San Pedro bezperako erromeria bihar Garagartza plazan
Azken urteetako ohiturari jarraituz, San Pedro bezperako erromeria egingo dute bihar Garagartza plazan, Ordiziako Udaleko Euskara Zerbitzuak eta Hitzaro Euskara Elkarteak antolatuta. Festa 18:30ean hasi, eta suaren bueltan bukatuko da gauean. Hitzarok...
Azken urteetako ohiturari jarraituz, San Pedro bezperako erromeria egingo dute bihar Garagartza plazan, Ordiziako Udaleko Euskara Zerbitzuak eta Hitzaro Euskara Elkarteak antolatuta. Festa 18:30ean hasi, eta suaren bueltan bukatuko da gauean.
Hitzarok antolatutako V. Tortilla lehiaketa bi mailatan bereizita jokatuko da: batetik, norbanakoak, eta bestetik, taberna eta elkarteak. Irabazleek honako saria jasoko dute: patata zorroa, arrautza dozena, oliba olioa eta ardoa. Jakintza dantza taldeak girotutako erromeria 20:00etan hasiko da, eta sua 22:00etan piztuko dute. Ibilgailuentzako zirkulazioa moztu egingo dute gauean.
