Kultur Astea La Bellota Extremadurako zentroan

Datorren larunbatean, hilak 14, Legazpiko La Bellota Extremadurako zentroan 21. Kultur As-teari hasiera emango diote. Hilaren 22ra bitartean egunero izango dute ospakizunen bat. Larunbatean elkarteko lehendakariak ongi etorria egingo die Legazpiko agintariei eta beste elkarteetako ordezkariei, Ekitaldia 13:00etan izango da.

Igandean tute txapelketa, astelehenean kuatrola lehiaketa eta asteartean domino txapelketa egingo dituzte; lehiaketa guztiak 17:00etan hasiko dira zentroan bertan.

Ate irekiak

Hilaren 18an, asteazkenarekin ate irekien eguna izango dute eta zentroan egindako eskulanen erakusketa irekiko dute 16:00etatik aurrera.

Hilaren 19an jubilatuen eguna ospatuko dute eta txokolatea zein erroskillak banatuko dituzte bazkideen artean 17:00etan hasita. Hilaren 20an, ordea, haurren eguna izango da eta askaria banatuko dute, baita haur jolasak egin ere; hau ere 17:00etatik aurrera.

Hilaren 21ean Amanecer Ranchero taldearen emanaldia eta bazkideen afaria izango da 19:30ean eta hilaren 22an Extremadurako mezarekin amaituko da La Bellota zentroko aurtengo Kultur Astea. Meza 12:00etan izango da, parrokian.

Utzi ekarpen bat

*

*

Send this to friend