2012/12/20

Goiart 2012 lehiaketako sariak banatu dituzte

Gaur goizean Arte Plastikoen VI. “Goiart 2012 – Ordizia Saria” lehiaetako sariak banatu dituzte Ordiziako Barrena Kultur Etxean. Yvana Duchene artistak irabazi du. Goierri saria Xabier Anunzibay-ek jaso du. Lehen saria, 3.000 eurokoa, Baionan bizi den Txekiar Errepublikako Yvana Duchênek erraman du, Camille Claudelen erretratua pintura lanarekin. Epaimahaiak obra honen izaera espresionistari erreparatu dio. Lanaren indarra nabarmendu dute: “keinuzkoa eta oso zehatza ez den egikera du baina erabateko efektua lortzen du”. Esan dutenez, “pisu handiko obra da baina era berean iragankorra formatuari eta teknikari erreparatuz gero. Obraren espresibitatea goiko aldean kontzentratzen da, landuagoa dago obra, begietan, eta bitartean beheko aldean marrazkia nagusitzen da eta margoa kolorezko hari libre gisa ibiltzen da bertan. Gaur egungo postfeminismoan eta transgeneroan osoki murgiltzen den obra”. Bigarren saria Hondarribian bizi den Hilda Lucio Alamo “Kikis” mexikarrak eraman du, Hiriko paisaia lanarekin. Epaimahaiak azpimarratu duenez, “konposizio arina lortzeko papera eta zuntzaren tankerako material hauskorra, malgua, eta fina erabiltzen da, eta forma arkitektoniko arin, etereoak sortzen dira, forma horiek desagertuko balira bezala. Bestalde, kontrastez beteriko obra bat da, forma geometrikoak eta forma organikoagoak alderatzen dituena, eskala mugatuak dituena, tonalitate neutroak eta ehunduren joko ederra duena”. Hirugarren saria Amurrion bizi den Alberto Torres Ayerdi beasaindarrak jaso du, Paheta [...]

Goierriko Hitza

Majoriko zuzendari berria izendatzeko prozesua jarriko du martxan udalak

Ordiziako Majori kiroldegiko zuzendari-kudeatzaile lanpostuaren kontrataziorako prozesua martxan jarriko du udalak. Hala jakinarazi dute gaur Igor Eguren alkateak, Juan Mari Gereñu kirol zinegotziak eta Eñaut Gereñu Majoriko behin-behineko kudeatzaileak. Prozedura hori LKS enpresarekin egingo dute eta lau fase izango ditu, beti ere administrazio kontseiluak horrela onartzen badu. Zuzendari berria otsaila amaitu auretik izendatu nahi du udalak. Iazko urritik kiroldegiaren zuzendaritzaz eta kudeaketaz arduratzen ari den Eñaut Gereñuk eman ditu irekiko duten prozesuaren nondik norakoak. Egingo duten lehen gauza administrazio kontseiluan lanpostuaren eskaintzaren oinarriak onartzea izango da, «funtzio eta helburuez gain, Majori kiroldegiaren ezaugarriak aintzakotzat hartuz». Bigarren urratsa lanposturako izena emateko epea zabaltzea izango da, eta komunikabideetan emango da deialdiaren berri. LKS enpresak hautagaien ebaluaketarako frogak egitea izango da hirugarren fasea, udaleko kontratazio mahaiaren onespenarekin. «Froga horien bidez formakuntza, gaitasun eta izaera mailako egokitasuna, eta postuaren ezaugarri eta eskakizunak baloratuko dira». Azken urratsa hautagaia aukeratzea izango da.

Goierriko Hitza

Urretxuko Dani-Opil okindegiak irabazi du erakusleiho lehiaketa

 Sariak gaur eguerdian eman dituzte Bi-Tartean merkatari elkarteko egoitzan, Zumarragan

Otamotz.com Urretxu-Zumarraga

Alemaniarren bisita izan dute Oianguren institutoan

Azken aste honetan Ordiziako Oianguren Bigarren Hezkuntzako Ikastetxean alemaniar ikasle eta irakasle talde baten bisita jaso dute egunotan. Comenius proiektuaren barruan antolatutako ekintza da. 2011n sartu ziren Oianguren ikastetxeko ordezkariak Puzzle Europarraren Puzzle Zati Harrigarriak (Puzzling Pieces Of The European …

