Bele Gazte gaztelekuak ostiralean emango dio hasiera ikasturteari
Meriendatxoa egingo dute 18:00etan. Ezkioko gaztelekua dagoeneko martxan da eta izena emateko epea zabalik dago.
Zegamako Bele Gazte gaztelekuak ostiralean ekingo dio ikasturteari. 18:00etatik aurrera, meriendatxoa egingo dute, eta nerabeekin batera, urritik abendura egingo dituzten ekintzen programazioa osatuko dute. Azken urteetako ordutegi bera izango du gaztelekuak: ostiraletan 17:00etatik 20:00etara, eta larunbatetan 16:30etik 20:30era. Informazio gehiagorako belegaztegaztelekua@gmail.com helbidera idatzi edo 690 26 48 43 telefono zenbakira deitu behar da.
