Ttiklik.com webguneak urtebete bete du sarean. Urte oparoa izan da webgunearentzat, eta irakurle asko bereganatu ditu denbora tarte honetan. Maite Franko ipuin kontalariak eta idazleak ipuin bat oparitu dio ttiklik.com webaren sortzailea den Itxaro Mendizabali. Ipuinaren sarrera kopiatu dugu hemen, eta osoa irakurri nahi duenak,
ttiklik.com webgunera jo beharko du.
Bazen garai bat non Maitagarriek haiengan sinesten zuten ama guztien jaioberriei opari berezi bat eskaintzen zieten mundura etorri berritan: tximeletaz betetako pote bat. Tximeleta horiek, berriz, ez ziren, ez, batere arruntak. Amak potea zabaldu bezain pronto, umearen buru gainean hegaldatzen ziren, haien hegoak igurtziz eta dena hautsez betez. Harrez geroztik, hortxe ibiliko zitzaizkion, buru gainean bueltaka, umearen ardura tximeletak bizirik mantentzea izaki.
•
Irakurri ipuin osoa hemen
