Haur jolasak, mus txapelketa eta krosa Gabon asterako Legorretan
Udalak eta herriko elkarte ugarik Gabon asterako ekitaldi sorta bat prestatu dute Legorretan. Abenduaren 27an eta 29an, asteartea eta osteguna, haur jolasak egingo dituzte, 16:00etan, Gazte Piku taldeak antolatuta. Hilaren 30ean, mus txapelketa jokatuk...
Udalak eta herriko elkarte ugarik Gabon asterako ekitaldi sorta bat prestatu dute Legorretan. Abenduaren 27an eta 29an, asteartea eta osteguna, haur jolasak egingo dituzte, 16:00etan, Gazte Piku taldeak antolatuta. Hilaren 30ean, mus txapelketa jokatuko da, Aldapa Haundi elkartean, euskal presoen alde. 23:00etan hasiko da, eta 10 euro da bikotearen sarrera.
Urtezahar eguerdian, ohiturazko San Silbestre krosa izango da. Urte berriari ongietorria egiteko, 00:30etik aurrera dantzaldia dago, Aldapa Haundin.
Gabon egunean, larunbatean, Gazte Piku eta presoen aldeko taldea kantari ibiliko dira. Baita Ugaroko haurrak eta Elekun ere. Olentzerok opariak 17:30ean banatuko ditu, herri zineman.
