Garaipenarekin hasi du liga Urolak, galtzen berriz, Ordiziak eta Ormaiztegik
Eskubaloi ligari ere eman zioten hasiera asteburuan. Gipuzkoako maila gorenean daude, Goierriko hiru talde: Urola Laztimendia, Ordizia Siglo XX eta Ormaiztegi KE.
Hiru talde goierritarrek etxetik kanpo jokatuz ireki dute liga, eta talde bakarrak lortu zuen garaipena eskuratzea. Urola Laztimendik, Egia Kosko Taberna taldearen aurka neurtu zituen indarrak eta 19-24 izan zen emaitza.
Ordiziako mutilek, Txingudi Goibar taldearen aurka jokatu zuten; 33-30 izan zen emaitza partidaren amaieran.
Ormaiztegiarrek ere zuten aldeko izan markagailua; Saieko Grupo Seyprel taldearen aurka 34-24 egin zuten.
Sailkapenen taulari begiratuta, hirugarren tokian da Urola, bederatzigarren Ordizia eta hamabigarren Ormaiztegi.
Hurrengo partidak
Hurrengo asteburuan, Arizbatalde Taberna ZKE taldearen aurka jokatuko du Urolak, Soraluze BKE-ren kontra, eta Txingudiren kontra Ormaiztegik.
Ligako bigarren jardunaldia, etxean jokatuko dute hiru talde goierritarrek. Oraindik zehazteke daude partiden eguna eta ordua.