Goierriko Hitza

Atez atekoaren aurkako herri plataformak babesa eskatu dio Arartekoari

Legazpiko Birziklapena bai, atez atekorik ez herri plataformak Arartekoari babesa eskatu dio, aurrera begira jarraitu beharreko lan ildoak zehazte aldera. Udal gobernuaren eta plataformaren arteko harremanak orain arte izan duen «ibilbide eskasa» eta «atez ateko sistema ezartzeko ideia birplanteatzea eskatu …

Goierriko Hitza

Legorretako Udalak 1,5 milioi euroko udal aurrekontua izango du 2013an, ia aurtengo bera

Legorretako Udalak 1.500.549,98 euroko aurrekontua izango du 2013an, herenegun herritarren aurrean aurkeztu zuenez. Aurtengo ekitalditik %0,72ko igoera besterik ez du aplikatu. Hala ere, 2012an sarrera gisa jaso duen diru kopuru berbera da datorren urteko aurrekonturako zehaztua. Arantxa Iturrioz Ogasun zinegotziak eta lan-taldeko Urko Etxeberria kideak aurkeztu zituzten, hogei bat legorretarren aurrean. Iturriozek esan duenez, krisi egoera kontuan hartuta «ahalik eta erantzukizun handienarekin» landu dute aurrekontu txostena. «Beti ere gehien behar duten herritarrei laguntzeko». Iaz bezala, oraingoan ere udalak ez die kobratuko zaborraren, uraren eta etxeko kontribuzioaren zerga lanbide arteko gutxieneko soldatara iristen ez diren familiei. Exentzioen diru saila igo dute Krisi egoera iaztik «larritu» egin dela eta, familien zerga-exentziorako diru-saila 3.000 eurotik 5.000ra igo dute. «Behin eskaerak jasotakoan, ikusten badugu tartea badagoela gutxieneko hori ere igotzeko, ez dugu baztertzen, laguntza etxe gehiagotara irits dadin», dio Iturriozek. Inbertsioetarako 22.717,84 euroko saila izendatu du. Udala ekonomikoki «egoera onean» dago, eta zorpetze maila «baxua» du. Legorretako Udalak %8,67ko zorpetze maila du; «Udalak Finantzatzeko Foru Funtsaren itzulketa egongo ez balitz %4,20» zukeen. Aurtengo UFFFko 63.146 euro itzuli beharko dituela aurreikusi du udalak, jasotakoaren %7,8.

Aimar Maiz

Ataungo musika ikasleek kontzertua dute gaur

Lazkaotxiki musika eskolako Ataungo ikasleek Gabonetako kontzertua egingo dute, gaur. Herri Antzokian da emanaldia, San Martin auzoan, 17:00etan hasita.

Aimar Maiz

Lapke-ko pilotariek bi final jokatuko dituzte

Gipuzkoako Txapelketako bi final jokatuko dituzte Lapke-ko pilotari juniorrek, larunbatean. Tolosako Beotibar pilotalekuan, 10:30ean, Egiburu-Murua lazkaotarrak Gazteleku klubekoen aurka ariko dira, bigarren mailan. Arratsaldean, Zestoako frontoian 16:...

Aimar Maiz

Udaberrian hasiko dira atez ateko bilketarekin Itsasondon, Legorretan eta Zaldibian

Sasieta Mankomunitatea hiru hilabete barru, «udaberrirako», hasiko da atez ateko hondakin bilketa ezartzen Itsasondon, Legorretan eta Zaldibian. Sistema zehazteko Sasietan lore parte-hartze prozesua herenegun amaitu zen, eta atzo aurkeztu zuten Sasietako lehendakari Azeari Andonegik, eta Asier Garro, Bakartxo Mendez eta Joxan Etxabe alkateek zer ezaugarri izango dituen. Parte-hartze prozesuan 1.129 lagun aritu dira denera; Zaldibian 620, Legorretan 366 eta Itsasondon 143. Laurek «emaitza oso positiboa» aitortu diote prozesuari; «eztabaida oso irekiak» izan dira. Bilera horietan hainbat erabaki hartu dituzte herritarrek, hiru herrietan antzekoak. Adibidez, ontziak kalean zintzilikatzeko zutaberik ez da jarriko. Lurrean utziko dira, zehaztutako lekuan. Etxebizitza askoko blokeetan, berriz, horman iltzatutako kako edo pletina batzuetan kokatu beharko da kuboa. Paperaren kasuetan, norbere kuboa edo etxe-blokerako kontainer komunitarioa aukera zitezkeen. Hiru herrietan etxe bakoitzerako ontzia banatzea aukeratu dute. Hala ere, komunitarioa eska daitek: Zaldibian urtarrilaren 17rako, Legorretan 18rako, eta Itsasondon 25erako. Ontzi arinentzat ere kuboaren ordez poltsa estandarizatuak jartzea aukera zen. Denek kuboak hobetsi dituzte. Hondakinak uzteko ordutegia luzatu egingo da, orain arte baino ordubete gehiago: 20:00etatik 23:00etara. Egun bakoitzean zer hondakin mota atera ere finkatu dute. Organikoa astelehen, ostegun eta larunbatetan bilduko dute; ontzi arinak astearteetan eta ostiraletan; papera asteazkenetan; eta errefusa igandeetan. Kuboak kalera ateratzeko ordutegia 20:00etatik 23:00etara [...]

