Txakurren heziketa saioak hasi dira Legazpin
Udalak antolatutakoak dira, eta Kangune enpresako adituak eman ditu. Deialdiak erantzun ona izan du, eta 16 txakur jabek parte hartu dute, bi taldetan banatuta.
Udalak antolatutako txakurren formakuntza saioak hasi dira Legazpin, eta 16 txakur jabek parte hartu dute, bi taldetan banatuta. Kangune enpresako adituek gidatu dituzte saiak.
Jarduera honen helburua txakurren eta herritarren elkarbizitza onena lortzea da. Deialdiak erantzun ona izan du, eta izena eman duten 16 legazpiarrak bi taldetan banatu behar izan dira.
“Txakurren hezkuntza garrantzizko gai bat dela uste dugu, eta herritarren erantzuna ikusita, behar hori ere hor dagoela antzeman da”, azaldu du Xabi Lopez udaltzain buruak. Ikastaroa amaitzerakoan balorazio bat egingo da, etorkizunean horrelako formakuntzak egiten jarraitzeko aukera baloratzeko.