Ehunmilak eta G2H probak iruditan

Goierriko Hitza

2016/07/11

Irteerako nerbioak, txalaparta, aurreskua, musikaren indarra, gogoak… denak nahasten dira Ehunmilak eta G2H proben hasieran. Mendi lasterketarik gogorrenak, ordea, irudi ederrak uzten ditu urtez urte, eta hala izan da aurten ere. Javi Dominguez arabarrak hirugarren aldiz irabazi du EHM ultratrail proba, ia bide osoa bakarka egin eta gero. Bidean galduta ere ibili zen, Etzegarate inguruan, baina hala ere, ordubetetik gorako aldea atera zion bigarrenari. Aurten sorpresa podiumeko postuetan izan da, bi goierritarrek, Adur Mendizabal zaldibiarrak eta Jon Aizpuru beasaindarrak bete baitituzte bigarren eta hirugarren postuak, hurrenez hurren. Emakumezkoetan ere irabazle garbi bat izan da, denen ahotan faborito nagusia zen Silvia Trigueros. Bizkaitarrak bost ordutik gorako aldea atera zion bigarrenari, Severine Duhalde lapurtarrari. Agurtzane Argiarrok osatu zuen podiuma, hirugarren postuan. Iker Zurutuza izan zen aurreneko goierritarra, sailkapen orokorreko 6. postuan. Bi handietan berriz, Daniel Agirre izan zen nagusi gizonezkoetan; ia ordubeteko aldea atera zion Iokin Garai bigarren sailkatuari. Podiuma Mikel Etxebarriak osatu zuen. Emakumezkoetan berriz, lehia estuagoa izan zen, eta Leire Martinez izan zen azkarrena; hamabost minutuko aldea atera zion Elena Calvillo beasaindarrari. Beste goierritar batek, Aitziber Osinalde legazpiarrak, osatu zuen podiuma. EHUNMILAK – SAILKAPEN OROKORRA Gizonezkoak

Javi Dominguez ……………… 23:22:37
Adur Mendizabal ……….. 24:28:41
Jon Aizpuru ……………….. 24:54:39
Josu Ballesteros ………… 25:20:34
Aitor Otamendi ……………… 25:32:35
Iñaki Catalan …………………. 25:44:21
Imanol Aleson ……………….. 25:48:38
Oihan Arzua ………………….. 28:14:48
Rui Pacheco ………………….. 27:18:54
Jonathan Jimenez …………. 27:25:34