Itsaso, berriz udalerri
Desanexio prozesuari bukaera eman dio Itsasok, udalerri bezala eratu eta udalbatza berria sortuta. Gorka Sasietak hartu du batzordearen gidaritza; Garikoitz Aiestak eman dio aginte makila
Bost urteko ibilbidearen ondoren, itsasoarren borondatea ofizialki gauzatu da. Itsasok udalerri izaera berreskuratu du, duela lau hamarkada egindako «injustizia historikoa» gaindituz. Hala, Goierriko 23. herria eta Gipuz-koako 89.a izango da. Ostiralean egin zuten udalbatza berria osatzeko osoko bilkura, eta Gorka Sasietak hartu du aginte makila. Ekitaldi jendetsua izan zen, eta herritarrek goraino bete zuten batzar aretoa. Sasietak, orain arte Ezkio-Itsasoko alkate izan den Garikoitz Aiestaren eskutik jaso du aginte makila.
Udalerri berriak 165 biztanle eta 8.856 metro koadroko azalera izango ditu, 1964ko mugek zehazten zutena errespetatuz. Hurrengo udal hauteskundeak egin bitartean, kudeaketa batzorde batek gidatuko du Itsasoko udalbatza sortu berria. Bost herritarrek osatuko dute; Gorka Sasieta, Jose Maria Barrenetxea, Anttoni Okariz, Maria Isabel Olanga eta Xabier Elgarresta dira ardura hartu dutenak, 2015eko hauteskundeetan Itsasoko mahaian izandako emaitzak kontuan hartuta. Guztiek ere, kargua zin egin zuten ostiraleko ekitaldian. Ondoren, boto bidez, batzordearen buru izango dena aukeratu zuten: Gorka Sasieta.
Garikoitz Aiesta, Ezkio-Itsasoko alketa izateaz gain, itsasoarra da, eta oso gertutik bizi izan du desanexio prozesua, 2011. ur-tean hasi zutenetik. Orduan hasitako bide hark «bere fruitua» eman duela eta horregatik «egun handia» zela adierazi zuen. Batzordeko kideei animoak eman zizkien. «Ardura handia bada ere, ezer gutxi dago norbere herriaren kudeatzaile edo ordezkari politiko izatea baino, herriaren alde lan eginez, lan gogorra da, baina merezi du». Bide berri honetan, ordezkari horiek «inoiz baino gehiago herritarren partehartzea» beharko dutela azaldu du, «inoiz baino gehiago, herritarren garaia» delako.
Haren eskutik jaso zuen Itsasoko aginte makila Gorka Sasietak. Hark ere, «urrats handia» eman dutela esan zuen. «Udala da herritarrengandik gertuen dagoen administrazioa, herriaren bizkarrezurra beharko lukeena, eta Itsasori dagokionean, hain garrantzizkoa». Udala martxan jartzearekin batera, «gertuagoko zerbitzuak eta kalitatezkoak» eskaintzea, herriko «espazio publikoak egokitzea» edota Itsaso mapan kokatzea izango dira datozen urteetarako erronketako batzuk.
Herritarrei ere mezua bidali zien Sasietak: «elkarrekin nahi dugun herria partaidetzan eta gardentasunean» eraikitzen joan behar dutela esanez.
Aldundiaren babesa
Itsasoren desanexio prozesuak Gipuzkoako Foru Aldundiaren babesa izan du. Hain zuzen ere, aldundiari zegokion udalbatza berria sortzeko bilkura deitzea. Babes horren adierazle da Markel Olano Ahaldun Nagusia eta Imanol Lasa Gobernantza eta Gizartearekiko Komunikazioko diputatua udala osatzeko bilkuran egon izana.
Itsasoarrei zorionak ematearekin batera, «une historikoa» dela gogorarazi zuen, erabaki horren bidez, «oker historiko bat, 1964an egindako injustizia historiko bat» zuzendu baitute. «Garai hartan Francok egin zuen injustizia hark ondorio txarrak ekarri zizkizuen, besteak beste despopulazio prozesu bat egon zen, baina pixkana, adreiluz adreilu herriaren sen horri eutsiz berpiztu egin zarete». Berpizkunde horretan auzolanak izan duen garrantzia aipatu du. «Hau ez da mugimendu artifizial bat, hemen herri bat dago, auzolana egiten duena, eta neurri batean gipuzkoarroi eta euskaldunoi bidea erakusten diguna, hemendik aurrera nola jokatu jakiteko, norbere interes partikularrak alde batera utzi eta herria jarri behar dela guztiaren gainetik, alegia».
