Familientzat arte tailerrak, Ataunen eta Idiazabalen
Hip Hip Urri egitarauaren barruan, familiei bideratutako arte tailerrak antolatuko dituzte Goierrin. Ataunen bihar, ostirala, izango dira. Bi txanda bereizi dituzte, 16:30etik 18:00etara lehena eta 18:30etik 20:00etara bigarrena. Joxemiel Barandiaran Herri Eskolako aterpean jardungo dira. Edozein adinetako herritarrek parte har dezakete, jaioberrietatik hasi eta aitona-amonetara.
Idiazabalen, berriz, bihar zortzi izango da tailer bera, urriaren 14an. Hango txandak 17:00-18:30 eta 18:45-20:15 dira, eta plazan ariko dira. 5 urtetik gorakoentzat da.
Eskulanak taldean
Arte tailerretan, margotu, mozketa lanak, collageak eta sortutako edozer egin ahalko da. Banakako lanetik hasi eta taldera zabalduko dute ekimena.