Hondakinen astea hasiko dute etzi Idiazabalen
Birziklapen datuen inguruko erakusketa eta bi tailer antolatu dituzte
Aurten %60ko birziklapen tasa lortzeko helburua du Idiazabalgo Udalak, eta, bide horretan, hondakinen astea antolatu dute. Hiru ekintza nagusi izango dira:
- Azaroaren 7tik 17ra: Hondakinak Idiazabalen: guztiok gara giltza! erakusketa. Udaletxeko areto nagusian. Hondakinen inguruko hainbat datu egongo dira ikusgai: birziklapen tasaren bilakaera, edukiontzi organikoaren erabiltzaile kopurua, koste ekonomikoak…
- Azaroak 8, larunbata: gazteentzako hondakinen berrerabilpen tailerra. Gaztelekuan, 17:15etik 19:15era. Tetrabrikekin egindako karterak, apaingarriak eta CD tapekin egindako jolasak… Artelatzeko hezitzaileek emango dute tailerra.
- Azaroak 10, astelehena: sormen tailerra, Tytti Thusberg-en eskutik. Udaletxe zaharrean, 15:00etatik 18:00etara. Bigarren eskuko ohialekin brotxeak eta lepokoak egiten irakatsiko du.
Irailean datu onak. Udalak emandako datuen arabera, gaikako bilketa %49koa izan da irailean Idiazabalen, orain arteko altuena.
