Goierriko artisten erakusketa ikusteko azken egunak
GOIERRI // Goierriko 38 artisten artelanak ikusgai daude Igartzako burdinolan. Goierriko Artisten topaketaren baitan urtero egiten duten erakusketa da. Jakin, erakusketa azken asteetan ikusgai egon dela, eta bisitatzeko azken egunak direla, urtarrilaren 7ra arte baitago zabalik. Astelehenetik ostiralera, 18:00etatik 20:00etara, eta asteburuetan eta jaiegunetan, 11:00etatik 14:00etara eta 18:00etatik 20:00etara.