Gabon giroan bete-betean sartuta gaude. Olentzero ere opariak prestatzen ari da, etxez etxe opariak banatzeko. Olentzerok opariak ekarri aurretik dena den, kantuan egin behar izaten da. Abenduaren 24a izaten da gabon eskean edo kantuan aritzeko eguna baina Lazkaon, lehenagotik ere aritu dira. Goierriko Euskal Eskolak Kultur Elkarteak antolatuta, VI. Euskal Gabon kanta jaialdia egin baitzuten abenduaren 10ean Areria Kulturgunean. “Gure guraso eta aitona-amonek garai batean kantatzen zituzten kantak ikastea eta ahaztuta galtzen ez uztea” da jaialdi horren helburua, Goierrithartxori Goierriko Euskal Eskolatik esan diotenez. “Larunbat arratsaldean ordubete ederra pasatu genuen elkarrekin Gabon kantuak aitzakia hartuta. Eta igande arratsaldean zinean euskarazko film bat ikustera gonbidatu genituen bai partaideak, bai beraien lagun eta familiakoak. Asteburu oso-osoa, beraz, euskaraz eta kulturaz blai”, gaineratu du. 180 kantari Seigarren edizio honetan, 180 kantarik hartu zuten parte. Haurren 18 talde eta helduen talde bat. Antolatzaileak gustura daude partehartzaile kopuruarekin baina, “gazteak eta helduak parte hartzera animatu beharko genituzke”, diote. Hasieran lehiaketa izatekoa bazen ere, azkenean, jaialdia izan zen. Sariak, denentzat izan ziren. Goierriko Euskal Eskolako Mari Jose Madariagak azaldu du zergatik. “Hasieran lehia bezala planteatu bagenuen ere, aurkezten diren guztiak saiatzen direnez ondo baino hobeto kantatzen eta jende aurrean kantatzera ausartzen direnez, guztiek merezi dutela saria [...]
Pello Barandiaran, Gertu aholkularitza (Beasain) 2012ko urtarrilaren 1etik aurrera etxeko zerbitzuan lan egiten dutenei ezarriko zaien araudi berria indarrean sartuko da. Beraien gizarte segurantza baldintzak hobetzea eta beraien ezkutuko ekonomia egoera ekiditea izango du araudi berri honek helburu. 700.000 langile ingururi aplikagarria izango dela aurrikusten da, bere eraginkortasuna zenbatekoa izango den oraindik neurtzear badago ere. Legedi berri honen puntu aipagarrienak honako hauek dira: Etxeko lanetan diharduen edonork, idatzizko lan-kontratu bat izan beharko du, gutxienezko aipamen batzuekin, gizarte segurantzan altan eman ahal izateko. Ordu bakar bat lan egitea nahiko izango da gizarte segurantzaren babespean geratzeko. Etxeko nagusiek eman beharko diote derrigorrez altan gizarte segurantzan langileari. 2019 urterarte, langileak irabazten duenaren arabera eta ezarri diren atal edo tarte desberdinen arabera gizarte segurantzari ordaindu beharko zaio. Ordainketa hau langilearen eta enpresaren gain izango da. Ordainketa hilean 19_ eta 164_ ren artean izango litzake, bakoitzak irabazten duena zein atal edo tarteren barnean dagoen kontutan izanda (15 atal desberdin izango dira). Lan kontratu partziala dutenek kotizazioa ere partzialtasun horren arabera izango dute. Gaixotasun kasuan, 4. egunetik 8. egunera etxeko nagusiek ordainduko diote langileari eta hortik aurrera gizarte segurantzak (orain ia lehen hilabete osoan ez zuten ezer kobratzen). Familia ugaridun etxeetan etxeko lanetarako kontratuengatik laguntzak izango [...]
Eguberrietako egitarauaren barruan, urteko azken feria berezia egingo dute Ordizian: Gabonetakoa. Asteazken goizeko bederatzietatik aurrera egingo dute. Urtero bezala, fruta eta barazkiez gain, animalien eskaintza zabala izango da bertan. Beti Alai pil...
Gemma Hernandez, Olatz Diaz del Rio, Urola Asirauto Plazaola triatloieko emakumeen taldea, Izaro Lasa eta Gorka Azkaratek jaso dute udalaren aitortza....