Udala sortzeko erabakia ez ezik, desanexio prozesua bera ere goraipatu zuen Olanok, prozesu osoa «eredugarria» izan dela iritzi baitio. Itsaso Bherria plataformaren lana eta herritarrek emandako pausoak aipatu zituen. «Partehartzea egon da, bideragarritasun plan bat Siadeco enpresak egindakoa egin da, azken batean, gauzak txukun egin dira». Itsasoarrei eta batzorde kudeatzaile berriari ere, babesa adierazi zien. «Bidelagun izan gaituzue orain arte, eta aurretik duzuen bidean ere laguntzeko dago Aldundia, behar duzuen guztian».
Itsasoko Udala hartuko duen aretoan egin zuten zin egite eta kargu hartze ekitaldia. Ondoren, ostatuaren atarira jaitsi eta dantzariek agurra egin zieten agintariei. Mokadu bat eginez bukatu zuten eguna, herritarren txalo eta biba artean.
Haren eskutik jaso zuen Itsasoko aginte makila Gorka Sasietak. Hark ere, «urrats handia» eman dutela esan zuen. «Udala da herritarrengandik gertuen dagoen administrazioa, herriaren bizkarrezurra beharko lukeena, eta Itsasori dagokionean, hain garrantzizkoa». Udala martxan jartzearekin batera, «gertuagoko zerbitzuak eta kalitatezkoak» eskaintzea, herriko «espazio publikoak egokitzea» edota Itsaso mapan kokatzea izango dira datozen urteetarako erronketako batzuk.
Herritarrei ere mezua bidali zien Sasietak: «elkarrekin nahi dugun herria partaidetzan eta gardentasunean» eraikitzen joan behar dutela esanez.
Aldundiaren babesa
Itsasoren desanexio prozesuak Gipuzkoako Foru Aldundiaren babesa izan du. Hain zuzen ere, aldundiari zegokion udalbatza berria sortzeko bilkura deitzea. Babes horren adierazle da Markel Olano Ahaldun Nagusia eta Imanol Lasa Gobernantza eta Gizartearekiko Komunikazioko diputatua udala osatzeko bilkuran egon izana.
Itsasoarrei zorionak ematearekin batera, «une historikoa» dela gogorarazi zuen, erabaki horren bidez, «oker historiko bat, 1964an egindako injustizia historiko bat» zuzendu baitute. «Garai hartan Francok egin zuen injustizia hark ondorio txarrak ekarri zizkizuen, besteak beste despopulazio prozesu bat egon zen, baina pixkana, adreiluz adreilu herriaren sen horri eutsiz berpiztu egin zarete». Berpizkunde horretan auzolanak izan duen garrantzia aipatu du. «Hau ez da mugimendu artifizial bat, hemen herri bat dago, auzolana egiten duena, eta neurri batean gipuzkoarroi eta euskaldunoi bidea erakusten diguna, hemendik aurrera nola jokatu jakiteko, norbere interes partikularrak alde batera utzi eta herria jarri behar dela guztiaren gainetik, alegia».
Udala sortzeko erabakia ez ezik, desanexio prozesua bera ere goraipatu zuen Olanok, prozesu osoa «eredugarria» izan dela iritzi baitio. Itsaso Bherria plataformaren lana eta herritarrek emandako pausoak aipatu zituen. «Partehartzea egon da, bideragarritasun plan bat Siadeco enpresak egindakoa egin da, azken batean, gauzak txukun egin dira». Itsasoarrei eta batzorde kudeatzaile berriari ere, babesa adierazi zien. «Bidelagun izan gaituzue orain arte, eta aurretik duzuen bidean ere laguntzeko dago Aldundia, behar duzuen guztian».
Itsasoko Udala hartuko duen aretoan egin zuten zin egite eta kargu hartze ekitaldia. Ondoren, ostatuaren atarira jaitsi eta dantzariek agurra egin zieten agintariei. Mokadu bat eginez bukatu zuten eguna, herritarren txalo eta biba artean. 
