Agauntza ibaiko aforalekura eta erreka-tartera hondeamakina sartzeko sarbidea eraikiko du Gipuzkoako Foru Aldundiak. Ingurumeneko eta Lurralde Antolaketako departamenduak uztailaren 17an jakinarazi zuen obra egiteko erabakia, Diputatuen Kontseiluak astebete lehenago onartuta. Ataunen, Zubikoeta gasolindegiaren parean irekiko dute sarrera, Gi-120 errepidetik zuzenean errekara. Lazkao-Ataun oinezkoen herribideko metalezko zubi berdearen aldamenean zabalduko dute sarbidea. 15 metro luzeko arrapala edo aldapatxoa egingo dute, %16,8ko maldarekin. Ibai eremu horretan ez dago erreka-hondoa dragatzeko lanetarako sarbide «egokirik», aldundiak dioenez, «eta horrek nabarmen zailtzen ditu mantentze lanak». Hain zuzen, hiruzpalau urtean behin dragatu egiten dute aforalekuaren aurreko zatia. Errekaren ur emaria neurtzen da aforalekuan. Aldundiaren jabetzakoa da instalakuntza. «Denborarekin erreka bete egiten da harriz, eta noizean behin dragatu beharra izaten da», argitu du Ataungo alkate Igor Aierbek. Kalteak saihesteko Orain arte, hondeamakina errekan goragotik sartu izan da Agauntzara, eta «200 bat metro» mugitu behar izaten du aforalekuraino iristeko. Garraio horrek ibaiko ekosisteman «mesedea baino kalte gehiago» sortu izan ditu azkenean, alkatearen esanetan. Zuzeneko sarbidea irekita, kalte horiek saihestuko dira. Arrapala eraiki ahal izateko partikular baten eta Ataungo Udalaren lur sailak hartuko ditu aldundiak, denera 92 metro koadro zoru desjabetuta. Ibaien gaineko eskumena Eusko Jaurlaritzarena denez, aldundiak erakunde horri eskatu dio «obren premia» adierazteko.
Lazkaoko Lapke pilota elkarteak 2001 eta 2005 urte artean jaiotako haurrentzat San Migel pilota txapelketa antolatu du. Izena uztailaren 30etik abuztuaren 26ra eman behar da, kiroldegian. Lazkaoko eskola-umeentzat zuzenduta dago deialdia. Pilota bigune...
Lazkaoko Joxemiel Barandiaran udal kiroldegian ireki dute 2012-2013 sasoirako kirol ikastaroetan izena emateko aukera. Irailaren erdian eta urriaren aurrenean hasiko dira. Internetez (lazkao.net) edo kiroldegian apunta liteke.
Ataungo Organo Barrokoaren Nazioarteko VI. Jaialdian bihar izango da bigarren eta azkeneko kontzertua, Tourseko San Martin elizan. Organo baliotsuaren laguntzaile txistua eta ahotsa dira kasu horretan. Kontzertua bihar 18:30ean hasiko da. Koro Saenz Ag...
Goierriko bost udalek eta Gipuzkoako beste zazpik mailegu bana sinatu zuten, atzo, Donostian. Gipuzkoako Foru Aldundiari itzuli beharreko iazko UFFF Udalak Finantzatzeko Foru Funtsaren erdia finantzatzeko dira kredituak. Nafarroako Rural Kutxarekin kon...
Filipinar Uharteak, Urdaneta, Elizkale eta Iparragirre kaleak norabide bakarrekoak izango dira
Legazpiko udal gobernuak atez ateko zabor bilketaren aldeko jarrera mantentzen du. Hori ondorioztatu daiteke behintzat, aste honetan egin den osoko bilkuran EAJ alderdiak egindako galderei Bilduko ordezkariek emandako erantzunetatik. Pasa den astean, Legazpiko Birziklatzearen Aldeko eta Atez Atekoaren Aurkako Herri Plataformak egindako sinadura bilketaren emaitzak publiko egin zituen. Aurkezpenean adierazi zutenez legazpiarren %52k atez ateko bilketa sistemaren aurka sinatu zuen. Ordutik, udal gobernuak gaiaren inguruan emango duen erantzunaren zain dira plataformakoak. Hain zuzen, horren haritik atera zuen gaia Jabier Iraeta EAJko kideak, asteazkenean egin zen osoko bilkurako galdera eta erreguen tartean. Bi galdera luzatu zizkion Kepa Urtzelai alkateari: herri plataforma uztailaren 2an izandako bileratik zain zegoela eta erantzun bat noiz eman behar zuten, eta herrian bosgarren edukiontzia jartzeko asmorik bazuen ala ez. Alkateak erantzun zion lehenengo galderari. Zehaztu zuenez, udal gobernuak asteazkenean bertan bidali zion erantzuna plataformari. «Erantzuna beraiei iritsi baino lehen ez dugu hemen publiko egingo», gaineratu zuen. Igor Urrate ingurumen zinegotziak hartu zuen hitza, gero, bosgarren edukiontziaren gainean hitz egiteko. Bere hitzak zuzenak izan ziren eta ez zuten zalantzetarako tarterik utzi. «Ez dauka zentzurik bosgarren edukiontzia jartzeak, hemendik hilabete gutxi barru beste sistema baten aldeko apustua egin behar dugunean. Herritarrak nahastea litzateke», esan zuen. Iraeta ez zen bat [...]
