Turismoaren 'Bikaintasuneko Lekua' saria eskuratu du Goitur elkarteak
Eden saria Europa mailako da , eta aurtengo gaia gastronomia turismoa izan da. Sari honen bitartez, Goierri leku turistiko erakargarrien sarean txertatuko da urte guztianGoitur Goierriko Turismoaren Garapen Agentziak 2015. urteko Eden saria irabazi du....
Eden saria Europa mailako da , eta aurtengo gaia gastronomia turismoa izan da. Sari honen bitartez, Goierri leku turistiko erakargarrien sarean txertatuko da urte guztian
Goitur Goierriko Turismoaren Garapen Agentziak 2015. urteko Eden saria irabazi du. European Destinations of Excellence-ren akronimoa da Eden, eta Europako Bikaintasuneko Lekuak eta eta Europako Batasunean garatzen diren turismo iraunkorreko ereduak sustatzen ditu. Aurten deialdiaren gaia gastronomia turismoari zuzendutakoa zen. Goiturrek datozen egunetan plazaratuko du nazioarteko sari honen inguruko balorazioa.Estatu bakoitzean urtero egiten den lehiaketa bat du oinarrian proiektu honek, eta bertan estatu bakoitzeko turismoaren Bikaintasuneko Lekuak aukeratzen dira. Arreta handiz egiten den aukeraketa prozesu honen bitartez, Europako leku turistiko ezberdinen balioak, aniztasuna eta ezaugarri komunak modu eraginkor batean antzematea lortzen da, hori baita, azken batean, Eden proiektuaren helburu nagusia.
Ikusgarritasuna indartu
Europan azaleratzen ari diren leku turistiko berrien ikusgarritasuna indartzen du batez ere nazioarteko ekimen honek. Horrez gain, sarituak izan diren leku turistikoen arteko harreman sarea sustatzen du, eta Europako hainbat herrialdetan dauden praktika onak partekatzeko plataforma baten sorrera ahalbideratu du.
Hautatuak izan diren leku turistikoen ezaugarri nagusiena ingurumenarekiko, kulturarekiko eta gizartearekiko duten iraunkortasun konpromisoa da. Sari honen irabazleak Europa mailan azaleratzen ari diren eta oso ezagunak ez diren leku turistikoak izan ohi dira, eta Europako Batasuneko 27 herrialdeetako zein Europan sartzeko hautagai diren herrialdeetakoak izan daitezke.
Aukeratuak izan diren leku turistikoen jarduera iraunkorrak Europan zabaltzen laguntzen du Eden proiektuak. Bide batez, helburu turistiko erakargarri bihurtzen ditu, eta bisitari asko jasotzen dituztenak arindu.
