Legazpiko Izadi-Zaleak mendi elkarteak haurrentzako mendi irteera egingo du azaroaren 6an. Arrolamendira joango dira, goiz osoa iraungo duen irteeran. 8:00etan irtengo dira, mendi elkartearen egoitzatik. Lehen hezkuntzako hirugarren mailatik gorako ika...
Zelai Musik izeneko egitasmoaren barruko kontzertua izango da, Zelai Arizti kultur etxeko aretoan.
Urretxuko eta Zumarragako herritarrei koalizioa aurkezteko ekimena antolatu dute; 12:00etan Lizeo pareko zubia lotuko dute bildutako jende guztiarekin eta ondoren argazkia atera.
Ordiziako Udal Liburutegiak Haurrei ipuinak kontatzeko ikastaroa antolatu du azarorako. Guraso eta hezitzaileei begira antolatutako saioa da, eta Pello Añorga ipuin kontalaria izango da irakaslea. Hiru egunetan egingo dute ikastaroa: azaroaren 7an (17...
Irenek, kostako herri txiki bateko termako medikuak, analisi sakonak egin ondoren, bertako urak kutsatuta daudela aurkituko du. Herriko egunkariaren zuzendariak aurkikuntza larri horren berri eman dezan zirikatzen du Irene, baina bere ahizpak, herriko ...
Bealak korrikalari taldeak antolatuta, Beasaingo lehen errelebo lasterketa egingo dute bihar goizean. Korrilakari taldea sortu zenetik, herrian hainbat proba eta ekintza antolatzeko asmoa erakutsi dute Bealakekoek, eta biharko proba ere «gauza ezberdi...
Mintzalaguna ekimenaren aurkezpena, atzo Euskararen erabilera bultzatzeko, aurten ere Mintzalaguna proiektua jarri dute martxan AEK euskaltegiak eta Beasaingo Udal Euskaltegiak. Atzo arratsaldean egin zuten aurkezpena Igartza jauregian, eta bertan elkartu ziren bi euskaltegietako arduradunak eta Mintzalaguna proiektuan hainbat urtetan parte hartu duten herritarrak. Aurten proiektura batu diren beasaindarrak ere izan ziren aurkezpenean. Mintzalaguna proiektuaren helburua euskararen erabilera bultzatzea dela gogoratu zuen atzo Marian Toledok, udal euskaltegiko zuzendariak, proiektuaren bidez euskaraz dakitenei baina hitz egiten ez dutenei, eta euskara ikasten ari direnei euskaraz hitz egiteko aukera ematen baitzaie. Horretarako, boluntario gisa parte hartu nahi duten herritar euskaldunekin elkartzen dira, astean behin ordu betez, elkarrekin euskaraz hitz egiteko. Mintzalaguna proiektuan izena emateko epea itxita badago ere, urtean zehar ekimenera batu nahi duten guztiek AEK euskaltegiak Urbialde plazaren azpian eta udal euskaltegiak Jose Migel Iturrioz kalean duen bulegora gerturatu behar du, eta bertan izena eman. Udaletxean, Euskara sailean, ere badago horretarako aukera.
Hegaztia hiltzen ez den ehiza txapelketa egingo dute asteburuan Aralarren, Euskal Herrian Field Trial elkarteak antolatuta, Gipuzkoan lehen aldiz; oilagor ‘ehiza’ da, baina txakurra da izarra.Bihar-etzitan Gipuzkoan sekula ikusi gabeko ehiza txapelketa jokatuko da Enirio Aralar parke naturalean. Hegaztia hil gabeko modalitatearen lehen proba antolatu du Euskal Herrian Field Trial elkarte sortu berriak. Oilagor ehiza izango da, Lareoko urtegiaren ingurutik (Ataun) 09:00etan abiatuta, Aralarko baso-mendietan. Ohiko ehizaren berdina da garapenean, baina ehizakinari libre jare egiten zaio azkenean. Emaitza ez dute botatako hegazti kopuruan neurtzen, ehizatzeko ariketan baizik. Gipuzkoan berritzailea da heriotzarik gabeko ehizakera. Euskal Herrian, ez. Iratiko lehiaketa entzutetsua da; Gaubean (Araba) eta Subitzan (Nafarroa) ere antolatu ohi dituzte lehiaketak. Hain zuzen, Ataungo proba Euskal Herriko Basoetako Dama sarirako bi lehiaketa baliagarrietako lehena izango da. Beste saioa Iratiko oihanean jokatuko da, azaroaren 5ean eta 6an, Zuberoako lurretan. Europan oso sustraituta dagoen ehiza modalitatea bultzatu nahi dute Euskal Herrian Field Trial elkartekoek. Ingalaterran du sorburua, orain mende bete. Gaur egun Frantzia eta Italia dira buruan. «Euskal Herriko ehiztari eta muestra-zakur zaleen interesa ingurumena zaintzearen aldeko kirol moldeetara bideratzea» da elkartearen helburua. Aldi berean, gizarteak gure jarduerak ezagutzea eta onestea, ehiztariek, orokorrean, gizartean duten «ikuspegi soziala oso gaizki ikusita» dagoela jakitun. Hil [...]
Lazkaoko Udalbatzak atzo egin zuen hileko osoko bilkuran PSE-EE alderdiak Gipuzkoako Hiri Hondakinen Kudeaketarako Osoko Plana —PIGRUG delakoa— onetsi zuen publikoki, mozio baten bidez, eta kezkatuta azaldu zen Juan Manuel Serna zinegotzia Bilduk hori geratzeko asmoa edukitzearekin. «Arduragabekeria da, zaborrarekin arazo larria dugulako, eta denborarik ez daukagulako», azaldu du Lazkaoko zinegotzi sozialistak ohar batean. Aurreko legealdiko hondakin planaren defentsa egin du PSEk, «indar politikoen artean erakundeetan akordioak eginda lortu» dela argudiatuz. «Gipuzkoak azkenean zaborraren gaian proiektu bat zeukala zirudienean, Bilduk hutsetik hasi nahi du orain. Egunero obra ziurtagiriekin 1,5 milioi euro jartzen ari gara. Egitasmoek aurrera egiten dute, Bilduri gustatu ala ez». Gaur egungo kudeaketa plana Aldundiak bertan behera uzten badu «gipuzkoar bakoitzari 227 euro kostako» zaiola zehaztu du PSEk. Plana geratzea «erabat» bazter dezan eskatu zion Sernak atzo Lazkaoko Udalari. Gipuzkoako hiru zabortegiak «azkar» ari direla betetzen ohartarazi du, urtean herrialdean sortzen diren 400.000 tona zaborrekin. Horietatik 25.000 tona Igorreko zabortegira (Bizkaia) eramaten direla gogorarazi du, «Gipuzkoarentzat kostu ekonomiko batekin eta errauskailua eraikiko zen baldintzarekin». Bilketa eta tratamendua Herritarrak «nahastea» ere egotzi dio koalizioari, atez ateko bilketa sistema eta errauskailua aurkakoak balira bezala jartzea «engainua» dela esanez: «Gauza bat da zaborra biltzea, eta bestea bildutakoarekin zer egin. Atez ate [...]
Espainiako Zilarrezko maila ari den Estanda Ordizia areto futboleko nesken taldeak ligako lau partidetatik laurak irabazi ditu, eta A multzoko liderra da sailkapenean. Bihar lidergoa sendotzeko aukera izango du Majori kiroldegian, Kanariar Uharteetako ...
Akordiorik lortu ez badute ere, San Jose egoitzaren inguruan, adostasunera heltzeko borondatea erakutsi dute Ordiziako Udalbatzan ordezkaritza duten hiru alderdi nagusiek. Atzo iluntzeko osoko bilkuraren gai nagusietako bat izan zen. PSE-EEk aurkeztutako mozio baten harira piztu zen eztabaida, eta Belen Maiza zinegotziak, “urte beteren buruan egoerari konponbidea” ematea espero zuela argitu zuen. Iñaki Dubreuilek, PSE-EEren jarrera eta mozioa aurkezteko arrazoiak azaldu zituen aurrena. Testuak dionez, Gipuzkoako Foru Aldundiak duela hamar urte hartu zuen bere gain zerbitzu sozialetako egoitzen gaineko konpetentzia. Urte horietan ordea, Ordiziako Udalak diru kopuru handiak ordaindu ditu urtero San Jose egoitza mantentzeko. Urteko, bataz beste, 300.000 euro ordaindu ditu udalak, guztira, ia 3.000.000 euro. Aldundiak, urte batzutan, diru horren zati bat itzuli du, baina ez da laurdenera ere iristen. “Kopuru garrantzitsua da eta Foru Aldundiari berriz exijitu behar zaio 10 urtez asumitu ez duen konpetentzia hori bere gain har dezan”. Bilduko Belen Maiza zinegotziak, “egoera oso larria” dela erantzun zion, eta “hamar urte gai honi bueltaka” daramatzatela. Maizak gogorarazi zuen, epe horretan, hiru legealditan EAJk izan duela Aldundiaren gidaritza, eta gai horrek, 2010. urterako konponduta behar zuela. “Hamar urtean egin ez dena ez da orain bapatean egingo, denbora bat behar da”. Bestalde, aldundiko arduradunekin bildu dela azaldu [...]
Ordiziako Emaneurre Realaren lagun taldeak asteburu pasa antolatu du azaroaren 5 eta 6rako Madrilgo Vallecas auzora (Espainia). Rayo Vallecanok eta Realak partida jokatuko dute igande horretan, 18:00etan, eta Emaneurrek Ordiziako eta Goierriko realzale guztiak gonbidatu nahi ditu hara joateko. Izena emateko azken eguna azaroaren lehena da, asteartea. Emaneurreko bazkideek 100 euro ordaindu behar dute, eta bazkide ez direnek 120. Prezio horretan autobusa, hamaiketakoa, hostala eta partidarako sarrera sartzen da. Kutxako 2101 0184 7400125 22207 kontu korronte zenbakian sartu behar da dirua. Informazio gehiagorako 635 20 69 16 zenbakira dei daiteke edota emaneurre@live.com helbidera idatzi. Hauxe da astebururako plana. Larunbatean, azaroak 5, abiatuko dira 09:00etan Ordiziako Arboladitik. Bidean hamaiketakoa egingo dute, Emaneurre taldeak jarritakoa. Igandean, azaroak 6, poteoa egin dute Vallecas auzoan, eta ondoren, 18:00etan, partida ikusiko dute. Norgehiagoka bukatu eta berehala Ordiziarako bidea hartuko dute.
Gipuzkoako, Bizkaiko eta Arabako selekzioak arituko dira kedete mailan, neskak eta mutilak, Zumarragako Ispilla kiroldegian.
Chapito antzerki taldeak aurkeztuko du Shakespeare-ren antzezlanaren bertsioa, gaur, 22:30ean.
Olaberriko Arcelor-Mittal altzairutegiak erradiaktibitateagatik abisua eman zion, atzo, Espainiako Segurtasun Nuklearreko Kontseiluari. Zesio-137ren erradiazioa aurkitu zuten galdaketa-hautsa zeraman kamioi batean. Segurtasun Nuklearreko Kontseiluak Ja...