Hamar egun beteko ditu gaur IK4-Lortek teknologia zentroak eraikin berrian. Uztailaren 16an ireki zuten hiru solairuko egoitza, Ordizian, Goierri Berrikuntza Gunean. Lortekek ia hamar urteko ibilbidea du —2002ko azaroan sortu zuten— lotura teknologien esparruko ikerkuntza eta garapenean. Zazpi milioi euroko inbertsioa egin dute. 50 langile ditu gaur egun, %65 goi mailako unibertsitate lizentziadunak, eta horietatik %20 doktoreak. Etorkizunean lan-taldea 90 edo 100 laguneraino haztea aurreikusten du. Goierriko eta inguruko enpresak —CAF, Arcelor Mittal, Fagor, Orkli, Ampo, Eredu, Orbea…— dira Lorteken bazkide. Kapitalaren «%100 pribatua» du, Jose Antonio Etxarri zuzendari orokorrak dioenez. Mondragon Taldekoa da, nahiz eta kooperatiba izan ez. Enpresen behar teknologikoak asetzeko zerbitzua eskaintzen du Lortekek, lotura teknologiak eta konexio prozesuak garatuz. Mota askotako soldadura teknikak garatzen dituzte, enpresentzat sistemak eta makina bereziak sortuz. Guztiz ekipatutako hiru pisu Lorteken eraikineko atalaurrean sartu orduko, zentroak garatutako piezen lagin bat ikusiko du bisitariak, showroom-ean. Beheko solairua da nagusia; han dago ikertzaileen areto luze argitsua. Tailerra eta laborategiak ondoan daude, espazio zabaletan antolatuak. Lehen pisuan bulegoak, eta bigarrenean zuzendaritza daude. Ikertzaileen bulegoa jakintza esparru askotako teknikarien lantokia da. Rosa Arregiren Sorkuntza eztanda irudia da nagusi, hondoko horman. «Lorteken filosofia islatzen du», dio Etxarrik: «Pertsona taldea, ideia eta ilusio asko dituztenak. Ideiak ernetzen [...]
Goierriko historiaurrea ezagutzeko aukerak asko erraztu ditu Aranzadi Zientzia Elkarteak, berriki. Gipuzkoako monumentu megalitikoen eta aztarnategien bilatzailea zabaldu du Interneten, doan eta edonoren eskura. Bost mila urte atzera eginda, orduko harrizko eraikuntza jakin guztien informazioa bildu du, bilatzeko aukera bat baino gehiago dituen aplikazio batean. Goierriren barrutian 80 megalito agertzen dira bilatzailean, Gipuzkoa osoan denera 250 bat. «Ezagutzen direnak» dira horiek, eta adituen iritzian beste «asko» egon litezke, ikertu gabeak eta aurkitu ez direnak tartean. Aitzitik, ustez hipotetikoki megalitotzat jotzen diren guztiak ere hala ez izatea baliteke. Zeraingo Txoritegiko «tumulua», adibidez. Behe Erdi Aroko eraikuntza da, ez Historiaurrekoa. Erakundeek, hala ere, megalitoen izaera eta babesa aitortzen diote. Adierazle desberdinen arabera egin liteke bilaketa. Kokapen geografikoaren araberakoa da bat, herrika edo eskualdeka. Eremu megalitikoka bereizita ikus litezke, edo megalito motaren arabera: trikuharria, tumulua, harrespila, zutarria edo harkutxa. Aroka edo sekuentzia kulturalka ere bila liteke. Neolito garaitik (K.a. III. milurtekoa) hasi eta Brontze Arorainokoak (K.a.1000) dira Goierriko megalitoak, tartean kalkolito edo Kupre Arokoak (K.a.2500 – K.a. 1200) direla. Gipuzkoako beste eskualde batzuetako egoerarekin alderatuta, ikerketarako gaia ugari geratzen da Goierrin. Kopuruaz gaindi, megalito bakoitza sakon aztertu beharra dagoelako ondorioak ateratzeko, indusketa arkeologikoak eginez, bidean. Metodologia modernoarekin ikertzen jarraitzea litzateke gakoa. Bilatzailea eguneratu [...]
