Zaldibian atzo ospatu zen Ardiki Egunean, Maria Luisa Morea amezketarrak irabazi zuen, seigarren aldiz, mondeju lehiaketa. Hogei parte-hartzailek aurkeztu zituzten mondeju zuri sortak. Zaldibian bizi den Moreak iaz ere jantzi zuen txapela, baita 2000n ...
Markak hausten ari da Estanda Ordizia; asteburuan Chaboyme talde kanariarra mendean hartu du, eta zilarrezko ligako lider jarri da. Markagailuan kanariarrek aurrea hartu bazuten ere, berehala egin zuten berdinketaren gola. Handik aurrera, goitik behera...
Partida «zirraragarri» baten ondoren, Ampo Ordiziak garaipen garrantzitsua lortu du Sevillan, Cajasol Ciencias talde sendoaren kontra. Partida oso parekatua izan zen, eta bi taldeek jokatu zuten ondo. Bat aurretik jarri, besteak buelta eman, emozioa ...
Abesbatza Tolosako Nazioarteko Abesbatzen lehiaketan partaide da; bihar eskaniko du kontzertua 19:00etan Urretxuko Martin Donearen elizan.
Olaberriko Arcelor Mittal altzairu fabrikan zesio-137aren erradiazioa gertatu izanak alarma sortu du. Herenegun jakin zen altzairu artean isolatuta iritsitako isotopo nuklear hori galdaketa-labe batean urtu eta erradiazioa isuri duela kanpora. Atzo jakin zen, bestetik, zesio-137arekin kutsatutako hauts-hondarrak Olaberriko fabrikatik Erandiora (Bizkaia) garraiatu zituela kamioi batek. Han detektatu zuten erradioaktibitatea, eta atzera Olaberriara itzularazi zuten kamioia, Ertzaintzak eskoltatuta. Joan-etorria 194 kilometro da, errepidez. Espainiako Segurtasun Nuklearreko Kontseiluko (CSN) arduradunek eta politikariek “kalterik ez” duela eragin ziurtatu dute, ez ingurumenean, ez pertsonengan. Baina, zer da zesio-137a? Zesiotik (Cs) fisio nuklearrez eratorritako isotopo erradioaktiboa da. Kantitate oso txikitan ere oso kaltegarria da osasunarentzat. Ingurunera jariatu ondoren, batez beste 37 urte behar du erradioaktibitatearen indarra erdiraino gutxitzeko. Beta partikulak eta bario-137m isomero nuklearra geratzen dira desegiten denean; bario-137m isomeroak, bere aldetik, eraginaldi oso laburra du, baina gamma izpiak isurtzen ditu, azkenean bario-137 materia —nuklearki egonkorra— utzi aurretik. Zesio-137 materia ospitaleetan minbiziaren aurkako tratamendu erradioterapikorako erabili ohi da, baina kontrolik gabe jasoz gero minbiziaren eragile ere bada. Uretan disolba daiteke, eta airean ere barreiatzen da. Gorputzera janetan, likidoetan edo aire bidez sar liteke. Barneratzen denetik 5, 10, 20 edo 30 urtera minbizia eragin dezake. Potasioaren antzera zabaltzen da gizakien gorputzean, uniformeki; giharre-zuntzetan erasan handiagoa egiten [...]
Ataungo Amnistiaren Aldeko Mugimenduak biharko Elkartasun eguna iragarri du, euskal presoen eskubideak bete daitezela aldarrikatzeko. 09:00etan ibilaldia egingo dute, San Gregoriora. Ondoren, 11:00etan, Joxan Agirrek hitzaldia egingo du Herri Antzokian...
Legazpiko Izadi-Zaleak mendi elkarteak haurrentzako mendi irteera egingo du azaroaren 6an. Arrolamendira joango dira, goiz osoa iraungo duen irteeran. 8:00etan irtengo dira, mendi elkartearen egoitzatik. Lehen hezkuntzako hirugarren mailatik gorako ika...
Zelai Musik izeneko egitasmoaren barruko kontzertua izango da, Zelai Arizti kultur etxeko aretoan.
Guardia Zibilak hamabost lagun atxilotu ditu gaur Nafarroan, Euskal Herriko, Frantziako eta Espainiako hainbat enpresa eta tabernetan lapurretak egitea egotzita. Atxilotuek, 18 eta 54 urte artean dituzte, eta Ordizian bizi diren errumaniar nazionalitat...