Aimar Maiz

Troiko meategiaren prebentzio bilera egin zuten atzo

Herrizaingo Sailak EAEko enpresa kimikoen kanpoko larrialdi-planei buruz herritarrei informazioa jakinarazteko kanpaina berri bat jarriko du martxan.  Kanpaina honen barruan 38.000 informazio gutun bidaliko dira postontzietara eta herrietan bilerak egingo dira, enpresa kimiko horietan istripu larriren bat gertatuko balitz, herritarrek …

Goierri Mendebaldeko Hitza

Goierriko 30 artisau bilduko ditu Zumarragako arte eta eskulangintza azokak

 Igande goizean izango da feria, Euskadi plazako arkupeetan; janztekoak eta jatekoak salduko dituzte, besteak beste

Otamotz.com Urretxu-Zumarraga

Bisitariak eta salmentak «pixka bat» jaitsi dira liburu azoketan

Goierriko bost euskal liburu eta disko azoken antolatzaileek balorazioa egin ostean, orokorrean «ona» da feriek utzi duten balantzea. Nabaritu dutenez, ordea, jendea aurreko urteetan baino «gutxixeago» ibili da, eta azoka batzuetan salmentak ere «...

Aimar Maiz

Txistor jana egingo dute bihar adineko egoitzetan

Lazkaoko adinekoen bi egoitzatan San Tomas eguna ospatuko dute, bihar. Orobione jubilatu elkartean 10:30ean txistor jana egingo dute. Txindoki gerontologikoan ere antolatu dute, eta taloekin batera jango dute hestebetea.

Aimar Maiz

Lazkaoko hiru abesbatzak gabon konzertuak dituzte

Lazkaotxiki musika eskolako helduen koruak gabon kontzertua abestuko du, gaur 19:30ean, San Prudentzio ermitan. Eskolako txirula eta biolin taldeek lagunduko diete. Bihar, ostirala, Kantaka abesbatzak egingo du Eguberri giroko kontzertua, 20:00etan, Sa...

Aimar Maiz

Legorretan San Tomas feria eta mus lehiaketa, bihar

Eguberrietako ekitaldien egitaraua bihar hasiko da Legorretan. San Tomas feria egingo dute, 11:30ean hasita. Txistulariek alaituko dute plaza. 12:30ean gabon kantak abestuko dituzte, eta 12:45ean ohiko urdaiazpiko zozketa izango da. Txistorra banatuko ...

Aimar Maiz

San Gregoriotik Ollangara mendi buelta egingo dute Ataungo eskolakoek, igandean

Joxemiel Barandiaran Herri Ikastetxeak mendi irteera antolatu du iganderako, abenduak 23. San Gregorio auzotik irten, 09:00etan, eta Ollangako bordaraino (760m) joan-etorria egingo dute. 13 kilometroko bidea da, eta hiru-bat orduko ibilia. Joanean, Lau...

Aimar Maiz

Ordiziako igerilarien jardunaldi ona Iruñean

Pasa den abenduaren 15ean TOP 6 txapelketa ospatu zuten Iruñean. 12 taldek hartu zuten parte bertan. 2011-2012ko denboraldian denborarik onenak egin dituzten Espainiar estatuko 85 igerilari elkartu ziren bertan. Ordiziako taldeak hamaika igerilari eraman zituen. Froga ia guztietan egon zen …

Goierriko Hitza

Txistorra eta dantzaldia, San Tomas egunerako

Beasaingo Aranealde adinekoen zentroak ekitaldi sorta antolatu du Eguberrietarako. Aurreneko ekitaldiak bihar bertan hasiko dituzte, San Tomas egunarekin. Bostetan hasita, txistorra jana egingo dute, eta ondoren, dantzaldia ere izango dute. Igandea...

Beasaingo Hitza
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa