Beasainek puntu bakarra lortu du etxean, Portugaleteren kontra bana berdindu eta gero. Iñaki Polaren mutilek agur esan diote dagoeneko igoerako play offa jokatzeko aukerari, baina bosgarren postuari eutsi nahi diote. Partida lehiatua eta orekatua izan da eta erritmoa etxekoek jarri badute ere, aurreneko zatian ez dute asmatu euren aukerak aprobetxatzen. 24. minutuan eztabaidarako jokaldia izan da; Portugaleteko atezainaren eta defentsa baten artean, ateko marra gainetik atera dute baloia, baina ez da sartu, epailearen ustetan. Bigarren zatian ere gehiago izan da Beasain, baina bizkaitarrek aurrea hartzea lortu dute, Javi Gonzalezek buruz egindako gol bati esker. Alberto Alejandrok berdindu du partida etxekoentzat, buruz egindako beste erremate batekin.
Udanako igoera jokatzen ari dira gaur, arratsaldean zehar. Proba hasi berritan, ezbeharra izan da, parte hartzen ari ziren gidarietako baten autoa errepidetik irten denean. Errepide bazterrean zeuden hainbat ikusle aurretik eraman ditu autoak; larriald...
Uda giroa lagun dutela atera dira kalera Lazkaoko koadrila eta lagun taldeak. Blusa koloretsuak soinean jantzita, poteoan ibili dira goiz-eguerdi partean, Incansables txarangaren doinuekin batera. Eguerdian bazkariak izan ohi dituzte gehienek, eta arratsaldean jarraituko du festak. Gauean, kontzertuak izango dituzte, Sorkun eta Reincidentes taldeekin. Goizeko beste ekitaldia, 68. San Prudentzio txirrindulari lasterketa izan da. Azysa taldeko Jorge Martinek irabazi du etapa. Proba hori ordea, Gipuzkoako txapelketarako ere baliagarria zen, eta gaurko etaparen ondoren, Ugaitz Artolak irabazi du txapela nagusia. 23 urtez azpikoetan berriz, Antton Ibargurenentzat izan da saria. Gaur, festen agurra Biharko egunarekin agurtuko dituzte San Prudentzio jaiak lazkaotarrek. Goizean igeri lehiaketa izango da kiroldegian eta eguerdian, bakailo lehiaketa plazan. Kaleko giroa alaitzeko, Sugarri fanfarrea ibiliko da kalez kale eta 16:00etan, toka lehiaketa herrikoia egingo dute. Azkenik, arratsaldeko seietan, haurren danborrada egingo dute, San Prudentzio auzotik abiatuta, plazaraino. Eguna bukatzeko, Zonbin Blai taldearen kale animazioa izango dute.
Atzo estreinatu zituzten Santikutz jaiak Legazpin, eta gaurkoa, festen bigarren eguna izango da. Goizean, erraldoien kalejirarekin hasi da kaleko giroa pizten. Trikitilariek, txistulariek, dultzaineroek eta txarangak lagunduta, zortzi herritako 30 bat erraldoik zeharkatu dituzte herriko kaleak, kalejira bizi eta koloretsuan. Egun berezia ospatzen zuten gaur Legazpiko konpartsakoek, izan ere, beraien erraldoietako bik, Anttonek eta Anttonik, mende laurdena bete dute. Jose Inazio Urbieta debarrak egin zituen duela 25 urte. Ez dira ordea, Legazpiko konpartsak dituen erraldoirik zaharrenak; mende erditik gertu dabilen beste erraldoi bikote bat ere badago, Zaragozatik ekarritakoak. Gaur goizeko kalejiran parte hartu dutenen artean, Legazpiko erraldoi konpartsaz gain, Ordizia, Oiartzun, Azpeitia, Añorga, Olite, Tutera eta Barañaingoek parte hartu dute. Erraldoi horien artean, mota guztietako erraldoiak ikus zitezkeen. Gehienak, tokian tokiko jantziak eta folklorea irudikatzeko eginak dira, baina tartean, atzerriko kulturen ordezkariak ere baziren, hala nola, Afrika eta Asiakoak. Pilota txapelketako finalak eta kontzertuak Eguerdian berriz, Doinua eta Legazpi musika bandek saioa eskaini dute. Bazkalondoan, arratsaldean jarraituko du Santikuntz jaien egitarauak. Gaur, besteak beste, plater tiraketa eta herri mailako pilota txapelketako finalak izango dituzte, arratsaldean. Gauean berriz, rock kontzertuak izango dira gaztetxean, Kaos Urbano, Skacha eta CC237 taldeekin.
Datorren ostiralean, maiatzak 6, futbol zazpiko txapelketa antolatzeko bilera egingo da Legazpiko kultur etxean, 18:30ean. Izena eman duten talde bakoitzeko ordezkari bana joan beharko da bilerara. Informazio gehiagorako: www.futbolzazpilegazpi.com.
