Euskaraldian arigunea izateko izena eman behar da
GOIERRI // Udazkenean egingo da Euskaraldiaren hirugarren edizioa, eta berriro ere, ariguneak izango dira protagonista, belarriprest eta ahobiziekin batera. Enpresa, erakunde, saltoki, taberna, elkarte, fundazio, klub, talde eta era guztietako entitate antolatuak izan daitezke ariguneak, eta Urola Garaiko Euskaraldiko sustatzaileek izena emateko gonbita luzatu diete horiei: ariguneak.euskaraldia.eus/izen-ematea.