Itxaro Perez Heste lodiko minbiziaren inguruan tesia idatzi du Itxaro Perez biokimikariak (Besain, 1981). Gaixotasuna nola sortzen eta garatzen den aztertzeko aukera ematen du heste lodiko minbiziak, eta oraindik «oinarrizko ikerketa» bada ere, heste lodiko minbiziaren diagnostiko goiztiarrean pauso garrantzitsua eman du. Zergatik tesi hau heste lodiaren inguruan? Heste lodiak minbiziaren bilakaeraren tarteko fasea aztertzeko aukera ematen duelako. Beste minbizia askotan, organo osasuntsu batek, aldaketa batzuk izan ondoren garatzen du minbizia. Baina heste lodiaren kasuan, prozesu horretan tarteko fase bat dago, adenoma deitzen zaiona. Adenoma minbizi ona da, eta hori ikertzeko oso aukera ona da. Gehienbat horregatik egin nuen tesia heste lodiko minbiziaren inguruan, adenoma hori aztertzeko. Zer lortu nahi zenuen ikerketarekin? Giltzurruneko minbiziaren inguruan egin genuen ikerketa bateko emaitza onak heste lodian errepikatzen ziren ikusi nahi nuen, eta bide batez gaiaren inguruko informazioa zabaldu, ez baitago asko. Helburua heste lodiko peptidasak edo entzimak aztertzea izan da, gaixotasuneko hiru fase horietan: pertsona berberaren ehun osasuntsuan, tarteko fasean eta minbizian. Gainera, minbizia gradu edo estadio ezberdinetan ikertu nahi nuen, eta azken helburu nagusia izan da gaixoen plasma ikertu eta osasuntsuen plasmarekin alderatzea, aldaketak aztertzeko. Prozesu horretan, nola lan egiten duzue? Heste lodiko minbizia duten pertsonei egindako biopsietan, hiru motatako ehunak hartzen [...]
Usurbeko erakusketa gelan ikusi daitezkeen lanetako batzuk Batak bestearengandik ikasteko helburuarekin elkartu dira aurten ere Goierriko artistak. Urtean zehar egindako bina lan hartu eta erakusketa antolatu dute, hamargarren aldiz. Urteurrena ospatzeko, bitan banatu dute erakusketa: Artista bakoitzaren lan bat Usurbe antzokiko erakusketa aretoan ikusi daiteke, eta beste bat Igartza jauregian. Guztira, 34 artista goierritarrek parte hartu dute aurtengo topaketan, eta denetariko lanak ikusteko aukera dago. Eli Agirre izan da erakusketa antolatzeaz arduratu denetako bat, eta berak azaldu duenez, «estilo ezberdinetako lanak ikusi daitezke: errealistak, figuratiboak, abstraktuak, kontzeptualak… Koadroak ez ezik, eskulturak ere badaude bi erakusketetan». Lan bakoitzarekin artista bakoitzak mezu bat zabaltzen duela esan dute hainbat parte hartzailek, eta hala, estilo eta obra adina mezu, irudi, paisaia, elementu eta gai landu dituzte Goierriko artistek. Izan ere, adin eta herri ezberdinetako artistak elkartzen dira urtero topaketan parte hartzeko, norbera bere estiloarekin, eta aniztasun hori bera da erakusketaren ezaugarri nagusia. Aniztasun hori baliatuz, elkarrengandik ikasteko aukera ere badute, eta hori izaten da erakusketa antolatzeko arrazoi nagusia. Antolatzaileen hitzetan, erakusketa «artea lantzeko eremu kolektibo» bihutzen da, bakoitzaren estilotik at dauden bestelako teknikak eta ideiak ikasteko eta barneratzeko. Beteranoei omenaldia Urteurrenaren aitzakian, bi erakusketa antolatzeaz gain, Goierriko artista beteranoei omenaldia ere egin diete gainerako [...]
Atzo iluntzean prentsa agerraldia egin zuten hainbat eragilek eta norbanakok Legazpin. Urtarrilaren 7an Bilbon egingo den manifestaziora joateko deia egin zuten bertan. «Asko dugu egiteko, baina ez da gutxi egin duguna», esan dute. «Azken hilabe...
Ordiziako Mendizaleek urteko azken irteera antolatu dute datorren asteazkenerako. Dima eta Baltzola arteko bidea egingo dute. 07:00etan aterako dira Ordiziatik. Bestalde, datorren astelehen eta asteartean ere izango da federatu txartela berritzeko au...
