Korrika 19 girotzeko hamaika ekintza prestatu dituzte herri batzordeek

Goierriko elkarten arteko sukaldaritza lehiaketa antolatu dute hilaren 18rako

2015/03/04

Janire Arrondo

Euskararen aldeko lasterketa erraldoiari ekiteko gero eta gutxiago falta denean, Goierrin aurkezpen ofiziala egin du Goiztiri AEK-k. Korrika Kulturalaren baitan datozen asteetarako antolatu dituzten ekintzen berri eman dute prentsaurrean antolatzaileek. Martxoaren 19an emango zaio hasiera 19. Korrikari, eta 22tik 23rako gauean pasako da bailaratik. Aurtengo Korrikak euskahalduntzeko gonbitea luzatuko du. “Euskal Herria euskalduntzeko norberaren eta taldearen ahalmenean sinetsi eta hori erabili behar dugu. Helburua lortzeko denon ahalegin pertsonalak auzolanean elkartuta indarrak biderkatuko ditugu”, zioen Alaitz Imaz Goierriko koordinatzaileak agerraldian. Auzolana eta elkarlana oinarri, lanean ari dira Goierrin herri batzordeak. Korrika txikiak, txapelketak, argazki erakusketa, hitzaldiak, bertso poteoak, talo jateak, jolasak… hamaika dira prestatu dituzten ekintzak. Nabarmentzekoa, martxoaren 18an Ordizian egingo den gastronomia lehiaketa. Goierriko elkarte guztiek parte hartu ahal izango dute bertan. Bi plater prestatuko dituzte, baratxuri-zopa eta biribilkia saltsan, eta plater onenen egileei saria emango die. Parte hartu nahi dutenek hilaren 10erako eman beharko dute izena. Ondoren, afaria egingo da, Ordiziako eta Beasaingo euskaltegietan eta herrietako tabernetan erosi ahal izango dira txartelak. Korrika abiatuko den egunean, martxoaren 19an, Urepelera joateko eta martxoaren 29an Bilbon amaierara joateko autobusak ere antolatu dituzte Goierritik. Martxoaren 13rako eman beharko da izena herriz herri. Dagoeneko kilometroen salmena egiten ari dira herrietan. Enpresa, taberna, dendan zein herritarrentzat Korrika Lagun izateko aukera ere irekita dute.

EGITARAUA HERRIZ HERRI ARAMA

Martxoak 22: Afaria Toki-Alai tabernan, 21:00ean.

ATAUN

Martxoak 7. Futbolin txapelketa Gazte Asanbladak antolatuta.

Martxoak 12-29. Korrika logoen erakusketa Joxemiel Barandiaran eskolan.

Martxoak 12. Arropa salmenta Joxemiel Barandiaran eskolan.

Martxoak 15. San Gregoriotik abiatuta oinezko ibilbidea San Martinera. Ondoren mokadutxoa, arropa salmena eta kuestazioa San Martinen, 11:00etan.

Martxoak 18. Korrika Txikia eta gero txokolatada, 15:00etatik 16:00etara.

Martxoak 22. Talo jana frontoian, 19:30ean.

BEASAIN

Otsailak 28-martxoak 8. Korrika argazkien erakusketa Usurbe aretoan, 19:00-21:00.

Martxoak 11. Euskal kantagintzaren historia Andoni Tolosaren eskutik, Igartza Jauregian, 10:00etan.

Martxoak 18. Korrika Txikia herrian zehar Lehen Hezkuntzako ikastetxeetako ikasleekin, 10:30-11:30.

Martxoak 22. Arratsaldetik gauerdira, haurrentzako jolasak, bertso-triki poteoa eta musika plaza azpian.

Martxoak 26. Five days to dance Goienik zine klubaren eskutik, 19:00etan eta 21:30ean.

EZKIO-ITSASO

Martxoak 23. Korrika Txikia.

GABIRIA

Martxoak 14. Kuestazioa.

Martxoak 22. Afaria elkartean, 21:00ean.

IDIAZABAL

Martxoak 22. Kantu potea eta kuestazioa.

Martxoak 13. Plazan Erromeri Bira eta kuestazioa, 18:30ean.

Martxoak 22. Flash Moba Xapobixikoen gidaritzapean, 18:30ean.

ITSASONDO

Martxoak 8. Kuestazioa eta arropa salmenta.

Martxoak 18. Bideo emanaldia, 19:00etan.

Martxoak 22. Triki-poteoa herrian zehar 19:30ean; eta afari merdienda, 21:00ean.

Martxoak 25. Korrika Txikia.

LAZKAO

Martxoak 6. Talo jana dantzariek girotua. Ondoren, dokumentalaren emanaldia, kuestazioa eta arropa salmenta. 17:30etik 20:00etara.

Martxoak 17. Korrika Txikia 15:00etan; Jolasak aurrentzat Maizpideren eskutik 16:30ean; eta Laburbira laburmetrai emanaldia Arerian, 21:15ean.

Martxoak 22. Peto banaketa, 12:00etatik 12:30era. Musika 22:30etik gauerdira.

Martxoak 24. Liloratura: Patxi Zubizarretaren 50 liburuaren literatur tertulia.

Martxoak 26. Bertso afaria Mintzalagunekin Maizpiden. Anjel Peñagarikano eta Jokin Uranga.

LEGORRETA

Martxoak 6. Dokumentala gaztetxean.

Martxoak 7. Arropa salmenta, kuestazioa eta taloak.

Martxoak 22. Korrika Txikia, afaria eta Korrika argazkia.

MUTILOA

Martxoak 22. Korrika Txikia eta afaria.

OLABERRIA

Martxoak 22. Afaria Arkupe Elkartean, 21:00ean. Ibon Magoaren ikuskizuna Arkupen, 22:45etik aurrera.

ORDIZIA

Martxoak 18. Eskualdeko afaria Plaza Nagusian 21:00ean. Afari ondoren, elkarteen lehiaketako sari banaketa. Ondoren, Igor Barrerosen kontzertua eta Amets Bidekoekin dantzaldia izango da.

Martxoak 22. Mokadua 19:30ean. Musika herrian zehar gauerdira arte, 21:30etik aurrera.

Martxoak 23. Korrika Txikia 10:00etan.

ORMAIZTEGI

Martxoak 20. Iluntzean, Erdaldun berrien kluba antzezlana kultur aretoan.

Martxoak 22. Korrika Txikia.

SEGURA

Martxoak 14-15. Arropa salmenta eta kuestazioa eguerdian.

Martxoak 18. Korrika Txikia, txokolate jana eta buruhandiak, 15:00etan.

Martxoak 22. Patata tortila lehiaketari hasiera emango diote 18:00etan; txorizo eta ardo dastaketa 18:30ean; sari banaketa eta pintxo jatea 19:30ean; karpa azpian elkartu eta txokolate beroa eta peto banaketa 1:30ean.

ZALDIBIA

Martxoak 13. Bi Bala taldearen emanaldia antzokian, 22:30ean.

Martxoak 15. Dantzari Txiki Eguna, arropa salmenta eta kuestazioa.

ZEGAMA

Martxoak 12-13. Arropa salmenta eskolan zein kalean, eta kuestazioa.