Alos Quartet taldearen doinuak eta Aukeran konpainiaren dantzak ostiralean Beasainen
Igartza Musika programaren barruan, ostiralean, 22:00etan, Beasaingo Usurbe Antzokian, harizko instrumentuz osatutako Alos Quartet musika taldeak eta Aukeran dantza konpainiak Garden diskoa aurkeztuko dute. Musika eta dantza uztartuko dituzte ikuskizu...
Igartza Musika programaren barruan, ostiralean, 22:00etan, Beasaingo Usurbe Antzokian, harizko instrumentuz osatutako Alos Quartet musika taldeak eta Aukeran dantza konpainiak Garden diskoa aurkeztuko dute. Musika eta dantza uztartuko dituzte ikuskizunean: «Arin arinetik tangora, fandangotik bals eztietara eta doinu lasaietatik erritmo indartsuetara» egingo dute jauzi Lorena Nuñez (biola), Francisco Herrero (biolina), Xabier Zeberio (Nyckelharpa, biolina) eta Pello Ramirez ordiziarrak (celloa).
1999an elkartu zen laukotea Zuberoan, Niko Etxart kantariaren bidez. Elkartze hartatik Alos Quartet sortu zen eta harrezkeroztik proiektu ugari ari dira aurrera eramaten, «musikaren ikuspuntu zabal eta mugarik gabekoa elkartuta». Batez ere musika klasikoaren bidea jorratzen hasi baziren ere, pixkanaka folk alderanzko bidea hartu dute. Ondorioz, Euskal Herriko hainbat musika talderekin elkarlanean aritu dira: Oskorri, Kepa Junkera, Oreka TX, Esne Beltza, Los Piratas, La Buena Vida, Olatz Zugasti, Bide Ertzean, Ken Zazpi, Niko Etxart… Hainbat soinu banda ere egin ditu hari laukoteak. Garden diskoan, Eñaut Elorrietak eta Oreka TX taldeak parte hartu dute. Hainbat kontzertutan Elorrietak eta txalapartariek parte hartzen badute ere, Beasaingo oholtzan Alos Quartet eta Aukeran taldeetakoak izango dira.
Euskal Herriko musikariekin elkarlanean aritzeaz gain, Edu Murumendiaraz bergararrak zuzentzen duen Aukeran Dantza Konpainiaren dantzekin ere osatu dute ikuskizuna.
Sarrerak salgai
Orain arte Igartza Musikaren barru antolatutako kontzertu guztiak doakoak izan badira ere, ostiralekoan sarrera kobratuko dute; 10 euro. Usurbe Antzokiko leihatilan eta internet bidez, Kutxabanken atarian eros daitezke.
Goierriko albisteak euskaraz, libre eta kalitatez jaso nahi dituzu? Horretarako zure babesa ezinbestekoa zaigu. Egin zaitez harpidedun, izan HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.