikastaroa aisialdiko begirale edo zuzendari tituludunak eta aisialdiko heziketan eskarmentu handiko pertsonek emango dute. Dagokien gaian lizentziatuak edo diplomatuak denak: Soziologoak, Psikologoak, Pedagogoak, Psikopedagogoak, Gizarte Hezitzaileak, Biologoak, Geologoak eta Euskararen Gaitasun Agiria —EGA— tituludunak denak.

Urritik aurrera

Ikastaroa urriaren 24an hasi eta maiatzaren 15ean amaituko da. Guztira 150 ordu teoriko eta 160 ordu praktiko dira eta praktikaldiaren ondorengo lana aurkeztu beharko da Eusko Jaurlaritzak homologatutako Haur eta Gazteen Aisialdirako Begiralea titulua eskuratzeko. Klaseak larunbatetan izango dira, goizez eta asteburu oso bateko irteera ere izango da tartean. 

Ikastaroan parte hartu ahal izateko derrigorrezkoa da 2027ko abenduaren 31rako 18 urte beteta edukitzea; DBHko titulazioa izatea eta euskara maila altua edukitzea. Ikastaroak 505 euroko prezioa du, matrikula eta aterpeko asteburuak barne.

Behin ibilaldia burututa elkarrekin bazkalduko dute Seguran. Bazkarira joan nahi duenak irailaren 13ra arteko epea du izena emateko. 660 791 623 telefonora deitu daiteke horretarako. Bazkariaren prezioa 30 eurokoa izango da.