Lundi Vert/ Astelehen berdeak ekintza abian jarri dute Frantzian, Frantziako Ikerketa Zientifikoen Zentroak eta Agronomia Ikerketaren Institutuak. Astelehenetan «dieta berdea» egiteko eskatu dute: egitasmoan parte hartzen dutenek ez dute ez haragirik eta ez arrainik jango astearen lehenengo egunean; hau da, dieta begetarianoa edo beganoa egin beharko dute. Urtarrilaren 7an ekin zioten aldaketari, eta 2019 osoan mantenduko dute egitasmoa.
Ideia ez da berria, 40 herrialdetan abiatu duten dinamika bat baitago oinarrian; hain zuzen ere, Meatless Monday du izena, hots, haragirik gabeko astelehenak.
Helburua Ingurumena eta Osasuna zaintzea da, osasun adituek diotenez, gure gizartean haragi eta arrain gehiegi jaten dugu. Elikadura eta kontsumo ohiturak poliki poliki aldatuz gure planeta eta osasuna zaindu dezakegu.
Haragia platerera eramateak ingurumenean duen eragina agerian utzi nahi dute. Azaldu dutenez, abeltzaintzak ur asko xahutzen du, berotegi efektuko gasen %15 sortzen ditu, eta basoak moztea dakar horietako lehengaiak industria horretara bideratzeko.
Honez gain, Herriade bakoitzean eta era jasangarrian ekoitzitako produktuen alde egitera gonbidatu ditu kontsumitzaileak, «tokiko ekoizpenaren aldeko apustua».
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez harpidedun, izan HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.