Urtarrilaren 20an irekiko dute Biziola ekimenaren Bizigaia denda
Biziola Kooperatiba sortzeko prozesuak aurrera jarraitzen du Maiatzaren 14ean eraketa batzarra egin zuten. Urte erdi honetan lanean jardun dute Biziola Fabrika martxan jarri eta proiektu ezberdinak errealitate bilakatzeko. Asteburuan lehenengo batzar orokorra egin dute, eta orain arte egindako bidearen balantze egin dute. Halaber urtarrilean martxan jarriko duten fabrikaren funtzionamendua azaldu eta aurrera begirako erronkak zehaztu dituzte. Goizeko 10etan hasi da batzarra eta bazkide guztiak bertan parte hartzeko aukera izan dute.
Maiatzaren 14an hartutako konpromisoei jarraituz, Biziolako denda, urte berriarekin, urtarrilaren 20ean irekiko dute. Mugarri garrantzitsua izango den hau, ekitaldi berezi batekin ospatuko dute. Egun horretarako egitaraua antolatzeko lanean hasiak dira dagoeneko.
Laguntza
Urtarrilaren 20an denda ireki ahal izateko zenbait lan egin behar dira, horregatik datozen asteetan egongo diren auzolanetan parte hartzeko gonbita luzatu dute Biziolatik. Datozen asteetan xehetasun gehiago emango dituzte.