Hogeita hamar urtetik gorako gipuzkoarrentzat idoloa izan da Jokin Mujika (Itsasondo, 1962). Euskal Herrian, 1980ko hamarkadan txirrindularitzaren ikurretakoa izan zen. Txirrinduzaleak batenak ala bestearenak ziren garaikoa da; Julian Gorosperekin buruz burukoak afizionatuetan; ziklo-krosean, jubeniletan, Iñaki Bijandi bizkaitarrarekin lehia ikusgarriak, profesionaletan Marino Lejarreta, Peio Ruiz Cabestany, Santi Izuzkiza, Gines, Ibañez eta enparauekin Orbea talde mitikoa osatu izana… zaletuen gogoan geratu dira. Hiru itzuli handiak behin baino gehiagotan korritutakoa da: Frantziako Tourra bost aldiz, Espainiako Vuelta seitan, eta Italiako Giroa bitan. Bederatzi urtean txirrindulari profesional izandako itsasondoarrak Ordiziako Orkli kooperatiban egiten du lan, hiru txandatara. «Txirrindulari garaia ez dut faltan sumatzen, orain beste gauza batzuk baloratzen ditut», dio, umil, ehizatik txangoa eginda itzuli berritan. Bi gurpilen munduan 16 urte betetzeko zela hasi zen, 1978ko maiatzean, denboraldiaren erdian. «Futboletik etorri nintzen, Ordizian aritzen nintzen. Bizpahiru urte zaharragoekin jokatzen nuen, eta azken urte hura txarra izan nuen. Aulkian egoteko ez nuen balio, eta etsi egin nuen». Joxe Kruz Mujika anaiak —Euskaltel-Euskadi taldeko mekanikaria gaur egun— animatu zuen bizikleta hartzera, baloiarekin gustura ez zuelako ikusten. Futbola utzi, bospasei entrenamendu egin, eta hamar egunera Irungo Bentetan aurkeztu zen, talderik gabe. Laugarren egin zuen. «Maiatzean hasi, eta abuztura arte 15 bat karrera korrituko nituen; lau irabazi nituen: [...]
Maiatzetik bizitoki izan dituzten goi larreak pixkanaka uzten ari dira Goierriko artaldeak. Aralarko eta Urbiako artzain askok beherako bidea hartu dute, ohiturak mugatzen duen Santu Guztien eguna gainean dela eta. Udazkeneko giro haizetsua eta zaparradatsua iritsi bezain pronto, eskualdeko behe bailaretan irudi bitxiak ikusi ziren atzo: errepideetako nagusi ardiak ziren, auto eta kamioiek baino askoz lehenagotik igaro ohi dituzten bidezidorretan. Olaberriko Aizpea etxeko Mikel Etxezarreta eta Eli Arrillagak, adibidez, atzo etxeratu zuten artaldea, 400 bat burukoa. Herenegun Urbiako Ttonttor txabolatik Urtsuaranera (Idiazabal) iritsi ziren; atzo, eguerdirako baserri inguruko larreetan ziren. Urbian 11 artzainek dituzte artaldeak. Gehienak jaisten ari dira dagoeneko, nahiz eta San Martin (azaroak 11) pasatu arte batzuek goian geratzeko ohitura duten, berantiarrena izan ohi den Jose Txantxangorri tartean. Etxezarreta eta Arrillaga bikoteak aurten mendiko gazta deiturako gazta merkaturatuko dute, goi mendietako artzaintza babesteko proiektukoa, lehen aldiz. Urbiako Ttontorren 20 urte daramate, hala ere. «Duela lau urte jarri genuen txabolan gaztandegia, eta aurten ardiak jezteko makina jarri digute», dio Arrillagak. Dena ez da bukolikoa, ordea. Mendiko gazta ezaugarritzeko, eta gazta Ttonttor txabolan egina dela adierazteko, etxolaren izen bera erregistratzeko ahaleginak nahigabea ekarri diela azaldu du Arrillagak. «Abuztuaren 1ean eskatu genuen Patenteen Bulegoan Ttonttor izena erregistratzeko, Madrilen. Hara non gure [...]
Azaroaren 3an, osteguna, odola emateko aukera jarriko du Gipuzkoako Odol Emaileen Elkarteak Itsasondon. Udaletxe azpian, 19:00etatik 21:00etara egongo dira ordezkariak, emaileak artatzeko. Dagoen odol premiari aurre egiteko gaur egun daudenak baino ema...
Lazkaoko Areria kultur gunean ez da asteburuetako zinema emanaldirik izango, urriaren 29tik 31ra. Grabaketa lan batzuk egin behar dituztela azaldu du Udalak, eta horregatik bertan behera geratuko dira emankizunak. Asier Altunaren Bertsolari lana emango...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