Ekintza Plan eguneratuaren aurkezpena egingo dute datorren astelehenean Idiazabalen, Agenda 21eko partehartze foroaren bileran. Aurkezpenarekin batera, lehentasun handiena duten ekintzen aukeraketa egingo dute batzarrean elkartzen diren herritarren, ...
Gaur gauean afari musikatua egingo dute Gabiriako Osinalde elkartean, herriko gazte talde batek antolatuta. Afaria hilero egiten dute azken ostiraletan, baina gaurkoari beste izaera bat eman nahi izan diote. Afariarekin ateratako dirua Goruntz dantza...
Ramon Arrizabalagaren lanak igandera (maiatzak 1) bitartean ikusi ahalko dira Aizkorriko Ataria interpretazio zentroan. Arrizabalaga ogibidez arotza zen. Egun erretiratuta dago, baina egurrezko piezak egiten jarraitzen du. Egurra lantzeari utzi gabe, b...
2010eko lehen hiruhilekoan izandako salmenta zifra handitu egin du aurten CAFek. Aurtengo martxoaren amaieran, negozio zifraren zenbateko garbia 399.282 mila eurokoa zen, iaz garai berean baino %13 gehiago. Kopuru horren %63 esportazioei dagokie. CAFe...
Biok Ordizia saskibaloi taldeak garaipen garrantzitsua lortu du gaur etxean, sailkapeneko bigarren postuan dagoen Zarautzi 66 eta 59 irabazita. Igoera fasea jokatzeko postuetako borrokan dabiltza ordiziarrak eta pauso handia eman dute gaur. Zaleen babesa ere izan dute bi taldeek eta Majori kiroldegiko harmailan ehundik gora lagun bildu dira. Partida gogorra eta parekatua izan da, emozio handikoa. Aurreneko bi laurdenetan paretsu ibili dira bi taldeak; bost puntuko aldea ere atera dio Ordiziak Zarautzi zenbait unetan, baina atzera berdintzea lortu dute bisitariek. Hirugarren laurdenean atzetik ere joan dira etxekoak, baina 50 eta 49 aurretik zirela bukatu dute. Azken laurdenean erabaki da dena. Ordiziarrek ondo jokatu dute eta huts egiteak bi taldeen partetik etorri badira ere, Ordiziak gehiago asmatu du. Tentsio uneak eta eztabaidarako jokaldiak ere izan dira tartean. Bi minuturen faltan, Zarautzen aldeko hiru falta adierazi ditu epaileak, baina hauek ez dute aukera aprobetxatu. Bi kontraerasotan berriz ere aldea ateratzea lortu du Ordiziak eta azkenean, 66 eta 59 nagusitu dira.
Galiziar kulturaren eta gastronomiaren erakustoki bihurtu da Beasain. Atzo arratsaldetik bihar arte, galiziar festa ospatzen ari dira, Loinazko San Martin plazaren azpian. Udalak, Plazape tabernak eta Ehunmilak probaren antolatzaileek prestatu dute festa, Pulpalia enpresarekin batera. Gaur goizean, pulpoa eta galiziako beste hainbat jaki tipiko probatzeko aukera izan dute plazapera gerturatu direnek. Eguerdian gainera, Triskele folklore taldearen gaita doinuak entzuteko aukera izan da. Olagarroaz gain, txorizoa, piperrak, ardoa, urdaiazpikoa edota patata egosiak ere eskaintzen dituzte. Galiziar festak bihar arte jarraituko du, ordea. Gaur gauean, queimada banatuko dute doan. Bihar berriz, errekorren Guiness liburuan sartzeko ahalegina egingo dute. Francisco Ferreiro sukaldariak gidatuta, inoiz prestatu den galiziar erako olagarro platerik handiena egiten saiatuko dira. Bihar ere, izango da Triskele taldearen doinuak entzuteko aukera.
Suziriaren danbatekoarekin hasiko dituzte gaur Santikutz festak Legazpin. Asteartera arte, herriko kaleak ekintzaz, jendez eta kolorez beteko dira. Andraitz saskibaloi taldeak jaso du aurten pregoia irakurtzearen ardura. 25 urte bete ditu Legazpiko saskibaloi taldeak, eta urtemugaren ospakizunak hasi baino lehen, herritarren aitortza beroa jasoko dute. Bestetik, urteroko egitarauak hainbat berrikuntza izango ditu aurten. Ostiralean esaterako, Doinua musika eskolako ikasleen kontzertuek hartuko dute Euskal Herria plaza; zapatuan eta igandean zalgurdien kalejira eta bilkura egingo dituzte, pilota txapelketen finalekin batera. Xake txapelket ere egingo du Santikutz elkarteak. Zalgurdien desfilea eta erakustaldia Ormazarreta zalditegiak antolatu ditu. Nafarroatik lau gurdi etorriko dira eta litekeena da hauei bertako beste bi gehitzea. Zapatuan erraldoiekin eta buruhandiekin ibiliko dira eta igandean plazan jarriko dituzte ikusgai. Igandean txirrindulari klasikari eta haurren danborradari kantu-poteoa eta Bertso Olarien bertso musikatuak batuko zaizkie eta astelehenean, berriz, ganadu eta baserriko produktuen feria ospatuko dute goiz partean Latxartegi parkean. Idi demak ere izango dira 19:00etan. Aurten ordea, erakustaldia izatetik lehia izatera pasako da saioa. Balentiñako, Olaberriko eta Julian Telleriaren idiek probalekua Kale Nagusiarengatik ordezkatuko dute. Herri danborrada eta ikurriña jartzea ere astelehen gauean egingo dituzte, eta baita piroteknia ikuskizuna ere. Asteartea azkenik Santikutz eguna izango da, ezpatadantzarekin eta Mirandaolako prozesioarekin. Olaria saria jasoko [...]