Pasa den ostiralean zabaldu zuten Tximistako zubiaren eta tren geltokiaren artean egin duten bidegorria. 300 metroko zatia da, eta Ordiziako bidegorri sarea osatzeko bidean, beste pauso bat dela azaldu dute mugikortasun sailetik. Guztira, 111.000 euroko aurrekontua izan du, eta kopuru horren ia erdia (%47), Eusko Jaurlaritzaren dirulaguntza bati esker finantziatu dute. Proiektu hori egin ahal izateko, geltoki ondoko hainbat aparkaleku kendu egin behar izan dituzte, eta gelditzen direnetan, aparkaldi mugatuko gune urdina jarriko du udalak. Hala onartu zuen osteguneko osoko bilkuran. Gai horrek ere, eztabaida eragin zuen. Iban Asenjo Bilduko zinegotziak, neurri horrekin «herrigunean mugikortasun gehiago» lortuko dela esan zuen. Hala, Ordiziako geltokian trena hartzera autoz datozenek, egun osoan aparkaleku horiek okupatzen egon beharrean, San Bartolomeko aparkalekura jo beharko dute. Asenjoren hitzetan, «gune urdin honen helburua, trafikoa erregulatzea eta mugikortasuna bultzatzea da, ez dirua biltzea, horregatik gune horretan aparkatzeko ez da ordaindu beharko». Beste hiru zati egiteko asmoa Tximista eta geltokia lotzen dituan zatiaz gain ordea, beste batzuk ere egiteko asmoa du udalak. Pasa den astean hasi zituzten institutua eta Majori kiroldegia lotuko dituen bidegorria egiteko lanak ere. Hiru hilabeteko epean bukatu nahi dituzte lanak, eta guztira, 223.000 euroko aurrekontua dute; kasu horretan ere, Eusko Jaurlaritzaren laguntza izango dute obrak [...]
Film laburren gaua izango da biharkoa, eta tartean Gabirian grabatutako Baietz! Filma ikusteko aukera ere izango da tartean, 22:00etatik aurrera gaztetxean.
Euskal Herriko ziklo-kros egutegiak aurtengo neguan dituen 19 probetatik hiru Goierrin jokatuko dira. Orokorrean iaz baino proba bat gehiago dago, eta berrikuntzen artean aipagarrienetakoa Legazpikoa da, urte batzuen ondoren berreskuratu egingo dutelak...
Kirol eta festa giroa sortu da gaur goizean Beasaingo Igartza auzunean. Bealak korrikalari taldeak antolatuta errelebokako lehen proba gauzatzen ari dira, 10:00etan hasita. Goierri behealdeko 160 bat neska-mutiko bildu dira, lau kideko taldeetan. Beasa...
Jon Ander Albisu pilotari ataundarrak galdu egin zuen, atzo, Promozio Txapelketako (2. Maila) lau t’erdiko aurreneko norgehiagoka, Stephan Lemuno kolonbiarraren aurka (22-12). Balmasedan (Bizkaia) jokatu zuten txapelketako aurreneko neurketa. Ata...
Espainiako Zilarrezko maila ari den Estanda Ordizia areto futboleko nesken taldeak ligako lau partidetatik laurak irabazi ditu, eta A multzoko liderra da sailkapenean. Bihar lidergoa sendotzeko aukera izango du Majori kiroldegian, Kanariar Uharteetako ...
Akordiorik lortu ez badute ere, San Jose egoitzaren inguruan, adostasunera heltzeko borondatea erakutsi dute Ordiziako Udalbatzan ordezkaritza duten hiru alderdi nagusiek. Atzo iluntzeko osoko bilkuraren gai nagusietako bat izan zen. PSE-EEk aurkeztutako mozio baten harira piztu zen eztabaida, eta Belen Maiza zinegotziak, “urte beteren buruan egoerari konponbidea” ematea espero zuela argitu zuen. Iñaki Dubreuilek, PSE-EEren jarrera eta mozioa aurkezteko arrazoiak azaldu zituen aurrena. Testuak dionez, Gipuzkoako Foru Aldundiak duela hamar urte hartu zuen bere gain zerbitzu sozialetako egoitzen gaineko konpetentzia. Urte horietan ordea, Ordiziako Udalak diru kopuru handiak ordaindu ditu urtero San Jose egoitza mantentzeko. Urteko, bataz beste, 300.000 euro ordaindu ditu udalak, guztira, ia 3.000.000 euro. Aldundiak, urte batzutan, diru horren zati bat itzuli du, baina ez da laurdenera ere iristen. “Kopuru garrantzitsua da eta Foru Aldundiari berriz exijitu behar zaio 10 urtez asumitu ez duen konpetentzia hori bere gain har dezan”. Bilduko Belen Maiza zinegotziak, “egoera oso larria” dela erantzun zion, eta “hamar urte gai honi bueltaka” daramatzatela. Maizak gogorarazi zuen, epe horretan, hiru legealditan EAJk izan duela Aldundiaren gidaritza, eta gai horrek, 2010. urterako konponduta behar zuela. “Hamar urtean egin ez dena ez da orain bapatean egingo, denbora bat behar da”. Bestalde, aldundiko arduradunekin bildu dela azaldu [...]
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
