'Dantza zati bat' erraldoia egin nahi dute Beasainen, ekainaren 15ean
Nazioen Mundua autodeterminazioaren aldeko herri mugimenduak urteroko jaialdia egingo du ekainaren 15ean, Beasainen. Besteak beste, kontzertuak, herri bazkaria, asto kaka lehiaketa eta sagardo eta talo festa egingo dituzte. Ekitaldi horien artean, gainera, 'Dantza zati bat' ekimenaren beste atal bat grabatuko dute. Dantzaldi "erraldoia" izatea lortu nahi dute, gainera. Parte hartu nahi dutenek, aurrez ikasi behar dituzte dantzarako pausoak.
Nazioen Mundua autodeterminazioaren aldeko herri mugimenduak urteroko jaialdia egingo du ekainaren 15ean, Beasainen. Besteak beste, kontzertuak, herri bazkaria, asto kaka lehiaketa eta sagardo eta talo festa egingo dituzte. Ekitaldi horien artean, gainera, ‘Dantza zati bat’ ekimenaren beste atal bat grabatuko dute. Dantzaldi “erraldoia” izatea lortu nahi dute, gainera. Parte hartu nahi dutenek, aurrez ikasi behar dituzte dantzarako pausoak. Loinazko San Martin plazan egingo dute; plazako kioskoan bi dantzari ariko dira, gidari moduan. Bigarren dantza molde bat ere prestatu dute, “errazagoa”, inguruko kaleetan egiteko.
