Dantzarien soka luzea

San Isidro egunak bat egin du Beasaingo Loinatz Jaietako baserritarren egunarekin.

Goierriko Hitza

2018/05/15

Atzo egun handiaren eta luzearen ondoren, beasaindarrei kosta egin zaie etxetik ateratzea, baina eguerdirako, jendetza atera da kalera. Batetik, plazako haurren soka dantza ikustera eta bestetik, barazki, artisau eta ganadu azokak ikustera. Soka luzea osatu dute dantzari txikiek. Iluntzean, 19:00etan, helduen soka dantza izango da. Amets Arzallus, Unai Agirre, Iñaki Apalategi eta Iker Zubeldiaren bertso saioak ere jendetza elkartu du Bideluze plazan. Iluntzeko bertso saioa Loinazko San Martin plazan egingo dute. Loinatz jaietako asteartean hutsik egiten ez duen postua, Segurako talogileena izaten da. Aurten ere, ilara luzea osatu da taloak erosteko. Azokako sarituak Barazki eta landare azokan ohi bezala sariak banatu dituzte. Bertako barazkietan, Aramako Patxi Arizmendi, Beasaingo Josetxo Mendia eta Beasaingo Maria Rosario Txintxurreta saritu dituzte. Hornidurari dagozkion sariak, Lazkaoko Leire Ugartemendiak, Josetxo Mendiak eta Patxi Arizmendik jaso dituzte. Loreei dagokiona, azkenik, Zaldibiako Iñaki Azanzak eta Aramako Aritz Urretabizkaiak.

Azken elkarrizketak

Azken bideoak

Argitalpen bereziak