Ordiziarrak Santa Ana jaietako azken asteburuan sartu dira. Gaur, tradizioa eta jaia batzen diren eguna ospatzen ari dira. Goizean, santaneroak, aurten ezkondu diren Ordiziako bikoteek ohiko kalejira eta Santaneroen Soka Dantza egin dituzte egunari hasiera emateko. Ondoren, 13:00etan, kuadrillek hartu dituzte udaletxe aurreko plaza eta kaleak, euren eguna izaki. Santaneroen Soka Dantza 500 urte baino gehiago dituen ekimena da, 1509koak dira behintzat, dauden lehenengo datuak. Urte horretan ezkondu diren bikoteek egiten dute, eta herria ikusmin handia sortzen duen ekimena da. Aurten lau bikotek hartu dute parte, ohi baino gutxiagok. Nuria eta Igor, Gorka eta Vanessa, Iñaki eta Nagore, eta Jabi eta Koro izan dira aurtengo santaneroak. Udaletxean harrera egin eta gero, alkateak elizara laguntzen ditu bikoteak kalejiran, txistulariek lagunduta, meza entzuteko. Ondoren, bueltako bidea egiten dute, udaletxera berriz itzultzeko. Emakumean, udaletxeko balkoian zain dauden bitartean, gizonezkoak plazara jaitsi ohi dira, Soka Dantza dantzatzera. Aurreskuak eta atzeskuak osatzen dute soka dantza eta bi dantzarien arteko desafio bat ere irudikatzen da tartean. Dantza aurrera doan heinean, banan banan emakumeak balkoitik plazara eramaten dituzte gizonezkoek. Amaitzeko, guztien artean arin-arina eta fandagoa dantzatzen dituzte. Santaneroak Ordiziako kaleak zeharkatzen dituzte azkenezkoz kalejiran txistulariekin batera. 13:00ak ingururako udaletxera bueltatu dira kudrillen eguneko txupina nola botatzen duten [...]
Euskal Telebistak asteartean, uztailak 31, emango du Lazkaoko plazan grabatutako erromeriaren bigarren zatia. Imuntzo eta Belokiren eta Elegancia Mexicana mariatxi taldearen kontzertua izango da. Asteartean 22:00etan ikusi ahalko da, ETB-1en.
Lazkaoko Udalbatzak gaur egingo du uztaileko osoko bilkura, 12:00etan. Kanpandegin biribilgunea egiteko kontratazio txostena eta lizitazio deia ateratzea onartuko dituzte. Iturgaitzagako urbanizazio lanak, Larreategiko lu sail bat, uhin elektromagnetik...
Lazkaoko Gazte Asanbladak herrigunearen pareko erreka eta haren ibilgua garbitzeko hitzordua ipini du, astelehenerako. Agauntza ibaia garbituko dute, beste urte batzuetan egin izan den jarduerari jarraipena emanez, auzolanean. Astelehenean 08:30ean has...
