Errendimenduan hiru txapel eta Gipuzkoako bost goierritarrek
Ikasturtearekin batera, Gipuzkoako pilota txapelketak ere bukatu dira. Haurren Errendimenduko Udaberri Sarian, eskuz binaka, hiru bikote goierritarrek irabazi dute. Alebinen 1. Mailan, Xabier Alberdi-Ibai Aldasoro (Lapke-1) 16-5 nagusitu zitzaizkien Gaztelupekoei. Ekialdekoan, Amets Izagirre-Aimar Sarriegi (Lapke) dira txapeldun, 16-9, Behar Zanakoekin.
Alebinen 2. mailan, Ataungo Harriet Aldasoro-Aitzol Aramendik 16-4 irabazi zien Orio-1ekoei. Eta infantilen 2. mailan, Oier Altuna-Unax Iturbe (Lapke) txapeldunorde geratu dira.
Gipuzkoakoan, bost txapel
Eskuz banakako lau t’erdiko Gipuzkoako Txapelketetan, berriz, lau pilotari goierritarrek jantzi dituzte txapelak: Iker Izagirrek (Lapke) kadeteen 1. mailan; Markel Iturbek (Lapke) kadeteen 2. mailan, finala Martin Kerejeta taldekideari 22-18 irabazita; Oier Ibarluzeak (Lapke) jubenilen 1. mailan; Iban Matxinandiarenak (Zegamako Tartaloetxe) nagusien 1. mailan; eta Josu Vianak (Zumarragako Beloki), nagusien 2.ean Mendebaldean, Beñat Agirre taldekidea gaindituta (22-7).
Idiazabalgo txapelketa
Idiazabalgo 6. Esku Pilota Txapelketan gaur eta bihar bina partida jokatuko dituzte, Igarondon. Gaur (19:00), Apezetxea-Garcia eta Balerdi-Peñalver; eta Rekalde-Gabirondo eta Lizeaga II.a-Petite ariko dira. Bihar (19:00), Irribarria-Emaldi eta Amiano II.a-Loza; eta Lara-Albeniz eta Amundarain-Lizeaga I.a.