Maiatzaren 2an irekiko dute haurreskoletan izena emateko epea
Maiatzaren 2tik 13ra bitartean zabalik egongo da Haurreskolak Partzuergoko haurreskoletan izena emateko epea, datorren irailetik aurrera hasteko. Legazpiko San Juan Haurreskolan 26 plaza libre egongo dira: 16 plaza 0 eta 1 urte arteko umeen gelan eta ...
Maiatzaren 2tik 13ra bitartean zabalik egongo da Haurreskolak Partzuergoko haurreskoletan izena emateko epea, datorren irailetik aurrera hasteko. Legazpiko San Juan Haurreskolan 26 plaza libre egongo dira: 16 plaza 0 eta 1 urte arteko umeen gelan eta 10 plaza 1 eta 2 urte artekoenean. Itxaropen Haurreskolan, berriz, 13 plaza egongo dira libre: 8 plaza 0 eta urtebetearteko haurrentzat eta 5 plaza urte bat eta bi dituztenentzat.
www.haurreskolak.net webgunean, Informazioa/Gurasoak atalean, haurreskolei buruzko triptiko informatiboa, izena emateko orria eta aurkeztu beharreko dokumentazioa jarri dituzte eskuragai.
Eskaera gurasoek aukeratzen duten haurreskolan bideratu beharko dute. Hala ere, zalantzak argitzeko haurreskoletara zuzenean jotzeko gomendatu dute, aurrez deitu ondoren.
• San Juan Haurreskola: 943 73 04 34 (ordutegia 07:30-17:00)
• Itxaropen Haurreskola: 943 73 37 78 (ordutegia: 07:30-16:00).
