Bidegorri sarea handitzeko laguntza eskaini du aldundiak
Aramako, Ezkio-Itsasoko, Idiazabalgo, Legazpiko, Urretxuko eta Zumarragako udalek bidegorri egiteko diru laguntzak jasoko dituzte Gipuzkoako Foru Aldundiko Mugikortasuneko eta Lurralde antolaketako Departamentutik. Gipuzkoako Lurralde Historikoan Bizikleten Bideen Udal Sarea garatzeko programara 702.870.83 euro bideratu ditu diputazioak, eta kopuru horren laurdena baino zerbait gehixeago iritsiko da Goierrira: 191.245,7 euro.
Diru lagun horiek helburua herriko bakoitzetik pasatzen diren bidegorriak hobetzea, luzatzea edo konexioak optimizatzea da. «Pozten gara deialdiak arrakasta izana, eta udalerri eskatzaileei erantzuteko hasiera batean jarritako 500.000 euroei beste 200.000 euro gehitu dizkiegu», adierazi du Rafaela Romero Foru Aldundiko mugikortasun diputatuak.
Ezkio-Itsasoko Udalak 100.000 euro jasoko ditu Errota-Eitzaga bidegorriaren lehen faserako; Legazpiko Udalak, ia 50.000 euro, Juanastegi kalean bidegorria eraikitzeko; Zumarragak, berriz, Argixao inguruko bidegorria luzatzeko 15.000 euro pasa jasoko ditu; Idiazabalgo Udalak 14.000 euro jasoko ditu Beasain-Idiazabal bidegorriaren Idiazabalgo adarraren aurreproiektua idazteko; Urretxuk, bailatokiaren aurreko bidegorri zatiaren zoladura berritzeko 7.500 euro jasoko ditu; eta Aramako Udalak 6.000 euro baino gehiago jasoko ditu GI-2131 errepidean bidegorri zati bat egokitzeko proiektua egiteko