Xabier Mendiguren Elizegi idazle beasaindarraren Sakoneta liburua landuko dute irakurketa taldean. Dagoeneko irakurleen esku dago liburua, eta irakurketa taldean parte hartu nahi duenak maiatzaren 6a baino lehen eskuratu beharko du. Liburua lortzeko...
Pertsona helduen autonomia, ongizatea eta garapen pertsonala lantzeko programa aitzindaria jarriko dute martxan Gipuzkoako hainbat herritan. Ekainean emango dute aurreneko pausoa Ordizian eta Donostian; gerora, beste hamalau herri batzea espero dute. ‘Biziaren ekarpena’ programa, luzera begirako egitasmoa da eta lau fasetan banatuko dute. Aurrenekoan, herriko 250 bat lagunei azterketa fisiko, psikologiko eta soziala egingo zaie, haien osasun egoera eta gizartean duten harreman sarea neurtzeko. Gaur eguerdian aurkeztu dute ekimena Ordiziako Barrena jauregian. Udal ordezkariekin batera, Jokin Garrues, proiektuaren sortzailea eta koordinatzailea eta Imanol Amaiara eta Martin Baumaster doktoreak izan dira aurkezpenean, proiektuan parte hartuko duten soziologo, psikologo, mediktu eta gizarte langileekin batera. Horiek guztiek osatuko dute ‘Biziaren ekarpena’ proiektua aurrera aterako duen lan taldea. Garruesek azaldu duenez, egungo “demografia datuak eta adin piramideak ikusita, etorkizunean zerbitzu sozialetan arazoak” izango dituzte gizartearen beharrei erantzuteko. Hala, “beste pauso bat” eman nahi izan dute, “prebentzio aldetik, herritarrak adin horretara ahalik eta hobekien iristeko”. Horrelako proiektu bat aplikatzen hasteko “tokirik egokiena kiroldegiak” direla uste du Garruesek. Izan ere, 70eko hamarkadan izan zen ‘baby-boom’ haren ondorengo belaunaldiek, kirolaren eta osasunaren inguruko beste kultura bat garatu dute, eta horrek berak, “beste eskakizun batzuk” sortuko ditu etorkizunean. Hala, “kiroldegietan azterketa bio-psikosozial bat eta jarraipen bat eginez gero, [...]
Beasaingo Indar enpresak, 145 langileri eragiten dien erregulazio espedientea luzatu nahi du; Eolikoen eta Repair sailean lan egiten duten langileei, zehazki. Eolikoen sailean, eskariek %80 egin dute behera azken urteetan, eta, enpresaren iritziz, langile soberakina dago. Hala adierazi zien zuzendaritzak enpresa batzordeko kideei. 2008an 128 milioi euroko etekinak izan zituen Indarrek, 2009an 80 milioikoak eta iaz 25 milioikoak. Aurtengorako 18 milioi euro etekin izatea espero dute, eta beherakada horrek eragin du lan erregulazio espedientea aurkeztea. 2009an langile talde batek ordu negatiboekin amaitu zuen urtea, eta urte berean, azaroan, aurkeztutako EREari jarraipena ematen zaio orain. Lau fasetan egingo dute Orain bi urte Indar enpresak aurkeztu zuen lan erregulazio espedienteak ez du emaitza positiborik ekarri, eta ezin izan diote orduko arazoari aurre egin. Enpresak emandako argibideen arabera, arazoa ez da merkatuarena, estrukturala baizik, eskaerarik ez baitago. Hala, arazoari irtenbidea emateko asmoz aurkeztutako dosierraren arabera, lan erregulazio prozesua lau fasetan egingo dute. Aste Santuko oporren aurretik aurkeztu zuen Indarrek EREa, eta enpresa batzordeak eskatuta, maiatzaren 16ra arte inolako neurirrik ez hartzea adostu zuten. Momentuz, modu boluntarioan lana utzi nahi dutenekin negoziatuko du enpresak. Ondoren, Indarrek eta enpresa batzordeak adostutako pizgarriak onartzen dituzten langileen paperak bideratuko dituzte. Uztailean lan erregulazio espedientea beste sei hilabetez [...]
Alex de la Iglesiak, Guda Zibilaren ondorengo ''bi Espainien'' parodia egiten du filmean, zirku bateko bi pailazoen bizipenen bitartez....
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
