Goierriko irakurleen berrelkartzean, Laura Mintegiri omenaldia
«Urte asko dira euskaraz ari naizela, baina ez dut uste sekula gaur bezainbeste emozionatu naizenik». Hitz horiekin adierazi du Laura Mintegi idazleak (Lizarra, 1955) Goierriko irakurleek egin dioten omenaldiaren sentipena. Larunbatean, Ataunen, Goierriko Irakurle Taldeen IV. Topaketan omendu zuten. Zazpi herritako 40 bat irakurle elkartu ziren, solasalditik, aitortzatik, eta bi urteko etenaren ondoren, jaitik ere eduki zuen juntadizora.
Otso Irakurleak anfitrioi zirela, Mintegiren Sisifo maite minez komentatu zuten lehenbizi. Partaide guztiek Izaro Erauskin ataundarrak egindako orri-markatzaile bat jaso dute opari.
Hurrena, Itsason
Otsoak dantza taldeko bi dantzariren eta Eate abesbatzak kantatutako ohorezko agurraren ostean, lore sorta bat eman zioten Mintegiri. Joxe Bikuñak Ataunen izateari buruzko hitzaldi bat eta Pili Eskisabelek umorezko kontakizun antzeztua egin zituzten. Nekane Munduatek egindako koadro bat oparitu zioten, Aitzol Barandiaranek jarritako bertso bat zeukana, kantatuz. 2023an Itsason elkartuko dira.