Xanti Lizarragak irabazi du ehiza txikiko txapelketa
GOIERRI // Zaldibiako Gaztelu elkarteko Xanti Lizarraga izan da Goierriko ehiza txikiko txapelketako garailea. Asteburuan jokatu zen lehiaketa, Segurako Txoritegi Elkarteak antolatuta. Aitz Zorrotz Elkarteko Manuel Piñeirak amaitu zuen bigarren eta Ordiziako Azari Elkarteko Jokin Iturriotzek, hirugarren. Hirurak joango dira Gipuzkoako txapelketara. Jose Luis Iparragirre eta Lorenzo Iparragirre beteranoetan eta Ander Ormazabal eta Oier Urbitarte gazte mailan ere han izango dira.