Goierriko EAJk egun osoko festa antolatu du irailaren 1erako. Beasainen elkartuko dira, eta besteak beste, alderdiko kideei omenaldia, bazkaria, umeentzako jolasak eta kontzertuak izango dira. Atzo aurkeztu zuten Goierri Bizia izeneko ekimena Beasaingo batzokian; bertan esandakoaren arabera, ekitaldi horrekin «politikan, herrigintzan eta auzolanean aritzeko borondatea agertu duten guztiei eskerrak» eman nahi dizkiete. Joxan Imaz, Beasaingo uri batzarreko lehendakariak azaldu zuenez, «1977tik, demokrazia ezarri zenetik, hain zuzen, alkate, zinegotzi, lurraldeko batzarkide, diputatu, sailburu eta senatari karguetan lanean aritu diren goierritarren lana errekonozitu» nahi dute. Guztira, 200 bat lagun izango dira omenduak. Iazko urritik hona, «bake bidean, politikan eta herriaren bizitzan beste garai bat hasi dela» gogorarazi zuen Imazek, eta horri esker, alderdi kideak «oso pozik eta itxaropenez beteta» daudela. «Alderdiari eta herriari bultza egin dieten guztiei eskerrak» eman nahi dizkiete, «omenaldi xume» baten bidez. Alderdikide, jarraitzaile eta lagun guztiak gonbidatu dituzte ekitaldira. Bazkarira joateko, mezu bat bidal daiteke goierrikoeajpnv@gmail.com helbide elektronikora. Festa 13:00etan hasiko da, Zubimuzu plazan. Bertako produktuak dastatu eta gero, bazkaria egingo dute, eta segidan, omenaldia. Arratsaldean, 16:00etatik aurrera, umeentzako jolasak izango dira, Gernika pasealekuan. Marsel magoak ikuskizuna egingo du 18:00etan, eta ondoren, txokolate jana eta Gozo Gozo musika taldearen emanaldia izango dituzte. Gauean, kontzertuak Irailaren leheneko festa gazteentzat ere irekia izatea nahi dute. Hori [...]
Bezperako parranda handiaren eta zaindariaren eguna goizetik bizi nahi izaten dutenen uztarketa izaten da Santa Ana eguna. Asko izan dira gaur goiz-eguerdi partean Ordiziako kaleetan zebiltzan mozorrotuak, herriari biharamun kolorea ematen ziotenak. Goizaldeko danborrada bukatu eta berehala, tradiziozko kalejira egin dute 08:30ean Irungo musika bandako kideek. Haiena amaituta, Meza Nagusi jendetsua egiten da Jasokundearen elizan, eta baita tradizioko prozesioa Alde Zaharreko kaleetan barrena. Behin hori amaituta, agintarien soka-dantzaren txanda iritsi da. Aurten sei hautetsik soilik egiten dute dantza herritarren aurrean. Nahiko une larria izaten da batentzat baino gehiagorentzat, baina behin bukatutakoan sentitzen den patxadak ere badu bere balio. Irungo musika bandak ordubeteko kontzertuarekin bukatu dira Ordizian eguerdian iragarritako ekitaldiak. Arratsaldean segida Eskuz binakako profesionalen pilota partiden jaialdia da arratsaldeko arreta gunean. 18:00etan hasiko da jaialdia. Ordu berean, Lagunak txaranga hasiko da kaleak alaitzen, eta 19:00etatik 21:00etara haur dantzaldia egingo du Egan taldeak. Gauean ere Eganek jarriko du giroa Plaza Nagusian. Bihar bukatuko dira Santa Ana jaiak. Santanazaleek ohiko esku dantza egingo dute 12:00etan, eta 13:00ean, berriz, Kuadrillen Eguna hasiera emateko txupinazoa botako dute.
Beste zenbait gairen artean, hiri barruko autobus zerbitzua Cuadra autobusak enpresa arabarrari esleitzea onartu zuen udalbatzak Bilduren aldeko botoekin, atzo egin zuten osoko bilkuran. Goierri Bus eta Leintz Garraioak enpresak ere aurkeztu ziren lehi...
Ertzaintzak 29 eta 52 urte arteko hiru pertsona atxilotu ditu gaur goizean, Olaberrian. Auto saltoki batean atzeman dituzte, eta lapurretan aritzea leporatu diete. Goizaldeko 05:30ean eman du abisua saltokiko langile batek, lanaldia hastera zihoanean b...
Santa Ana jaiak direla aprobetxatuz, Autopista Elektrikorik Ez plataformak kontzentrazioa egin zuen atzo Ordiziako plazan. Goierriko herri askotako 80 pertsona inguru elkartu ziren bertan. Udan zehar beste elkarretaratze batzuk ere egitekoak dira jad...
Beasaingo Udalak herriko hiru gunetan espaloiak berritzeko kontratua onartu du. Construcciones Morga enpresa bizkaitarrak egingo ditu zaharberritze lan horiek eta 92.000 euroko aurrekontua izango dute. Pasa den ostiralean egindako gobernu batzarrean on...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
