Ospakizuna: Asteburu Mikologikoa Legazpin
Iazko Asteburu Mikologikoan zehar Azokan egin zen perretxiko erakusketa.Tere Madinabeitia Urriaren 11etik 13ra Asteburu Mikologikoa ospatuko dute Legazpin.
EGITARAUA
Urriak 11. Ostirala
- 17:00-20:00. Norbanakoek bildutako perretxikoen jasotzea Lekanazpi elkartean. Aranzadiren gomendio jasangarriak jarraituz perretxiko bakoitzaren ale bat edo bi jasotzea/ekartzea eskatu nahi dugu, garrantzitsua delako perretxikoak basoan geratzea. Antolatzaileekin harremanetan jartzeko deitu 611 040 487 telefonora.
Urriak 12. Larunbata
- 9:30-12:30. Ibilbide mikologiko gidatua. Perretxikoen inguruan zerbait ikasteko prest daudenentzat. San Martingo aurkepean elkartuko gara 9:30etan eta bi-hiru ordu inguruko ibilbidea egitea aurrikusten dugu. Aurrez izena ematea ez da beharrezkoa. Ez dago plaza mugarik. Adin guztiei zuzendutako ibilbidea da; bakarrik, lagunekin, taldean edo familiarekin egiteko plana da. Ibilbide bikaina, azoka gunean amaituko da (salda eta txorizoa denontzat). Jende asko elkartuz gero, talde desberdinak osatuko dira. Ibilbidean perretxikoen mundu zoragarrira gerturatuko gara. Aurkitzen ditugun perretxikoak bereiztu eta ezagutuko ditugu. Perretxikoek ekosisteman eta bizitzaren zikloan duten garrantziaz arituko gara. Ziur gaude ibilbide honetan, hainbat mota desberdinetako perretxikoak aurkitu eta bilduko ditugula. Jasotako perretxikoak erakusketa antolatzeko erabiliko ditugu, gure inguruko espezie ohikoenak erakusteko asmoarekin.
- 11:00-14:00. Perretxikoak jasoko dira azoka gunean. Perretxikoen truke salda eta txorizoa eskainiko da. Goizeko ibilbide mikologiko gidatuan bildutako perretxikoez gain, norbanakoek euren kaxa basoan bildutako perretxikoak jasoko dira. Aranzadiren gomendio jasangarriak jarraituz perretxiko bakoitzaren ale bat edo bi jasotzea/ekartzea eskatu nahi dugu, garrantzitsua delako perretxikoak basoan geratzea.
- 12:30. Musika emanaldia zuzenean, Legazpiko Ai Ze taldearen eskutik.
- 13:00-14:30 eta 19:00-21:00. Txanpi Solidarioen banaketa. Bildutako dirua HOTZ LEGAZPI elkartearentzat izango da. Hotz Legazpi errefuxiatuekin konprometitutako boluntarioen talde bat da, eta gogor lan egiten dute euren egoera hobetzeko ahal den neurrian laguntzen. Arropa eta janari bilketa, dokumental proiekzioak, hitzaldiak, sentsibilizazio jarduerak eta abar antolatzen dituzte. Kulturen arteko bizikidetza sustatzen dute eta giza eskubideak defendatzen dituzte, bereziki asilo eskubidea.
- 15:00-18:30. Perretxiko sailkapena Aranzadi zientzia elkartearen eskutik. Perretxiko bakoitzari bere izena jarriko zaio, bakoitzaren berezitasunak aipatuz. Gainera denbora tarte honetan interesa duten perretxiko biltzaileek, Aranzadi elkartekoei zuzentzeko aukera izango dute. Zalantzak argitzeko eta galdera mikologikoak egiteko tarte librea izango da.
- 18:30-23:00. Perretxikoen erakusketa. Era guztietako perretxikoak jarriko ditugu bistara, hartara, herritarrek horien arteko ezberdintasunak ikus ditzaten, eta jatekoak direnak bereiz ditzaten. Jasangarritasun irizpideak jarraituz, 100 mota desberdin sailkatzea/erakustea hobetsiko da.
- 19:00-21:00. Upelgilearen begia apustu-jokoa.
- 21:00. Saskia pisatzea eta sari banaketa. Irabazleak perretxikoz betetako saskia, makila eta labana jasoko du (“saskia bete bihotz”).
- 22:00. Itxiera
Urriak 13. Igandea
- 10:00-15:00. Perretxikoen erakusketa azokan.
- 12:00-13:30. Umeentzako marrazketa gunea. Gaia: Perretxikoak.
- 12:00-14:30. Upelgilearen begia apustu-jokoa. Apustu bat da. Perretxikoz betetako saskiaren pisua ea nork asmatzen duen edo nork gehien hurbildu.
Saria: Perretxikoz betetako saskia, makila eta labana. - 13:00-14:30. Hainbat perretxiko pintxoren dastaketa azokan, borondatearen truke.
- 14:30. Saskia pisatzea eta sari banaketa. Irabazleak perretxikoz betetako saskia, makila eta labana jasoko du (“saskia bete bihotz”).
- 15:00. Itxiera
