Amets Bide dantza taldeak begirale ikastaroa antolatu du datorren ikasturterako
Ikastaroa urrian hasi eta 2016ko maiatzera arte luzatuko da, 500 euroko prezioa du. Izena emateko epea zabalik dago honezkero. Dantza prestakuntza heziketarekin uztartuko duteOrdiziako Amets Bide dantza taldearen familia handituz doa eta garai berrieta...
Ikastaroa urrian hasi eta 2016ko maiatzera arte luzatuko da, 500 euroko prezioa du. Izena emateko epea zabalik dago honezkero. Dantza prestakuntza heziketarekin uztartuko dute
Ordiziako Amets Bide dantza taldearen familia handituz doa eta garai berrietara egokitu bidean, begirale ikastaroa antolatu dute. Aisialdi begirale ikastaroa da, datorren ikasturte osoan iraungo duena. Dantza prestakuntza jasotzeaz gain, etorkizuneko monitoreek hezitzaile moduan garatzeko aukera izango dute.Ez da Amets Bidek datorren urtean burutuko duen proiektu bakarra. Proiektu guztiek euskal kultura eta hezkuntza ardatz izango dutela aurreratu dute. Begirale ikastaroa prestakuntzari lotutako proiektuen artean dago.
Dagoeneko ireki dute ikastaroan izena emateko epea. Izena emateko info@ametsbide.com helbidera idatzi daiteke edo 688 61 31 77 telefonora deitu.
Urtxintxa Eskolako irakasleek egingo dute ikastaroa urrian hasi eta maiatzera arte. Asteburuetan izango dira eskolak eta azaroan, urtarrilean zein apirilean asteburu bat aterpetxean egingo dute.
Ikastaroa Ordizian bertan egingo dute, Barrenan edota Amets Bideko egoitzan. Matrikulak 500 euro balio ditu eta iraupenari dagokionez 500 ordu teoriko, 25 lan ordu eta 120 ordu praktiko izango dira. Amaieran ikasleek memoria bat aurkeztu beharko dute. Pedagogia, psikologia, hezkidetza, musika eta lehen sorospenak landuko dituzte, besteak beste. Gainditzen dutenek Eusko Jaurlaritzak homologatutako Haur eta Gazteen Aisialdirako Begirale titulua eskuratuko dute.