Ampo, Caf, Ederfil-Becker, Eredu, Hertell, Irizar eta Orkli lantegiak euskararen normalizazio bidean indarrak baturik Euskararen Nazioarteko egunean aurkeztu zen Ingudea, Goierriko lantegien euskara batzordea. Ampo, Caf, Ederfil-Becker, Eredu, Hertell, Irizar eta Orkli lantegik osatzen dute momentuz Ingudea. Euskara lanabes hartuta, elkarlanean, lan munduan euskararen erabilera normalizatzeko bidean pausoak ematea dute helburu, lantegietan zein gizartean eraginez Ingudea metal arloan erabiltzen den lanabesa da, burdina landu eta forma emateko erabiltzen dena. Ingudearen metafora erabili dute Goierriko zazpi lantegik, euskararen alde lanean jarraitzeko sortu berria duten taldeari izena jartzeko. Ingudea taldearen izenean aurkezpena egin diguten Ampoko Ainara Arzelusek eta Orkliko Andoni Zubeldiak kontatu digute izenaren xehetasuna: “euskara lanabes ibili nahi dugu. Euskara ingudean landuz, euskarari forma emateko. Ingudea berez, metala lantzeko da, metalari forma emateko da eta hortik hartu dugu ideia”. Goierriko zazpi enpresek eta kooperatibek osatzen dute Ingudea: Ampo, Caf, Ederfil-Becker, Eredu, Hertell, Irizar eta Orkli. Momentuan, zazpi lantegi elkartu dira, 5.000 langile hartzen dituen zazpi gune. Dena den, gehiago izatea ere nahi dute. “Indar metaketa horrek hazten jarraitu nahi du eta horretarako ateak zabal-zabalik dituzte bertaratu nahi duten. Gonbidapena luzatzen diegu Goierriko enpresa guztiei”, diote Zubeldiak eta Arzelusek. Erritmo eta errealitate ezberdinak, helburu bera Bakoitzak bere erritmoan, euskararen erabilera areagotu eta [...]
Gabonetako oporrak direla eta, abenduaren 27tik urtarrilaren 2ra arte ez da Goierriko Hitzarik publikatuko. Egunkariaren webgunea ere ez da berrituko.
Abenduaren 31n bi ibilbide izango dira aukeran, Zumarragako gain garrantzitsuenak lotuko dituzte biek ala biek; urtea hasteko berriz, Irimora igotzeko ohitura...
PPko zinegotzi Begoña Pereirak udal gobernuko sozialistek proposatutako ''guztiarekin ados'' da, eta alde bozkatu du; Bildu koalizioko eta EAJko zinegotziek aurrekontuen kontra...
Eguberrietan ez da aspertzeko betarik izango Ordizian, udalak eta herriko kultur eta kirol elkarteek, egitarau betea antolatu baitute datozen asteetarako. Gipuzkoako finalisten bertso saioa, Eguberrietako feria berezia, San Silbestre proba eta nazioarteko igeriketa sari nagusia izango dira horietako batzuk. Kultur ekitaldiekin hasita, herriko musika taldeek eta ikasleek, hainbat jaialdi egingo dituzte Eguberrien aitzakian. Gaur bertan, esaterako, Umore Ona eta Oroith Txiki abesbatzen saioak izango dira, bat jubilatuenean, eta bestea elizan, 20:15ean. Musika eskolakoak berriz, kalera aterako dira iluntzean. Eta Beti Argi musika bandak, igande eguerdian egingo du Eguberrietako kontzertua. Umeen saioak egunero Eguberrietan umeen artean ilusiorik handiena pizten duen ekitaldietako bat, Olentzeroren etorrera izaten da. Aurten, Hitzaro elkarteak eta Urdaneta eta Jakintza ikastetxeek gonbidatuta etorriko da ikazkina. 18:00etan egingo diote harrera Arana kalean, eta handik hasita, segizioa egingo dute herrian barrena; plaza nagusira, 18:45ean iritsiko da. Dantzariak, txistulariak eta herriko abesbatzak izango ditu zain. Olentzeroren bisitaz gain, umeek izango dute bestelako denborapasarik ere. Hilaren 26an, Azatxoaren bila jokoa egingo dute D’Elikatuzen, 6 eta 9 urte artekoentzat. Gainera, hilaren 30era arte, egunero etorriko da ipuin kontalariren bat udal liburutegira. Maite Franko, Pello Añorga kontalariez gain, Toni La Sal txotxongilo taldea ere gonbidatu dute. Abenduaren 29an, Ordiziako Jubilatu Elkarteak antolatuta, aitona-amonen eta [...]
2004. urtean egindako ‘sarekada prebentiboetan’ atxilotu zituzten 11 lagunen zigorrak hitzartu dituzte haien defentsak eta fiskaltzak. Tartean dira Alaitz Iturriotz eta Ibon Urrestarazu ordiziarrak. Bi horiei, hiru urte eta lau hilabeteko kartzela ...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
