Korrikaren herrikako batzordeak sortzen jarraituko dute astean
Korrikaren 22. ekitaldia antolatzeko, herrika Korrika Batzordeak eratzen jarraituko dute aste honetan. Atzo Ataunen eta Lazkaon egin zituzten bilerak. Gaur, Olaberrian (udaletxean, 18:00), Gaintzan eta Zerainen (kultur etxean, 19:00etan) izango dira.
Astearen gainerakoan, Zegaman, bihar, gimnasioan egingo dute Korrika Batzordearen bilera (18:30). Ostegunean, urtarrilak 27, Beasainen (AEKren euskaltegian, 18:00etan) eta Zaldibian (Karreane kultur etxean, 19:00etan) egingo dituzte.
Azkenik, ostiralean, urtarrilak 28, Ezkioren (udaletxean, 18:00) txanda izango da. Itsasondon, Araman, Altzagan, Gabirian, Itsason, Seguran, Ordizian eta Legorretan dagoeneko aurkeztu du AEK-k 22. Korrika, eta abian dira taldeak.
Kilometroak salgai dira
Korrikaren ezaugarri eta diru iturri den kilometro salmenta ere hasita dago. Otsailaren 7ra arteko epea dago kilometroa eskuratzeko, Goierriko koordinatzaileari (688 647 159; goierri@ korrika.eus) esanda.
